<>[] احيان اقول ثنين ضرب ثنين ناتجه يصير <>[]
<>[] خمسه واصحح غلطتي واقول ناتجها اربعه<>[]
<>[]واحيان ياخذني خيالي في فضا الشعر ويطير <>[]
<>[] واجمع دواويني وافوق اليا وصلت المطبعه<>[]
<>[]مالوم نفسي دامها عاشت على واقع مرير <>[]
<>[]عجزت تحقق حاجه من احلامها المتواضعه<>[]
<>[]واقع يقول الصبر مر وبعضنا مافيه خير <>[]
<>[]واللي معه مال(ن)كثير افضل من اللي مامعه<>[]
<>[] أسهل وسيله للغناء المذموم لاتعطي فقير <>[]
<>[] واحرص على تكديس راس المال واتعب واجمعه<>[]
<>[]وان قالوا احسن قول ماعندي سوى شي(ن)يسير <>[]
<>[]خلك مرآئي وامنع الماعون والصدق اقطعه<>[]
<>[]خلك أناني يعني معدوم المشاعر والضمير <>[]
<>[] اللبس قناع الظلم وأقناع المروءه أنزعه<>[]
<>[]ترى النتيجه قصر فخم وفرش من أرقى حرير <>[]
<>[] وخدام لك في كل يوم(ن)يرفعون القبعه<>[]
<>[]أقدر أسوي مثلهم لكن نهجي نهج غير <>[]
<>[] أنا التقي اللي يخاف الله وخوفه يمنعه<>[]
<>[]في منتصف درب الحياه ودربها صعب وخطير <>[]
<>[] تعطلت رحلة سنيني وانتهت في مقطعه <>[]
<>[]تعبت من دنيا الشقاء يامسمُُّيه خالد أمير <>[]
<>[] صمتي قتل صوتي على صحراء الضياع الواسعه<>[]
<>[]أناالحزين اللي ظلمه الوقت من يومه صغير <>[]
<>[] أنا بكيتك ياالشباب اللي أناظر مصرعه<>[]
<>[]ياحظي اللي لك ثلاث سنين طايح وسط بير <>[]
<>[] امد لك حبل الرجاء وأنته تقوم وتقطعه<>[]
<>[]الحمل لامن زاد عن حده كسر ضهر البعير <>[]
<>[] بارك تحت حمله ولايقدر يقوم ويرفعه<>[]
<>[]قدام حسادي اكابر وأدري بوضعي خطير <>[]
<>[] وأبلع كلام(ن)كنت قبل اليوم ماطيق أبلعه<>[]
<>[]حتى المنام اللي من أول كان لعيوني عشير <>[]
<>[] راح وتركني للسهر وأصبحت خاتم بصبعه<>[]
<>[]صدري حفظ قلبي وقلبي يكتب الفصل الاخير <>[]
<>[] ماكنه الا مثل عابد يحتضر في صومعه<>[]
رد مع اقتباس
المفضلات