/ ذكرياتي اطلق من ذكرياتك /

**أحمد** · 08-09-2009 20:42

اي والله ذكرت لي سالفتن ماقسة

ايام موضة السيارة النيسان 240 جنوط كروم وحركات ...

اكالحين شنقل معوه وحده مدري اخو سعدى حديهم على الطاري ......

الوكاد كالعادة طالعن ادربي راسي يم المدرسة الصبح برمضان

الا والله المفاجاءة

عند البيت سيارة 240 سودا

العن ام الفله

وانا ادخل البيت واتقصى وتطلع مفاتيحة عند ابوي وسيارة ابوي مهي فيه يعني اكيد سيارة واحد من اخوياوه

وانا القطه واقوم افرفر بالحواري هذا اودية للمدرسة وهذا اودية لاخوياوه ووين راسي عندهم

الوكاد يوم اقبلت على البيت قلت ياولد جلنط بالحاره مايضر وانا اتله مع لي لفه يانا منتورشعن الرصيف وشجر وحوسه

والسياره عيت تمشي

وانا اتفق مع جارنا مطنوخ من الربع انوه يقول لابوي على الفطور اشوفلي شباب خذو هالسياره من عند الباب وحسبتهم بنيخيك

ويامني جلست على كرسي العرس تسان الله احيانا ابفقش كل شين لابوي خخخخخخخخ

ودمتم

**فتى البيداء** · 09-09-2009 06:04

بذكر هالموقف أيام الجهل ..

مرة سافرنا شباب يم جده .. يوم أخذنا لنا كم يوم .. وهي تسرق موترنا ..

ونبداء نسوع بهالشوارع رجليه .. نروح يم البحر على تكسي .. ونجي على تكسي ..

رفيقنا راعي السيارة المسروقه .. نسى بوكه مع راعي تكسي .. وبه أثباته وفلوسه وقشه كله ..

رحنا لأقرب مركز شرطة نبي نبلغ على فقدانه لأثباته .. دخل رفيقنا وواحد من الشباب معه يبلغ القسم ..

أنا وأثنين من الشباب وقفن عند الخفير عند الباب ..

ولا حقين المخفر عندهم لهم بسه (قطوة ) ربوووه حيل .. تدخل وتطلع عليهم ..

وواحد من الشباب مقرود ومولع بضرب البساسه ..

وهو يجي يبي يضرب هالبسه .. قاله العسكري .. أنت ياهوه .. هذي حقتنا ماتقولها حاجة ..

قال خوينا لا ماعليك ابشر .. وهو يمسح على ظهر البسه .. وهي تحس بالأمان ..

يوم سحبه مع ذيله وحست بالخيانه وهي تشبث بدينه بالأرض .. ولاه ماشافت صمايل ..

وهو يدوره بيده ويقرطه فوق .. يوم أنطلقت تقل ريشة أدريل من طلقه .. له ونين ..

والعسكري يصايح .. لا لا دحين .. إيش الهرجه ؟ وهو يعجز يحتسي من الضحك ..

الله يتوب علينا وعليه ..

**غالب** · 09-09-2009 07:51

والله أحاول أتفطن
وطرت علي سالفه ماقسه
بس وكاد إنه سالفه
هذا سلمكم الله في ليلتن من ليالي رمضان قبل حول 6أو 7سنين
كنت نيمن بحوش بيتنا
وقعدت من النوم ليا والله بوه لوه بسه صغيره تمشى ومهي بعيده عن راسي
والله وأنا أروح وازمه
تخبرون عاد البساسه مادام إنهن توهن صغيرات مايخافن من البشر لأنهن توهن طالعاتن على الدنيا ومايدرن وش الطبخه
المهم ليا والله بوه لو عندنا مرجيحه أكا الحين
والله وأنا لكم أحط البسيسه على المرجيحه
والمرجيحه قريبه للجدار اللي يطل على الشارع
وأنا أزت المرجيحه بأقوى ماعندي
على ماطارت البسه ماسمعت غير صوت طقـا..ـه طاااا.......
ههههههههههههههههههههههه
وليا والله يوم شمعت بالجدار
وأنا أروح وأكمل نومتي وولا أدري وش صار عليه من أكا اليوم

واستلموا سلامي

**أبو فهد** · 09-09-2009 08:34

ذكرتن بسالفة وغدان

تولجوا دجاجة و غالوه

يمار باضت من غولهم له

يوم نشدناهم ليه تعملون هاللون

قالوا كل يوم تبيض و اليوم ما باضت خخخخخخخخخ

**روح حايل** · 10-09-2009 01:28

^

مانت بحل قلبت الذكريات علينا بساسه

حيهم والله وخوش ذكريات

اكتشفت ان سناعيسو ماعندوه قلب عز الله يصلح شيخ

**فوووز** · 12-09-2009 07:19

اتلاحظون ان كلكم لاعبينن في حسبة البساس لعب جيتس ياروح باللي عندي ماذكرني فيها الا ريحه الفيمتو على الفطور أيام ما كنا صغار ..كنا ساكنين مع جدي بنفس البيت الله يغفر له ويرحمهكان البيت ينغش بزران.. ..لا وخاصتن ان رمضان كان هذاك الوقت صيف وإجازة وعماني يجتمعون... ويمتلي البيت خلق..عاد مالهم دبره ذولا وش يوكلهم وش يشربهم..كانوا طبعا مايفوتون الفيمتو على الفطور.. ولازم الشوارب تطلع لنا بنات وعيال

**فوووز** · 12-09-2009 07:26

ولازم الشوارب تطلع لنا بنات وعيال <<< عشان يدرون انا لحقنا عليه وشربنا قبل لايقضي.كانوا من كثرنا يحطون العصير في سطول ..
ومايفطرونا الا بالحوش .. يومنه كبير وبياسعنا كلنا..والله اني اذكر ريحته الى هالحين ... على ان الدعوى بربسه بس كان لها طعم ...
ياحلو ذيك الايام

**روح حايل** · 15-09-2009 08:59

^

احلى ايام والله فوز يعطيتس العافيه

ولاهنتوا جميعا

**بنت الجبل آخت القصيد** · 16-09-2009 09:26

قريت الموضوع كله
بس
ذكرياتي اطلق منكم

لا بل اجرم يمكن
واتوقع محد سوى اللي سويته

انا احرقت بمزرعة ابوي

كنا ثلاثه انا واختي اكبر مني وبنت اختي اتفقنا نلعب بدو

ولازم نهرب كبريت عشان مشب الدلال
قلنا لبنت اختي هاتي الكبريت مع دريشة المطبخ وحنا برى ننتظره

راحت وطلعته لنا
مهي مشكله هذي

المشكله وين رحنا نلعب بدو

رحنا بوسط التبن وانتم بكرامه
وضبطنا الجلسه ونولع بمش الدلال وتبق النار مولعه
نطفي التبن بتبن والنااار تزيد

ياليتنا رحنا وعلمنا اهلنا ..

لاااا جلسنا ساعه نفكر شلون نعلم اهلنا

اتفقنا نقول عامل جاء من آخر المزرعه
ورمى زقاره وانحاش <<< مجرمات

وقعدنا نطلع اعذار ساعه

احترق محصول التبن والبرسيم لكالسنه
وشغلو المكاين وجلسو يطفون 3 ايام اذا مو اكثر

بعد ماوصلت الثانوي واختي بالجامعه اعترفنا لابوي

وضحك قال ادري ماجايه الا انتن

<<< موقف ماانساه ابد

**ميـاسـه** · 18-09-2009 07:30

بما ان السالفه بساس في بساس

بقوول لكم سر والله اني ياكنت مجرمه اجراام:629r:

هذا الله يسلمكم كان عندنا بسه صغيروونه وش حليلها وانا كل يوم ظهر اشووفه مصخنه واقوم اغسلها واتركها بالحوش واقولها ان شفتك بكرا مصخنه ترا بذبحك<><<الغباء عندي بالاكتساب

ويجي اليوم الثاني واللي عقبه وهي كل يوم مصخنه وانا اغسلها اخر شيء تعبت وقلت طيب وانا اجي واغسله واقول هذي وجعانا ماتنفع تصير بسه كل يوم مصخنه واجي واطخ راس بالجدار وتقوم تصوورخ تبي الرحمه ثمن اطخ راسه بالجدار وتقوم تصوورخ تبي الرحمه واطخ راسه بالجدار ليين ماتت <<<تصيح الله مير يغفر لي ويرحمني
وبعديين غسلته ودفنته من حزني عليه
واحساسي بالذنب الحين كل ما اشوف بس بالحاره الا اعطيه شين من اللحم <<مخلصه لحم بيتها

ولي عوده بالذكريات