،،،
،،
مشاعر جياشة اختلطت بدموع الفرح بسلامة
سمو سيدي مساعد وزير الداخلية للشؤون الأمنية / صاحب السمو الملكي الأمير
محمد بن نايف بن عبدالعزيز آل سعود
من الهجوم الآثم الذي حدث له أثناء استقبال سموه للمواطنين في مجلسه
مساء يوم الخميس الموافق 6 / 9 / 1430هـ
....
..
رفــْرف علمنا والفرح عم الاوطان
والشر زل وصار من دون في دون
غصب ٍ على من كان مفسد وخوّان
بإذنك يارب البيت والله ليبطون
لو حاولوا ما صوّبوا أي نيشان
لو خطـّطوا بالسر ،، مهما يكيدون
بنحورهم مردود والضد خسران
والربح لاهل الدار والوضع مامون
من كف عبدالله ومن كف سلطان
مضرب مثل بالعز ( وابليس ملعون )
والنايب الثاني لنا .. درع وسنان
نايف على امن الوطن قلب وعيون
ويـِمينه اللي للجزيلات عنوان
محمد زبون المعضله لا ظلم الكون
مواقفه .. يشهد لها كل ميدان
على النقا وارهاب الاشرار مهيون
مواقفه عطر المجالس ،، وبستان
صدره مجالس به رجاجيل وضعون
من طيبته شرّع لهم كل بيبان
قلبه قبل بيته .. عساهم يتوبون
أسمى صفاته بالتواضع والايمان
قايد محنـّك .. بالصعيبات مفتون
شامخ مثل نايف ،، ونايف كحيلان
حر ٍ ولد حر ٍ عن الذل مصيون
رايه حكيم .. ويأسر عقول وأذهان
يثني على ربه .. وشاكر وممنون
سلامته .. يفرح بها كل إنسان
صاحي عقل ما داخله شك وظنون
سلامته .. عيد ٍ لنا طول الازمان
( واحد ويسوى له من الناس مليون )
هذا شعوري مندفع فيه وجدان
سامي شعوره عن " وكالة يقولون "
فيني ولاء وإن كان تبغون برهان
عمري فداء لاخوان نوره ومرهون
للراية الخضرا ولو كان ما كان
الشعب واحد واكثر الخلق يدرون
،،
،
الراسي .. بشير اللويش
رد مع اقتباس
المفضلات