العماله السائبه على وزن الجمال السائبه
السلام عليكم ورحمة الله وبركاته
أول شي بصري وش عنـدك بالعام هههههههههههههههههههههههههههههههههه
ياعزآهـ يابصري اجل مثقف
لازم تسرق يابصري جمل وتركبه على بعض
لأن وقتنا هذا المهم الشكل الخارجي ولا المضمون محد يلتفت له
نجـي لسالفتنا <_ بصـري تعال بجنبي ياخلايف شربتلي أجل طردوك هههههههههههههههههههههههههههههههههههه
اللهم إني صائم <_ ياحلوه يالربع شي هالكلمه تعطيك جو
العمالة السائبه وماآدراك مالعمالة
صراحه شي غريب كلام طويل العمر الوزير
تقرا كلامه بالجريده تستانس
تشوف بعينك تقول ياحلوك يالاعلام يبهر ويزبرق اللي يشتهيه
تدرون إن نسبة الفساد بوزارة العمل فوق الــ90%
يعني أدفع فلوس تطلع لك 10 فيز برخصة بوفية <_ ماطلعت لحد يطالع لي انا مواطن مؤدب
ماعلينا .
هذا واحد من الشباب دق عليه أبوه برفحاء .
قال ابيك تسفر الخدامه وتحجز لها من الدمام
[ تعرفون رفحاء محافظه طول وعرض ولا فيها الا الخطوط السعودية ورحلاته بالحسره والدمام لأن فيه مكاتب حجوزات هناك وفيه إمكانيه يحجز له على خطوط دولته بسعر آرخص من خطوطنا السعودية حفها الله ورعاها <_ لزوم تبين غلاك وولائك وتطبق خطة السعودة]
المهم إن الولد قال لأبوه ابشر بسعدك يايبه وماطلبت شي
ومر على هالكلام إسبوعين وجا الولد لأهله خميس وجمعه
وسئله ابوه حجزت قال ايه وخلصت بس باقي تركب بالطيارة وتمول هههههههههه
والولد ماحجز ولا شي مطفرررر مامعه الريال
وهي تركب معه الخدامه
ويروحون للدمام وهو بالطريق يفكر بهالمصيبه ومن وين يتسلف ومن وين يدبر عمره
ويقلب بالجوال ويدق علي <_ ماااااااااااالي شغل
وقالي السالفة
قلت بسيطه عندي الحل ولاتضايق روحك واعتبر الموضوع منتهي
شلون مالون قلت تسمح لي اقفل منك عندي شغل
وأقفل منه وأدق على خويي مقدمين اهله على شغاله وصارلهم فتره ماجت <_ نظامي ابو الولد وتلعوز
قلت تبون خدامه براتب شهري وهو يقفل بوجهي
لاتلومونه مستانس وماقدرت توسعه الدنيا من الوناسه
قال بكم قلت بــ 2500 ريال والليلة وهي عندكم
واتفقنا وكل شي وادق على خويي قلت فرجة يالذيب
اول ماتوصل قطه على مخطط 91
وآركبه معي وأوديها لبيت خويي
وخلص الشهر وأدق على خويي قلت يالله تعال خذه وسفره
وطمع الولد وباقي له 3 شهور وهو يروح يشغله ببيوت خلق الله
أول شهر ثاني شهر
ثالث شهر دق على اللي مآجره لهم وقالو ياخي الخدامه انحاشت
وهو يتورط
ويروح للشرطة قال حاله طآرئه
قالو لازم يجي ابوك الكفيل ... ياعالم ياناس الخدامه منحاشه سوو بلاغ
ولا حياة لمن تنآدي لاااااااازم الكفيل يجي
والولد توهق ولايدري وش يسوي
وخضع للأمر الواقع ودق على ابوه
قال السالفه كيت كيت كيت ,,,, قال ابوه وينك ؟
قال بشقتي
قال طيب وهو يقفل بوجهه
ويدق على اخوانه وين ابوي قالو خذا قناته وراح يبيك
ويركب سيارته وينحاش لرفحاء
ويدق عليه ابوه قال وينك ياللي بك مابك
قال انا برفحاء
وهو يقفل ابوه الخط
ويدق الرجال على هنـدي البقاله قال شف
فيه برا ددسن غماره وبه شبك والسواق كله شنب
قال الهنـدي ايه هذا الحين يروح مني ويفحط
ويدق خوينا على أبوه قال ابوه لاتمشي انا جايك بكرا الصبح ابنام بالحفر
وهو ينام خوينا من الخوف برا رفحاء
ويدق الصبح على أبوه الا هذا ابوه ينهت يقول وينك يالخسـيس
ماخليت غرفه مادورتك به
وهو يضحك خوينا قال على مين تلعبها وهو يقفل وينحاش للدمام
ويرجع الشايب للدمام يبي الوووووووووووولد من قلب يبي يذبحه خلاص
ويدق خوينا على ابوه ويقوله الابو انا طالع من الحفر والله ان تحركت لا أتبرا منك
ويركب خويه سيارته وكان مشغل شريط ديني عن عابر السبيل وعن مساعدة المسلم اذا لقيته متعطل بطريق وخششش جو خوينا
وهو يشوف سيارة متعطله وهو ينتخي ويقول انا راعي العليا اخوي المسلم متعطل
وهو يوقف وينزل ويصوت يالاخو يالاخو
الا هذي شنبات ابوه هههههههههههههههههههه
ويمسكه ويرضه رض ويرضخه ويطعج فكه طعج
ويربطه بشماغه ويركبه بالحوض
ويروحون لمركز الشرطة بالجبيل ويسوي بلاغ الشايب على الخدامه وعلى ولده
وبعد اسبوع مسكو الخدامه مع 4 بنقالية بشقه وسط الدمام ههههههههههههههه
والحين أخونا بالله كل فتره ساحبينه الشرطه ويمكن ينحكم
توسدو إحترآمي .
*يالربع تروني مدلخ اذا فيه غلط ولا شي ماشيات بالكتابه ولا بسـرد السولافه علموني
رد مع اقتباس
المشاركة الأصلية كتبت بواسطة حيل حليل
<_ يسمع بأن رجل الأمن بكل وقت يكون لابس رسمي 
المفضلات