[align=center]
يالله يا شافي مـن الخلـق معلـول
والخلق بعـد المـوت تبعثـه حيـه
ارجيك يا مولاي في موقف الهـول
الناس مـن هـول المناظـر شقيـه
عرايـن والكـل واقـف ومذهـول
من خوفهـا قامـت تراعـد إلحيـه
الكل واقـف يرتعـد تقـل مشلـول
والامـر كلـه خارجـا مـن يديـه
لا فيـه حاكـم ولا فيـه مسـئـول
النـاس كلـه بالمواقـف سـويـه
ومن يعد ذكر مسمي العام والحـول
القيـل يسهـل للضمايـر مجـيـه
يا صار له واجب يجي له على طول
هـداج تيمـا مـا تشايـك دلـيـه
امدح بهن من فدوتـه كـل دعبـول
وياتـي لمدحـه بالمثـل قابيلـيـه
رجل حسب فغله بالامداح مشمـول
معـروف دايـم بالوفـاء والحميـه
به الامل بعـد الولـي دوم مامـول
وله عـادة بالجـاه حـل القضيـه
يوماً رجاء قال الفزع ضايق الجول
وظروف ابو مطلق صحيحـا قويـه
الجسم من شد المرض صار ماهول
وجاله على طب بـالاردن وصيـه
واجازة ابنه بين مرسـل ومرسـول
وصار المواقـف مالهـم فيـه نيـه
يعطي الاجازة دايما يا مضى حـول
واعـادتـه مكـاتـب الداخلـيـه
ارد منهم غيـر منصـف ومعقـول
وقمنا نتذكـر كـل راعـي حميـه
ذكرت اللي بالطيب له جهد مبـذول
ومواقـف بالطيـب ماهـي خفيـه
محمد بن سميان بالطيـب مجبـول
طبيعتـه بـه للـوفـاء غايـريـه
ونخيت ابو متعب ولالجهد ممهـول
عز الله صـارت فزعتـه شمريـه
شمر هل الردات والسيـف مسلـول
وافعالهـم دليـل كــل محكـيـه
منهم ملبي بالوفا صـوت هذولـول
اللـي ضـرب بالقيـض للمهمهيـه
مع الديـار اللـي بعبـده وكالـول
والخيـل تـدرا مـن تلفهـا يديـه
وفي قصة الشلقان للطيـب مدلـول
دليل لأفعـال الخـوي مـع خويـه
وذباح معيد الزرع لو فيه محصـول
يا عل روحه عنـد ربـه رضيـه
ومعتق لذباح الولـد غيـر مكفـول
ولـد ثـواب وعـزوتـه وايلـيـه
واللي قهر زوده ورا الجو ونـزول
ذوده حيـام وذود جـار ه رويــه
ومكنهم الي له طيب الفعـل مقيـول
للذيـب عشـى بالمجاعـه طليـه
ومنه الي صـار بالكـف مصقـول
يوصف مع الامـوات قبـل المنيـه
واللي وفـاه لـواده غيـر مجهـول
يوما ظهـر العـود مثـل الحنيـه
كفـه وقـاه ابـوه والفعـل منقـول
لشمر بهـاذي عنـد غيـره مزيـه
الفعـل للوافيـن واضـح ومفعـول
وافعالهـم فـي كـل مجـد مديـه
ذكرت له عنون واثبت لمـا اقـول
ياصار لامجـاد النشامـى قضيـه
وجمع الضياغم مدركه كـل منفـول
افعـال تبقـى بالوفـا ضيغمـيـه
تاج على روس الطنايا مدى الطول
واخـص منهـم لابـه جعفـريـه
اهل الوفا والمجـد والفعـل ديلـول
عسـى لهـم فـي كـل دور بقيـه
وصلو عدد ماهل بالوبـل هملـول
علـى نبيـا خيـر كـل البـريـه
الشــــــــــــــــاعر : سميحان فهد السويدي
[/align]
رد مع اقتباس
المفضلات