[poem=font="Arial,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تدري انّي يوم شفتك \ كل مافيك احترمته = واحسب ان اللي فقدته \ لحظة وصالك لقيته
كل مافيني عطيتك مابقى شي وذخرته = حتى لو تطلب حياتي \ موت لعيونك شريته
انت غير .. وشي اقصد .. شي غير ولاملكته = شي لو انّي ملكته .. شي غير اللي هقيته
واثر خان الحس سيده \ بس من شانك كتمته = اكتمه جرح وقصيد يذوب قلبي لاطريته
اكتم بصدري \ وقلبي لو يقول الآه .. هنته = ولادريت الا يمينك تحرق وعمري نهيته
لكن اسمع حط بالك انسى كل اللي ذكرته = اسمع آخر تك تك و تك تك وماوفيته
تك هذي تك تدري وش هو معناها يا انته = هذي دقة قلب فيك ايدق وآخرها رميته
هذا آخر حس كان ومات فيديك وخنقته = هذا آخر ماهقيت ايصير وانت اللي بديته
شف بنات عيونك اللي تنظر لذنب اقترفته = ويتحسّر قلبك ادري شي بعيونك رأيته
التزمت بخط سير وخط غير انت التزمته = مابقى عتابك معاي وليه تزعل لانسيته
ليه تندم والنجاسه درب خاويته ورمته = ليه تحلف والكذب يمناك عنوانه وبيته
ليه ذاك اللي يخون الذات لعيونك \ ظلمته = والا تدري .. ليه ألوم ان كان هذا ماجنيته
صدق انّي كل بحرٍ غصت في قلبه وعمته = وماني عاجز عن بحر كذبك اعوم اليابغيته
كان طفل الحب حي وجيت بيديك ودفنته = واذكر احياء الطفوله دفنهم جهل ورضيته
الاماني وليد يلعب بالمواني ولارحمته = لويروج ( ايذبه فوج الموج ) ماظنك بكيته
العمر طرده سراب وسار آب ومالحقته = بالحزن مبلول عمر ولابعد ايلول جيته
والعواطف ضاعت بزحمة عواصف من تبعته = غصن ألبس تين صامد فـــ\ البساتين المميته
والمصيبه منك خايف كل هذا مافهمته = والمصيبه الاعظم انك تفهمه زي ماقريته
قرب وحط بالك اسمع كيف لعيونك قفلته = تستحقه وبجداره بيت لعيونك بنيته
تدري اكثر شي انا فيك ايعجبني واحترمته = مالقيته مالقيته \\ مالقيته \ مالقيته
[/poem]
رد مع اقتباس
المشاركة الأصلية كتبت بواسطة سجّة فكر
المفضلات