بـ 9 ريالات بس
السلام عليكم ورحمة الله وبركاته
أخواني و أخواتي أعضاء المضايف و الزوار في شهر رمضان الكل منا يدور عمل الخير
و يسرع إلى ما فيه مساعدة لأخوانه المسلمين من المحتاجين
و هناك طريقة بسيطة و سهلة و غير مكلفة أطلاقا
( السالفة كلها ما تكلف 9 ريال بس - الله يديم الرخص )
على الاخوة غير السعوديين مراعاة فرق العملة
ألي أعرفه الدولار الأمريكي بـ 3,75 ريال
هههههههههههههههههههههههههههههههههههه
بأمكان أي واحد مننا سواء رجال و لا حرمة يقدر يسويها
شلون أنا اقول لكم ؟؟
تروح لأقرب بقالة بحارتكم و تشتري كرتون موية أكواب
( أم نص ريال )
كرتونها بـ 9 ريال و فيها 40 كوب موية ( كويس و رخيص )
و تروح لأقرب خيمة أفطار صائم و يا الله لك الحمد السنة هذي يا كثرها
كل مسجد و لا شارع تلقا بوه خيمة أفطار صايم
و أنزل وخذ معاك كرتون الموية و وزع الموية على أخوانك المسلمين
هذه الطريقة خاصة بالرجال
أما خواتي الحريم يمكن ما يقدرن يطلعن من البيت تلقاهن مبتلشات
بقلي السمبوسة و اللقيمات
و غرف الشوربة
و تقطيع الخبز للتشريب
هههههههههههههههههههههههه
بسيطة خواتي لا تنقلن هم
طلعي من دزدانك 9 ريال و عطيها أحد أخوانك
و لا تدرين عطيه 10 ريال 9 ريال مويه و ريال حق المشوار
و خليه يشري الموية و يوديها لخيمة الأفطار
ترا الدعوة تساهيل
و تقدرون أخواني تسوونها مع الموية و اللبن و التمر
أو تحطون من فطوركم لو على صحن أو صحنين
ترى فيها أجر كبير و هي ما تاخذ منكم الكثير
يله أخواني و أنتن خواتي
خلونا نسوي كذا تراها فرصة حنا ألحين برمضان لا تقول بكرا أو بعده لين يروح رمضان و أنت ما سويت شي
فال الرسول صلى الله عليه و سلم
عَنْ زَيْدِ بْنِ خَالِدٍ الْجُهَنِيِّ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ فَطَّرَ صَائِمًا كَانَ لَهُ مِثْلُ أَجْرِهِمْ مِنْ غَيْرِ أَنْ يَنْقُصَ مِنْ أُجُورِهِمْ شَيْئًا".
رد مع اقتباس
المفضلات