مساء الخير
وين الله قردني وقلت بركب اللنش ..لا عاد من لنش
أمس أعزم على ليالي أبي أركب اللنش أنا وياها...<< يومها ماهيب فيه
حبي يدينك ياليالي ..وجه وظهر انك ماكنتي معي.
في خاطري من زمان اركب لنش <<< ودها تجرب تكون بوسط البحر
كنا ناوين نطلع على البحر لين تشرق الشمس ونركب اللنش .. بس الرطوبة حكرتنا وهونا..
قعدت مواصلة عشان نطلع على الصبح, الكل رقد وخلاني وأنا قاعدة أحرصهم لاتروح علينا نومه.
كانوا كلهم بيطلعون معنا ويوم جاء الصملي وهم يهونون << من حطوا روسهم على المخاد وهم عايفين الطلعه
المهم خفت الحمولة <<من هالحين خايفه تغرق
طلعنا على الساعة 6 وشوي الصبح.. كان الجو حلو.. والشمس بارده ..
وحنا بالطريق طاقهم الطرب ومشغلين بانوراما (راشد الماجد يغني ويقول :لاتردد في غرامي لا لا إبتسامي دمع وسكوتي كلامي...
و عيضه المنهالي .. القوس قوسك والسهام سهامك)
يوم وصلنا للنشات وقلبي يقوم يخفق <<< يومك خوافه كذا ليه ترزين خشتك معهم
وحنا نأخذه نص ساعة << من قرادة الحظ
ركبنا اللنش وأنا أجسر عمري مابعد شفت شين يخوف وأقوم أصور وأفرد عضلاتي يعنني شجاعه
هذي اول صورة للنشات قبل لاتتحرك.
شوي جالسين نسولف وش حلاتنا وأطقطق بجوالي أصور ..يوم دريت ويقوم ولد أختي يكلم السواق << مستغربه قومته
قلت وش عندكم قال نبيه يفحط فينا <<< وجه منفضخ قلبه وطايرتن عيونه
مامداني اعارض والسواق ماصدق خبر طار بنا ولقمنا ذيك المطاب قام بيطارد له لنش ثاني ..
شوي ويطلع صوت من اللنش وهو يوقف ويرجع يطل على البحر ويطالع اللنش ...أنا هنا خلاص قمت أتشهد ..يااااااااربيه وش اللي قردني
على هالصبح أكيد أمي مهيب راضيه أني اركبه ..حتى سترت النجاة مالبسناها .لا لا غرقانين غرقانين ..
قال السواق يعننه يبي يطمنا :طرمبة الموية شفطت لها قنديل البحر .. عادي ..
ما أكذب عليكم أني من وقف اللنش أني أحس ان الموية قربت <<< خافت تغرق
صلحت الطرمبة ومشينا وقام يسوي نفسه بيفحط فينا وكل ماتحمس لقم له قنديل ووقف ..
يعني ذبحنا لنا اليوم الصبح 6 قناديل ومع كل مرة نوقف شوي ويوقف قلبي مع هالتوقيفه
أنا خلاص ماعاد فيني قلبي طار بحلقي قلت تكفون بس خلوه يوقف ويرجعنا ويخلي عنه التفحيط..والتميلح ..
قالت اختي خااايفه ؟؟ قلت أيو الله .. قالت أنا ماخفت إلا على جوالي وبوكي .. قلت :بسسسسسسسسسسسسسسسسسسسسسسسسسسس .. لا والله ياعمري الروح غاليه..
ماصدقت رجعنا ... عورتني معدتي من شد الأعصاب ... أوووووووف الحمدلله على السلامة .
قلت أنتم من صباح الله خير ,الله أعلم فيكم,, مشغلين هالاغاني بس الحمدلله ربي ستر علينا.
عقب هالتعب كله ونشفان الدم يبي لنا شي يبرد علينا
رحنا نفطر على شاطئ المحار <<< عصير سيزر وساندويتش لوزين
7
7
7
بس والله كان الجو حلو أهم مافي الموضوع مامعنا بزرااااااااان يعني مافيه أحد بتخاف عليه والا تحرّص عليه
عقب ماخلصنا قمنا خلاص على الساعة 8 أحرقتنا الشمس ..
رحنا نكمل عاد التمشية رجعنا للخبر ومرينا الكورنيشنبي نشوف بياعة الشاهي اللي يقولون مير المكان خالي مافيه أحد قلنا نرجع العصر على المغرب ونشوف
رجعنا البيت والوعد العصر للطلعه هههههههههههه
نمت لي ساعتين وقمت عشان في راسي مشاوير ثانية هههههههههه
وصلنا الكورنيش على أذان المغرب نبي ندور هالعجيز اللي يقولون جيت وجلست ادورها ماعاد إلا أني أوايق في وجه الحريم خخخخخ
جلست على الكرسي اللي جنب الألعاب وأتلفت ماشفت أحد.!!!
رحت وطليت على البحر شوي وجلست على السور حقه <<< وداعيه
ورجعت وأنا أشوف لي حرمة تنزل لها عفش وأن أجيها اسالها عنها ...بس حسافة قالت لي انها لها اسبوع ماجت ..خيبة أملي في شوفتها
بس ماخليتها تعدي علي ..سالت وين مكانها <<< تبي تصور لو الأطلال ههههههههههه
والله أني كنت ناوية أذوق شاهيها كلن يمدحه بس ربي ماكتب
قمت وصورت مكانها اللي يقولون.. هذا كلامهم والعهدة على الراوي
نصيحة ...
اللي يبي يركب لنش لاياخذ معه ناس متهورة .. الركادة زينه ..
البحر ماله آمان والروح غاليه..
رد مع اقتباس
المفضلات