الف الف الف الف مبروك يافــــــــارس الصحراء

[ابو راكــــــــان]

بسم الله الرحمن الرحيم

السلام عليكم ورحمة الله وبركاته

مساء الخير..صباح الخير

..

اولا احب ان اهنيكم بحلول الشهر الفضيل

..

شهر المغفره والرحمة شهر رمضان المبارك

..

اعاده الله علينا وعليكم بالرحمه والغفران

..

اخو اني الاعزاء

..

يقولون البدوي لابغاء يتطور يرثع بربعـــــوه

..

والمسكين فـــــاهم الدعوه خطــا

..

ومونسن عياله ومحمسهم على السفر

..

يبي يسافر لمملكه الخفجــي المتحده

..

مابها الا دوار واحد

..

وجاي على زاويه

..

نصه على زفلت والنص الاخر على الرمل..بوجه العدو
..

ماتدري وش ملت هالدوار

..

المهم نرجع لخونا فارس

..

الضاهر انه يبي يقلب اسموه فارس المحيطــــــات

..

الحبيب عزمنا اليوم على الفطور

..

الله يجزاه خير

...

والله ياهو مضبط لنا شوربه

..

تخليك تبسي من طيبه

..

لكن شفته مسوي حركه مدري وش سنه

..

الحين ابي اسال الفيمتو مصنوع من وشو.....؟ سوعال حيرني

..

اشوف فارس الصحراء

..

جايبن لنا فيمتو بطاسه..((بسحله..بغضاره))

..

انشاء الله عرفتوه

..

جايب لنا فيمتـــو بطاسه وغازن على طرف الطاسه ليمــــون

..

الحبيب فاهم الاتيكيت خطــــا

..

ياحبيبي يافارس انت خلك من السيسي وجاي

..

لاترح غـــاد ترى تطلع اعلومك

..

المهم نرجع لسالفه

..

قبل لا ادخل عند فارس بالشقه

..

شفت لي طراد ..((زورق..لنش...بانوش)) اهم شي عرفتوه

..

قدام شقتوه واحسبوه لجيرانه

..

لكن الي حيرني شفت سياره فارس الصحراء قالصتن هالملوي

..

فورد ماركيز خضراء ...قالصتن له طراد

..

المهم قلت يمكن فازعن لجاره يبي يرفعه عن القاع

..

عينت خير ولعنت الشيطان وابوه

..

قلطنا ..شوي ويجيني ولد قارس الله يخليه ويجلس عندي

..

واسولف معوه وش اخباركم طيبين

..

وين تبون تسافرن ..مالكم نيه

..

وهو يقمز الولد تقل مقروص

..

ابوي يبي يودينا هي هي هي

..

للخفجي على ثيارتوه الجديده هي هي هي

..

ماتروح معانا هي هي هي ويهزهز رويسه تقل راس سمونه

..

مبروك السياره يالحبيب ماتعلمنا

..

قام يتف تف..ويتلاقطن عيونه

..

لا لا الورع قصدوه السفينه

..

يالربع حتى اسموه مايعرفوه سفينه بعينك

..

اقول ياراعي السيسي هذا اسموه طراد

..

يعني الطراد لك

..

قالي ايه يابوراكان تخبر لازم نواكب التطور

..

طيب وعلى خير وين تبي بطراد

..

قريب انشاء الله

..

قلت لوه انصحك بجزيره جنــا يمدحونه حيل

..

قال لا بلاجزيره بلا خرابيط

..

هاه وين على خير

..

على بالي الحبيب مخطط يبي يقطع البحر الميت وخليج العرب

..

قال لا انا اشغله قدام الشقه واقعد اتخيل اني قبطان

..

ايه قبطان بعينك...اقول انت وخشتك تشبه القبان نامــق

..

هههههههههه

..

هههههههه

..

انت صادز

..

قالي اجل وش علا بالك

..

قلت له طيب نزله من قلص السياره ونزل القلص حقه

..

قالي هاه تبيه ينصرق

..

قلت يابن الحلال مااحد يصرقه عين خير انت بس
..

هذا يبيله يومين علشان يصرقونه

..

طيب لو بغيت مشوار ولا بغيت اتسير على الضاري

..

وش تسوي به

..

قال اصلان من قالك اني انزله حتى لو سافرت للخفجي ماانزله

..

اقول تصدقون يالربع حتى الطراد اندبله سبــدوه

..

تمنى انهم ماصنعوووه

..

لا تعالوا وشوفوا وزوله بالفورد الخضراء

..

ووراه بيت مو طراد من كبروه لاجيتوه من ورى ماتعرف السياره الي تسحبوه

..

ياخي خذ لك ددسن على الاقل اشوى شوي

..

اما طراد وقالصتوه فورد خضراء

..

باين وجيــه البديوي

..

لكن على العموم


الله يوفقك يافارس

والف الف الف مبروك

البيت الجديد

قصـــدي الطراد الجديد


باركو له يالربع

[الشمـــ نور ــــري]

هههههههههههههههه الف الف مبروك اجل شريت لك سفينه..يوه اقصد طراد
ولا فورد اخضر ..؟!ليه قلن الاوان بالعالم...

وليه على الوغدان تسفرهم للخفجي...على الاقل جيبهم عندناا للكويت طلعهم
خارج الحدود السعوديه...ياخي اختم الجواز لهم خل يفرحون
وترى الكويت...جوهاا عالمي وبرد قارص وابد ابد ابد مابه رطووبهيعني بتستانسوون
وتعال طبش بالبحر عندناا انت وطرادك..



ابو راكان.....تعال معووه لوجانا الكويت و انخش بالطراد ...

[ســـعود]

ههههههههههههههههههههههههههههههههههه
الف مبرووك علي ها الطراااد نبي نسير يمكم غديه ياخذنا بوه فره ههههههههههههههههه

تحياتي

[فارس الصحراء]

ابو راكان ..

..


هذي مالها مطار ..

..

من يقول اني عازمك >> اجحد ..

..

..


بعدين يا خيبان .. منهو راعي السيسي ..

..

كش وجه يالخايس ..

..

انا اوريك .. يالعبيط ..

[ابو ضاري]

الفارس مسكين ابو راكان ماعنده شقه

والله من الشفايه عندكم

الحين الرجال يبي الاجر يوم انه عازمك وتعلق عليه

اقول وين الحاجه تراك دبلت تسبدي وشرايك يالفارس مايبيله قرصه اذن

[فارس الصحراء]

^
^
^



هههههههههههههههههههههههههههه

ما فيه حوايج انت وش علمك على ابو راكان

[عبدالله الجعيثن]

^
^

ايه افزع له



كل يوم يدلك رجليك.!!!!



فارس ... عزالله خوش طرّااااد انا مريت البارح



عبر قوقل ايرث وشفته مربوط بالفورد



فارس... تر الواحد يبي يموت باتسر وما ياخذ معه شين


يعني لاتكنز هالفلسّا...مش وغدانك وخلّهم يستانسون



ابوراكان



اجل حط لكم بينتو


يعني فطوره كله شوربه وبينتو...خوش

[فارس الصحراء]

^
^

ابو غازي يا حيي

ترى ابو راكان .. خلط الشوربه مع الفيمتو مو بينتو .. البينتو هذا مضروب جنبوه ..

يعني شفت مو تري عبر قوقل ايرث

[عبدالله الجعيثن]

ماشاء الله




الحجي هنيّه!!!

[فارس الصحراء]

اللهم اني صائم .. هههههههههه