ماذا يعني أن يمر عليك العيد وعندك ولد ؟!

**منصور الغايب** · 15-09-2009 23:01

المشاركة الأصلية كتبت بواسطة عبدالله الجعيثن

ياحليل الذكور.......مايخسر لا بلبس ولا بطلبات مدرّسين

الموت

البنت طلباته بالعيد وطلبات المدرّسات......هم وصرف بغير سنع

بهذي صدقت ...

لذلك انا حاط ببالي ماراح اجيب بنات

<<< اطلع برّا

**هلآ الآسلميهـ** · 15-09-2009 23:09

هههههههههههههههه

اي والله جانب مشرق...

بس فيه ناس ماهم متعودين على العيادي...

الله يصلح عبودي ويخليه ...

شكراً لاهنت..

**عبدالله الجعيثن** · 15-09-2009 23:11

ذكرتن يامنصور بخالي

اول ذرّه اربع عيال

وبعدين جته بنت

جانا ليلة العيد......وكانت البنت عمره سنتين

قال يالربع مايرجّعون "وأد البنات" مثل الجاهليه........قلنا ليه؟

قال: يالربع شريت لها "الطرس" كثر الاربعه مرتين

**εïз خزامى εïз** · 16-09-2009 00:22

االله يخليه يارب وجعلك تعآيد عيآله قل آمين
ونآسه فلّه احنآ للحين يعيدون فلوس < آه بس فلّه آخر حــد

عبد الله وش قصدك ؟

**لوليتا** · 16-09-2009 00:47

*|||*

اقولك انا الجانب المشرق

عبدالله وهو صغير
يادوب تشترى له لبس العيد على ذوقك
ياخذ العيديه من الربع كلهم وتحطها انت بجيبك وتطلع اللى يتوجب عليك لاولاد الربع بعد
يعنى تتساوى احيانا او تقل

اما لما عبووودى يكبر شوية
روح اشترى له ملابس العيد
يقولك هذا عاجبنى واللى تختاره له ما يعجبه
ويجيب اللى عاجبه طبعا
ما انت ما بترضى تزعله وتبى تكون له شخصية وراى
ويجيى وقت العيديات طبعا بتكبر معه
ولا تطولها
الولد صار رجال وبيحتفظ بامواله الخاصة
هههههههههههههههه

شفت الجانب المشرق

ابشر انت فى اول سلم الحياة

اعاد الله عليك العيد وانت معك اخت لعبووودى

البنات احلى << متحيزة

كل عام وانت بخير ابو عبدالله

*|||*

**بنت الجبل آخت القصيد** · 16-09-2009 02:06

ابو عبدالله

ماهي البلشه بعبودي

البلشه اللي مثلي راحت عليهم العيديات

اقول عبودي ماينتسلف اول عيد<< وش لكم بعوار الراس

الله يصلحه يعود عليه بحال ٍ زينه

**طواري الجنيدي** · 16-09-2009 02:48

والله انا راح علي عيد هالسنه

fresh توي متزوج

لكن السنه الجايه ان شاء الله توأم << طبعا ً وغدان ماهن فصي

يالربع اللي عندوه وغد زايد

ولا مالوه بوه حاجه

ابقوم احوم به من صلاة العيد لـ ثالث العيد

وادفع عليه تأمين

ابو عبدالله مبروك عليك العيد مقدما ً

ودعائي لـ عبدالله بالصلاح

تقبل مروري مع عيديه لـ عبدالله بس جبوه لي صبح العيد الاول

ولا تروح عليكم العيديه

**غالب** · 16-09-2009 05:17

الله يصلحه و ويوفقه

واستلم سلامي

**منصور الغايب** · 17-09-2009 02:19

المشاركة الأصلية كتبت بواسطة الصـpearLـغيرهـ

هههههههههههههههه

اي والله جانب مشرق...

بس فيه ناس ماهم متعودين على العيادي...

الله يصلح عبودي ويخليه ...

شكراً لاهنت..

اللي مو متعودين .. هم الخسرانين

لاهنت على المرور ..

شكرا لك .. ياخية ..وين عيدية عبودي

**منصور الغايب** · 17-09-2009 02:21

المشاركة الأصلية كتبت بواسطة عبدالله الجعيثن

ذكرتن يامنصور بخالي

اول ذرّه اربع عيال

وبعدين جته بنت

جانا ليلة العيد......وكانت البنت عمره سنتين

قال يالربع مايرجّعون "وأد البنات" مثل الجاهليه........قلنا ليه؟

قال: يالربع شريت لها "الطرس" كثر الاربعه مرتين