ورق !

**جمال الشمري** · 05-09-2009 00:23

.
.
محاولة للأحتفاظ بـ بعض الأشلاء
التي دُفنت في ورق .. وذهبت ادراج الرياح
طبعاً إذا اسعفني الإتصال .. والحضور (:

واسوّي لك.. من خيوط الأماني.. لهفتين "وريق"
ــــــــــ عساك تصحّى اللي نام فيني .. قبل اصحاني
ذخرتك لـ السنين المقبلات...ورحت كلي ضيق
ـــــــــــ تغنّى لـ الدروب الموحشة .. وقلوب خلاني
انا مبطي دفنت الأنتظار .. وموعد ٍ ماذيق
ــــــــــ وسط حصن الورق...حتى.. تخيّل.. جفت الواني !
اخاف اصحى ..وانا حزني خبل ..يشره على هـ "الريق"
ــــــــــ واخاف التيه ...يلقى له عذر .. لاجيت القاني !

الكويت 2006
والرسمة "من ياعي جدي"

**هايس الشمري** · 05-09-2009 00:35

يا مبدع

قليل يغني عن الكثيير

جماال.. صدقني لا يوجد في كل ورقك الا الجمال

لك من اسمك نصيب الاسد

اخوووك

**ريوف** · 05-09-2009 01:29

محاولة للأحتفاظ بـ بعض الأشلاء
التي دُفنت في ورق .. وذهبت ادراج الرياح

^
^

هكذآ أشـلآء .. لآتذهب أدرآج الريآح بل تبقى صآمده صلده ..!!

نبض وإحسآس مُتفرد يـ جمــآل لآفضّ فوك ولآضمـآ ..!

أختك / ريوفـ ..

:
:

**جمال الشمري** · 05-09-2009 01:36

قصيدة القيت على لسان طفل معاق
أمام سيدي خام الحرمين الشرفين
أثناء زيارته لـ منطقة الجوف بـ طلب من الأخت :موضي العرجان

لوّح لك الخافق ولبّا لك الشوف
ــــ واستبشرت كل الدما والشرايين
بـ قدومك اللي ينفض البرد والخوف
ـــ ياخادم البيتين ..ياناصر الدين
يامشرّع احضان المسرات لـ ضعوف
ـــ ياراسم البسمة على شفاه مسكين
هو الذرا والدار ..وحنّا له ضيوف
ـــ مليكنا ونبقى على العهد وافين
حي الله اللي نوّر الجوف.. والجوف
صقر العروبة ..سيف ضد المعادين
أنا معاق..وجيتك بـ قلب ملهوف
ـــ يمكني القى فـ المسافة عناوين

والباقي ضاع بـ ورق
احاول القاها (:

**جمال الشمري** · 05-09-2009 01:50

[align=right]

الإنسان الشاعر \هايس
مثلك يأتي مثل الفرج ..مثل الفجر
لم تكتب سوى شعورك .. وعبورك..وحضورك
الذي اراه صدق يدفعني إلى الفرح بـ حزن
حتى اجبر احياناً رغم الإغراءات بـ التشبث بـ هذا المكان
اقصد مضايف شمر
اسقاك الله شعراً لاينتهي
بس لو ماستعجلت واربكتني بحضورك
كان ودي اكتب ..واحتفظ باللي بقى خايف يضياع (:
مودتي لـ قلبك ولك شاعري
[/align]

**جمال الشمري** · 05-09-2009 01:58

الباسقة ريوف
[align=right]
أهلييييييين مرتين
وفي هذا المرور السريع فتنة وحدك من وصل إليها أولاً
بقيت صامدة .. هي كذلك
رغم كثرة المتشدقين .. والمتملقين
والمستشعرين مثلي (:
دمتي بهكذا وعي
[/align]

**جمال الشمري** · 05-09-2009 02:06

شعر ..وابريق شاي .. وأرصفة ..وكتاب
ــــ على هالحال اصحى بي لـ اصحابي

تصوّرت المنافي ماتجيب ..أحبـــاب
ــــ كثر دمع ٍ ... .وقف في شُرفة أهدابــــي !

رحلت وكل ضلع ٍ من ضلــوعي ذاب
ــــ ومرّت سكة الغاليـــن ....... بـ كتابي

ولا ادري وين اروح وهالجهات غياب ؟!
ــــ تنادي ..... والتفت !...... وتمر احبابــي

وجيه ٍ تنهب احداقي .. وترّف اسراب
ــــ من أقصى غصن ٍ اصفر.. بي .....والقابي :

عصافير الضحى .. "فراشي".. صرير الباب
ــــ تباريح الصباح ..... "الديك "..... العابي

ثيابي "الجرد"..من أول ندى يغتاب
ــــ ريحة خُبز أمــي ....... لييين شذابي !

وتخيّلتك !.. تدوزن..دفتري أعشاب
ـــ وطارت من حمـــايم روحي اسرابي !

يابو ثغر ٍ..عطى النسرين والعنّاب
ـــ حياة !........وورّدت "توتيه".. بـ اسبابي

حبيب ٍ كل ما طريت المفارق .. غاب
ـــ وتوارى في مداي ......... وريحة ثيابي !

اثر هذي المنافي .. كلها أحباب
ـــ واثر كل الجهات .. تمر بـ احبابي !؟