يوميات رمضانية () امحق من يوميات
السلام عليكم ورحمة الله وبركاته
مساكم الله بالخير
بغيت اذكر لكم سالفة صايرتن مبطي يعني البارح
يا من شرا له علة من حلاله
المهم
البارح و الساعة 3 فجر و يوم قلنا بسم الله سحور انا و عديلي
وإلا بسم الله الرحمن الرحيم الحريّم يتصلون
قالوا : تعالوا خوذونا من السوق قضينا
المهم انطلق عديلي يمهم و جابهم و يوم تمّت الساعة 3 و ربع و يتصل جوال المدام ست الحبايب
يمار اللي يرد علي يماني و يقول : الو وين صاحب الجوال و مين انت
قلت له : أنت اللي من أنا رجل صاحبة الجوال
قال : لقينا الجوال و الشنطة على طاولة الحساب عندنا بالمحل
قلت له: جايك جايك لا تسكرون
و خيذتنا
المهم و تدخل الهانم و مقشقشة معها ربع محلهم و طايرة من الفرحة و تقول الحمد لله لقيت كل اغراضي ياربي لك الحمد
و انا اراعي لها بنص عين و ماهوب وقت هوشات
المهم علمتها بالسالفة و تقعد تويّل و طحنا بنوبة ياويسي و يا بري حالي
قلت له : قشقشي اغراضتس و عيالتس و مشينا يمهم بلا سحور بلا بطيخ لوزين من بقالة المحطة و الحمد لك يا ربي
المهم ابشركم واجهت اليماني و عطان اغراضي و دعيت له و دعيت على من كان السبب
و يوم حركنا و يذن المذن للفجر و آآآآآآآآآآآآآآآآآآآآآآآآآآه من كل قلبي
ما شربنا ماء خل السحور يولي
الوكاد ميت من الظمأ
و نتحرى الفطور
يا عل ما عادت هالسوالف
-------------------
أبو فهد الهمزاني
رد مع اقتباس
المشاركة الأصلية كتبت بواسطة الصـpearLـغيرهـ
المفضلات