السلام عليكم ورحمة الله ..
كل عام وانتم بخير
اخباركم مع رمضان ..
واخبار رمضان معكم ....
والله الا تقهوون فينتو
برمضان يمر علينا شغلات تضحك وشغلات تبكي
بالموضوع هــذا
الكل يشاركنا بيومياته ...
بعض من يومياتي....
:
:
1 / 9 / 1430
كنت نايمه عند آختي قمنا على الظهر نصلي ونبدا نشتغل بالفطور
وقامت شركه الكهربا تلعب يطفون ويشغلون ..
شوي الا امي تدق.. قالت :- الكهرب طافي عندنا
قلت تعالو افطرو معنا <<< اعزم ببيتهم ^_^
عيت وتاخذ رقم الشركه وتسكر
الوكاد انا وبنت اختي نسوي فطاير قالت خلينا نقول لهم مايشتغل الا باتسر وبهاللحظه
وتدق آختي على جوالي قالت:- الرقم اللي عطيتونا مايردون علينا
قلت :-اصبري بدق عليهم وآشوف
شوي يوم دقت قالت : هاه كلمتيهم .. قلت : آيه يقولون عطل بحيكم مايشتغل الكهرب يمكن الا بكرى
قلنا لولد اختي قبل يطلع بشوي الا يوم دقت امي على آختي
قالت:- خلاص اشتغل لاحد يجي يمنا
قال ولد اختي انا ماسمعت شيء ...
وراح لبيتنا وطفى الطبلون وجلس بالسياره شوي وطق الباب
قالت امي : وه ياوليدي يطفي ويشتغل
قال ايه يبيقعد هاللون ليا بكرى يالله امشو
يوم طلعو مر الطبلون وشغله
وجو .... ومشت الخطه
:
:
2 /9
كنت عازمه صديقاتي بالليل
واقوم الساعه 11 الظهر وشغل وشغل وشغل
ليما 2 واخلص الحلويات
وبدون سابق آنذار وبط بط ..<< يعني صووت
ويطفي الكهرب
ياشينه مهو وقته
وليما الساعه 6 مااشتغل
ياشينهم ليه هاللون ... حر وكرف ومع هذا عندتس عزيمه
المهم خلصنا شغلنا وبعد التراويح نظبط الجلسه والدخون والحركاتات ..
وانتظر
وانتظر
وانتظر
وانتظر
وترسل لي صديقتي "رجلي جاء من المسجد وعازم رجال متى ماراحو اجي"
وادق على الثانيه ..
"عمامي عندنا"
الوكاد على هالتعب محد جانن
وتجلس عطروش لحاله تبلع من هـ الحلويات
ليه كذا يالرجال.. تحلى لكم العزيمه بوقت الشطه
:
:
الموضوع
برعاية مضيف الجوال
<< تسوي دعايه
3 / 9
نشتغل كالعاده ناس تقلي وناس تلف فطاير
وناس تفرج على التلفزيون وناس تلعب كوره من الفراغه
وبنت اختي منبطحه بالصاله وتفرج على السفره
كل ماله تزيد من هالنعمه
قلت له وش عندتس يافلانه .. تقل تفكرين
قالت :-
تخيلوووووووووو
لو ابونا اسامه الطيب
وامنا
منال العالم
تسان وش لون شكل سفرتنا
هههههههههههههههه
خياله واسع
:
:
4/9
كنا ببيت ام سنعوسيه عازمتنا على الفطور
وعقب التراويح تذكرنا انه مطلوب علينا صور
المهم انا الوحيده ماعندي صور
ورحت اصور ببرزان نزلني خواتي قالن صوري وهن راحن
للابرار يتقضن
المهم خلصت وانتظر وانتظر وانتظر
وادق عليهن وينكن ..
قالن رحنا للبيت .. السياره زحمه اغراض ماقدرنا نمرك
ويضحكن
اجحدنن ياناااااس...
شوفي نبي نشوف فلان وينه يمرتس
وعطروش جواله يطوط مافيه شحن كهرب
وادق على فلان وينك...
الاخو يفصل ثياب ...
ليما فزعت لي سنعوسيه واخوه ورحت معهم ويوم جيت اركب وتنقز سنعوسيه
الا تركبين قدام ..
وانا اقول والله ماطبه وهي تحلف وانا احلف ...
وولد اختي تلطم .. يقول اركبن فضحتننا
ويوم وصلت البيت اكتشف انهن استعجلن عشان اختي بالبيت مسيره علينا ومن العجله نسنن
ليما دقيت وهن قريبات للبيت
صدق " الظنا لامه والعنا لمن يضمه "
محد يفكر بي الا ميمتي
/
\
شاركونا بيومياتكم
رد مع اقتباس
المفضلات