السلام عليكم ....
الفلاويه جميعا... وتحيه خص نص مزركشه بالعود والطيب المرصص لاعضاء المنتدى ...
اليوم عندي سالفه طرت على .. لواحد من الربع لســــــــانه فيه اعوجاج والله اعلم ..
ماغير اذا تكلم تلقط منه بدليات ,,, يعفس ابو الهرج( الحتسي) ..
يعني اذا جا يتكلم الرجال يحرص بس مافي فايده لسانه يخونه ,,ههه
وفي احد الاعياد وهو يروح عند عمانه الشيبان يسلم عليهم وهو داخل البيت مر على عمته الكبيره وسلم عليها وشولنتس ياعمه وعيدتس مبارك ,,
ولا عمه الكبير يدخل وهو يفز له ويسلم عليه ويقوله عيدك مبارك ياعمه .. بدل لايقول ياعم ,,
وهو يضحك عمه ويقوله انت مابك طب ...
وهو يحمر وجهه لكن معرف لدينا بهذا الطبع مسيكين والله الرجل مواقفه كثيره ,,\
ولكن الطامه الكبرى بقولكم السالفه الي سواها ,,
ذاك اليوم وواحد من الربع يوجبه ويسويله عشا ويعزمنا ...
المهم جيت والله الرجال مايسولف مايبي يجيب العيد ,,
وواحد من الشباب يبيه يسولف كود يتصيد عليه شي ,,
المهم سولفنا والحمد لله الرجال للحين ,,, ماشي تمام ,,
وهم يقلطونا على العشا ونتعشا ,,
وهو يقوم من الصحن خوينا هذا ابو البدليات ,,
وهو مركز مضبوط وهو يبي يقول اكرمكم الله و انعم الله عليكم ورحم الله والديكم
لكن
خانه لسانه المسيكين وهو يقول
اكرمكم الله و العن الله والديكم .... بدال انعم الله عليكم ورحم الله والديكم ...
وحنااااااااااااا
نتسدح من الضحك والي طش البيبسي على خويه من الضحك والي شوي ويرجع وهو يطلع من المقلط على المجلس محمر وجهه ومهو عارف شلون يرقعها والرجال جاه وهو يضحك قاله مسموح خابرينك ,, ومعروف قصدك ,,
و حنا للحين نضحك ومحنا عارفين نكتم الضحكه ...
المهم الرجال قال والله لساني هذا شكلي بقصه وارتاح ,,,
من الاحراج حنا خلاص كتمنا ,,
صحيح المواقف محرجه بعض الاحيان ,,
بس وش دبرته الرجال هذا ,,
وسلامتكم ,,,
رد مع اقتباس
المفضلات