ماذا يعني أن يمر عليك العيد وعندك ولد ؟!
السلام عليكم ورحمة الله وبركاته
طبعا يا إخوان كثير من الناس لما تجيه مناسبة مثل العيد .. يفكر بهم هالوغدان اللي عنده ..
منين يجيبلهم فلوس .. وكم راح يصرف عليهم ..
وكم روحة للسوق راح يروح ...
طبعا ... أخوكم .. الفقير إلى الله .. هذا اول عيد يمر عليه وعنده وغد ...
لكن مثل مايقولون ...
دائما يجب أن تنظر للجانب المشرق من كل حدث يمر بك ...
طيب وين الجانب المشرق بهالسالفة .. ياغالي ..
الجانب المشرق بهالسالفة طال عمرك ..
يوم يجيك اول أيام العيد ...
وتقوم ام عبدالله .. وتلبس عبدالله ملابس العيد ..
وتطيبه وتكشخه ...
وآخذه معاي بالسيارة ... وأمر على دواوين الربع كلهم ..
ول مادخلت ديوانية ..
يقولون : ماشاء الله ... هذا عبودي .. الله حيه .. جعله أصلح من ابوه
وهذا يمهده له بربع دينار ..
وهذاك يصقعد على جبهته بنص دينار ..
وهذا يحط بجيبه دينار .. وانت تقول لا لا ماله معنى هالسوالف
وهذاك ولد عز .. يمهده بخمس دنانير ولا يلتفت ...
وعليك الحساب ...
ما يأذن الظهر ... إلا وإنت مطلع اللي صرفته عليه بالعيد ... لا ومطلعلك مصيرف .. لما بعد العيد
شفتوا الجانب المشرق ...
دايما خوذ الامور ببساطة
شكرا لكم ..
رد مع اقتباس
المشاركة الأصلية كتبت بواسطة صعوة فسفورية
المفضلات