[poem=font="Arial,6,black,bold,italic" bkcolor="white" bkimage="http://www.shmmr.net/vb/mwaextraedit2/backgrounds/12.gif" border="none,8,red" type=1 line=0 align=center use=ex num="0,black""]
لاواعذاب القلب واكبر همه = تعززوا ياناس لمساهر الليل
تنزف جروح القلب وكبدي تدمه = وجرح الهوا مايفيد فيه التحاليل
وأونس بصدري ضربة(ن)مستشمه = والقلب عد ينتلنه نواتيل
لاقلت طاب الجرح جتنا المطمه = لاطاب فال ولاكسبنا محاصيل
الفكر سكرات الهواوي تخمه = هذي حصيلة واقعي دون تمثيل
الهجر من خلي تجرعت سمه = ماطولها لو أسرج الهجن والخيل
يابو نهود(ن)كالتفافيح زمه = حلاهن الله بالثمر وردة اكليل
كن العسل والشهد ذوب بفمه = وألا درير مرضعات المخاليل
وريحة نسمها عنبر(ن) لو تشمه = والا عبير البن يافوح بهيل
بطن العسيف اللي عن الرعي كمه = والخد براق الدجا طلعت اسهيل
هنيت بيت(ن) مدمج الساق ضمه = هذا صحيح العلم ماهي تهاويل
نفس المشقى فيه واكبر غمه = والله مالوم أحباب لو تزعج الويل
أمانة(ن) ياللي تروحون يمه = لولاه ماسقت القدم بالمحاويل
تعطيني علمه كان نفسي تهمه = ابي علومه دقها والتفاصيل
ولازم تكون بكل علم(ن) ملمه = ولا تصيغ اذنه في للقول والقيل
مالله قسم لي قسمة الخير يمه = أنحت بي العليا بعيد المراحيل
يالله عسا فضلك دياره تعمه = تسقي ديار مدعج العين بالسيل
تنشي مزون(ن) العشا مدلهمه = ديم(ن) تتابع من صدوق المخاييل
يما رساس البير يفرع بجمه = ويصبح وطا فيحان عده من النيل
الحيرا بكبره وكلها ماتلمه = اتشوف روس السدر مثل الأزاويل
بالخير والرجعان فضلك اتمه = تجمع قلوب(ن) يشتكن الغرابيل
ملقوع حب(ن) مخطين من يذمه = ياكبر لوعه زاهيات الخلاخيل
أودها مودة الورع لأمه = مكملين بعضنا خير تكميل
الله يبيح العود لو قال تمه = أراح قلوب(ن) تشتكي واقعه حيل
ماحط بالأعذار كسره وضمه = كسر(ن) كسر محبتي دون تعديل
اللي علي أني بذلت المهمه = وكثرة اشطون الوضع وتمايل الشيل
وكثرة هروج الخلق هذراً ونمه = ونحيت ركبي عن مناحا الزماميل
أنا عباتي يستراً راس كمه = ولي قسمة(ن) تعادل اقسوم الرجاجيل
[/poem]
رد مع اقتباس
المفضلات