ضبطوا لهم دله على كيف كيوفكم
الرجال وعيالهم مع بعض
والحريم مع بعضهن
وكلهم متجهزين ولابسين يبون يروحون للحديقه ويتعشون هناك
ولفت انتباه عبدالله الجعيثن ان شنقل بناخيه مهو معهم
وجالس لحالوه بالزاويه وزعلان
قال ابو جعيثن يابو عارف
ولدك وشبلاوه زعلان
قال ابو عارف والله يا فلان مدري عنوه
وهم يصوتون لوه
ويجي مادن بوزوه
قال ابوه وشبلاك زعلان يا ابا النكوث
قال شنقل ماني رايح معكم ابي اروح للملاهي ماني ماني ماني
قال ابوه انطق هنا تسانك منت رايح
قال شنقل هين والله لا انتحر
والله لا امسك الكهرب واخليه يشفطن واموت
قال ابوه مت تسانك صادز
قال ابو ضاري تعال يالغالي
انت ليه تبي تروح للملاهي علمن بالصحيح
قال شنقل فيه وحده تحبن هناك ابي اروح اشوفه
قال ابو ضاري ياوليدي شلون عرفت انه تحبك
قال هي يوم نروح هناك بس تراعيلي
قال ابو ضاري يالغالي متهولتن من هالفلاق اللي براسك
ومناخرك اللي بس يدرجن وتحمد ربه على النعمه
قال عبدالله الجعيثن يالربع خلونا نروح للملاهي
هي كله تمشيه
نخلي هالوغدان يلعبون ويستانسون
واخاف نخلي هالخبل هنا يسوي بروحوه شين والله ما تسوا علينا
حنا ذالين من الفضيحه ولا هو خلوه يولي
قالوا خلاص الملاهي الملاهي
وهو يتبسم شنقل ويقلبن شدوقوه بنفسجيات ( ما يقلبن حمر من هالوصخ )
ويروحون للحديقه
وينزلون الوغدان
ويهجمون على الالعاب
وكل لعبه به واحدن منهم
هذا ريال فسحه وحيل حليل والشبث يلعبون بالسيارات
وهذا شنقل يبلع فصفص ويتمشى بين الناس يدور العشقه
وهذا يوسف والجثري يطابدزون من لعبه لثانيه
اما الحنشل
فمثل كل مره
مجتمعين عليه الناس ويراعون لوه متهولين
اللي يصوروه واللي يكتب ذكرياتوه على صلعتوه
والبنات جالسات عند اهلهن ومعهن سناعيسو اصغرهم
وطبعاً هالوضع ما عجبهن
وهن يروحن لابوانهن ويتهطمن
يبه نبي نروح نلعب
تكفوووون نبي نلعب
ويتطلبنهم
قال ابو ضاري يالربع خلوهن يلعبن حرام بس حاشرينهن
قال ابو عارف يالله يا بناتي
رحن العبن
بس خلنكن جميع لا تفرقن
وخذن سناعيسو معكن وانتبهن عليه
قال ابو ضاري احلااا يابو عارف ذالن على سناعيسو
قال ابو عارف لا والله يابو ضاري بس ذالوه يعدي هالناس
تخبر بوه عنقز
ويروحن البنات ركض يبن يلعبن
وعقيدتهن روح حايل هي اكبرهن
ولا باقي الا ابو عارف واخوانه ابو ضاري وعبدالله الجعيثن واختهم عجايب
شوي ويجونهم الامن ماسكين ريال فسحه
يوم شافوا وشهو عامل
ولا الولد معوه نبيطه ويتصيد العصافير بالشجر
وشنقل كل وحده تمر من عندوه يقول احم احم انا اللي شفتيني اليوم
واشكل
اما البنات
فبيرل الصغيره يوم شافت الالعاب انصفرت من الوناسه
وخزيم من بوفيه لبوفيه تدور دونات
وروح حايل وريوف والسنعوسيه يتمشن بدون لعب لانهن هاديات
وشرهه راحت تلعب بالسيارات مع الشبث وحيل حليل
وسناعيسو قام يدوج لحالوه
يوم جاء وقت المشوه
ويقومون الرجال الكبار يجمعون عيالهم
هذا واحد يلقونوه بلعبه ( حيل حليل والشبث )
وهذا الاخر نيم بوسط الشجر ولا طالعن الا رجلينوه ( الحنشل )
وهذا واحدن يدوج من سيب للاخر ( شنقل )
وهذا واحد ينزلونوه من فوق شجره يبي عش عصافير ( يوسف )
وهذا واحدن يتهدد ومعوه وحده على عايله سوريه ( الجثري وشرهه )
ويجمعون عيالهم وبناتهم
الا سناعيسو
وين سناعيسو
ويقومون يدورون بالملاهي
وكل لعبه يدورون به
وكل مكان يدورون بوه
مافيه مكان ما دوروا بوه ولا فيه فايده
بالاخير ويكتبون ارقام جوالاتهم ويحطونهن عند البوابه علشان اللي يلقاوه يدق عليهم
ويروحون لشقتهم
منغثين
منعفسين
الا بيرل الصغيره لانه دايم تتهاوش معوه مستاااانسه
ويجلسون الرجال علشان يشوفون وشهم عليه
ويدق جوال ابو عااارف
ولا رقم غريب
ويرد ابو عارف
الوو
قال الرجال الاخ ابو عااارييييييييييييف
قال ابو عارف نعم معك
قال الرجال اخي في الك اماني عناااااااااا
قال ابو عارف وش هالامااانه
قال الرجال ابنك فلزة كبدك سناعيسوووو
قال ابو عارف الله يجزاكم خير
وين انتم علشان نجيكم وناخذ الولد
قال الرجال احنا نجي لحد عندك
بس ازا بتريد جهزلي مبلغ مليون دولار فديه لابنك
قال ابو عارف افاااامليون ريال
قال الرجال ركز يا اخ
دولااااااار مو ريال ازا بتريد خيووووو
قال ابو عارف يعني منتم فاعلين خير خاطفين
قال الرجال اخي سميها متل ما بتريد المهم الفديه
وازا اجت الساعه 12 الدهر بكرى وما جبت المبلغ اعتبر ابن في عداد الاموااات
وسكر الخط
ونتابع بالجزء الرابع كيف راح يتعامل ابو عارف مع هالمصيبه هو واخوانه
هل يدبرون المبلغ وكيف
وتقلدوا تحيتي
المفضلات