[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
في داخلي جمر لكـن ما يدفيني = من يشعل النار في صدري ويدفابي
من يجمع الغيم بيدينه ويسقيني = واصب عيني لعينه واحطب اهدابي
من ياخذ النوم من جفني ويسريني = ويعلق الصبح قبل اصحى على بابي
تعبت اوطّن بقلبي شخص ينفيني = تعبت اهجّر حمامِ حب محرابي
تعبت اقطّف حروفي من بساتيني = والناس تُـعجب وانا مانلت اعجابي
يا اول الحب وينك او انا ويني = تغيب عني كأنك تعلن اغيابي
من غبت عني وانا والله مابيني = ضيقت خلقي وضاقت فيني ثيابي
اعد عمري الحقيقي واحسب سنيني = لقيت عمري معك ماجاوز اتعابي
طلبت قلبي وقلت ابشر ومن عيني = واعطيتك اللي تبيه وقلت بسبابي :
يبذر بي الحب من صغره ويجنيني = الين شفتك زرعت الموت بترابي
حريتي معك ! لكن عطني ايديني = اخفي بها حزن متسلطن بأهدابي
محتاج انام ودخيلك لا تصحيني = الا على انفاسك اللي تشبه اطيابي
[/poem]
رد مع اقتباس
... كما تحب انا ناديك
المفضلات