وهذي الثانيه هديه رمضضضان وسامحوني فديتكم وانشاء الله تنال اعجابكم
احيان ما اقسـاك والا أحيـان ياطيبـك
وانا معك ضعت بيـن رضـاك وعنـادي
صحيح أحبك واهوجس بك واهذري بـك
وغلاك في قلب مجنونـك مهـو عـادي
لكـن مليـت مـن كـثـرة عذاريـبـك
يومـك علـى قسـوة الخفـاق متمـادي
فينـي شمـوخ ابـدويِّ مـل تعذيـبـك
دارا لكـن المـدارا معـك مـا فــادي
تعبـت اجـامـل مزاجـيـة مطاليـبـك
مّـره تبعّـد غـلاي ومــره تـنـادي
كنت احتري صوتك المجروح يلفـي بـك
يمـي ، واسلّيـه يـا موتـي وميـلادي
كنت احتريـك ومساءاتـي تضـوي بـك
ولا يوم – واللي خلقك - اخلفت ميعادي
اعانـد الوقـت ليـن يحـنّ ويجيـبـك
واسْهَرك طيفِ ينسّـي موقـي سهـادي
واقول والضحكـه الخجـلا تباهي بـك
وقـتِ يقرّبـك منـي : ثالـث اعيـادي
اغليك يا اسمى معان الحـب واروي بـك
ضماي يا آخر جروحـي واول ضمـادي
نسيت يوم اني انسى الوقت واسري بـك
والبّسـك مـن قصيـدي عنبـر وكـادي
نسيت يوم اني افرح بـك واحييـي بـك
واحس نبضـك دفـاي وكفـك وسـادي
سكنتـك بقلـب نبضاتـه تهلـي بــك
واصبحت نبض الخفوق وغايـة مـرادي
يوووه اش كثر كنت اراهن بك واماري بك
يووه اش كثر كان قدرك حيـل يـزدادي
واليـوم مـا دام قـررت انـي اسيبـك
كذاب لو قلت ابـا انسـى ملحـي وزادي
ابـا اذكـرك كـل مـا عنّـت مكاتيبـك
وابا اذكرك في صحات العيـن ورقـادي
مدري هذا الوقت بعدي وش يسـوي بـك
والا أنا : منتهـي موضوعـي وغـادي
صحيح ابتعب واسولف بك واهذري بـك
بس المهم " الغلا " مـا يكسـر عنـادي
رد مع اقتباس
المفضلات