[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أوصيك ياللي كل موضوعٍ يشغلك=صبرك على ميلات وقتك شجاعه
أضحك وجامل وانس همٍ يزعلك=دنياك ما تسوى الزعل منك ساعه
رد الجزى للي بقلبـه يواصلـك=قبل إيتبين من طرفـك إنقطاعـه
رد الثنـا للـي بطيبـه يجاملـك=الطيب ما بين النشامـا بضاعـه
افعل جميل وبالتواضـع تعاملـك=ترى التواضع منزلـك بالرفاعـه
والكبر عند اقرب قريبـاً يخذلـك=دخان صلفات الهبايـب ضياعـه
العلـم لبلـوغ المعالـي يوهلـك=والحلم خير كفيت شر الجزاعـه
ليل الجهل داجي وحذرا يعرقلـك=يثنيك بعقال الجمل فـي ذراعـه
كثيـر بالدنيـا امـوراً تملـلـك=تيار غيظـك لا يـزود إندفاعـه
حكم ضميرك لا تضيـع دلايلـك=خل الثقه بالنفس ستـر ومناعـه
لا تبدي اسرارك لخبـلٍ يغافلـك=يزرع صعيبـات المشاكـل زراعه
لا تجادل اللي بالجهاله يجادلـك=لو كان عندك بالكلام إستطاعـه
أن ضعت ميزان التجارب يعدلك=التجربه مثـل النهـار وشعاعـه
حسد الفقارى لاهل الصيت والملك=فيهم زرع فقر النفـوس ابشاعـه
اللي خلقك بوافر الـرزق كافلـك=لا تنزعج ساس الغنـاة القناعـه
أن اقبلت دنياك يجرهـا السلـك=تجيك من عقب العصايه بطاعـه
وأن أدبرت بسيوف بقعـا تذللـك=تسقيك كاسات الشقاء والشناعـه
إن جاد حظك بالرفاعـه ينزلـك=كلن يبي قربـك يجيـك بوقاعـه
وإن باربك شفت الاهانه من أهلك=بك يشمتون المجتمع والجماعـه
مهما جرالك لا تضيـع مراجلـك=اليسر عقب العسر يبني شراعـه
[/poem]
رد مع اقتباس
المفضلات