(( جبة غمام )) !
أذكرك .. وابلل بدمعي طريقي ..
وآخذ من الليل ( آهـ ) وما أنام !
وانده لتنهيدة المشتاق : فيقي ..
وتيبس أطرافي ولا يبقى حمام !
والغمام اللي أبيه يفك ريقي ..
ينتظر مثلي بعد جية غمام !
هاجسك لاراوده همي وضيقي ..
قولي إن الموت هو مسك الختام !
وإن غرقت هناك قولي : يا غريقي
لا يموت الحلم في قلبك : حرام !
حلوتي .. والوصل هذا مو حقيقي !
حلوتي .. والشعر هذا مو كلام !
أزفر عيونك : يجاوبني شهيقي !
وافتح عيوني ويلفحني ظلام !
ومن سمعته قال للنسمات : ضيقي !
فتح عيوني و خلاني و .. نام !
بركات الشمري
المشاركة الأصلية كتبت بواسطة العمدهـ
المفضلات