% ورينا فطورك %

**ابو فارس** · 11-09-2009 02:23

يوسف
اقصد لو يروح لحاله يبلش
هو متعود لازم يكب اللبن على السفرة
والجلي يترهدد على المراكي
ووقت الاكل تصير معارك
يعني الحنشل يفضحنا عند العرب

وهم لوشافوا المخلوق هذا ببيتهم ينخرعون
واظن يصمتون لين رمضان الجاي

قلت بساعده بس
وش بك انت؟

**يـــوسف** · 11-09-2009 04:16

ابو فارس هقوتي انهم يقولون وش هالفحل اللي لوذ علينا

الا انا متهول للحين اول مره اشوف فطور كله سمبوسه

محد يبي يمزمز

**الحنشل** · 11-09-2009 04:29

هذا اللي يقول معلمة أمه للنحيط

ابوفارس .. حتى رزق اليتمان تبون تخاشروني به

ما عليك .. بس لو اسلم منك ومن يوسف مابي بلاء

**عبدالله الجعيثن** · 11-09-2009 15:44

المشاركة الأصلية كتبت بواسطة يـــوسف

الا انا متهول للحين اول مره اشوف فطور كله سمبوسه

انت مصدق

يارجل بمطعم وبوفيه مفتوح

...الشوربه مايغرفونه الا مع المذن عشان ماتبرد

**هلآ الآسلميهـ** · 11-09-2009 18:20

اليوم جبت لكم الحلا اللي صلحته مع الفطور...

شكله يجنن .. ناهيتكم عن الطعم ...

كل واحد ياخذ لاتستحون ..

وهذي مع الجنب

وهذا آذاااااااان الشايب..<< حنا نسميها كذا ...

بس هي اصلاً أسمها ... الشيشبرك..

كل واحد يجيب صحنه نغرف له..

ترآ طعمها يهبل .. بس اسمها يضحك..

تقلبوا تحياتي .. وبالعافيه..

**الحنشل** · 11-09-2009 18:42

<< شايل معه صحن و ينتظر بيرل تعطيه

بيرل .. الله يعطيك العافية على الحلا

ابو غازي .. وشنوح آذانك تقل بهن حموضه

**هلآ الآسلميهـ** · 11-09-2009 18:51

هه تفضل ..

ترا فيه اذاني ابو فارس والمشرف العام ..

**الحنشل** · 11-09-2009 19:04

لاما ابي آذانهم يكفي آذان ابو غازي المحمضات

لان آذان ابو فارس بهن شعر ما ابيهن

و آذان المشرف العام بهن بهت

**يـــوسف** · 11-09-2009 21:20

ابو غازي والله ان قلبي ناغزن انه بوفية مفتوح لأني شفت لي حاجة وتخبر عزوبي انا خبره بهالسوالف

الا اذان الشايب يابيرل ماسويتيهن الا الحين ؟

ابو فارس شلون يعيد طيب