[align=center]
يقول ...
ياعلي يذكر لنا الزين بالديره
هو صحيحن يا علي جيت الغالي
ياعلي وقف اليا جابو السيره
خبرن عن صاحبي يابعد حالي
ياعلي يفز اليا مرت منيره
لاتمشت ياعلي والكعب عالي
ياعلي دلوعتن توه صغيره
ياعلي شعره على الكتف ميالي
ياعلي صعبن على القلب تدبيره
ياعلي لا شفتها زاد غربالي
<<< يتنكس تقل زملوق روض
الحقونا بالطيرااان يابو غازي انت ويوسف وريال وصفوا الصفوف سامري
بغيت اقلب الفله نبطي
نجي لسالفتنا
قبل عدة سنون
كنا نطلع بر وعوايل
وكان فيه واحد من الربع عندوه غنم ومضبطن حوشهن ومسوي تقل استراحه
ليا جاء وقت الامطار طلعنا يموه
وفيه ملعب كوره والاجواء تكون على كيف كيف مندوبك
واحسن ميزه بهكا الموقع كانت ان المنطقه سهله
يعني مافيه ضلع ولا طعس
واذا راحن البنات يتمشن انواع الدرج الزقرت
بعضهم تشوف حنوكوه متمايلات
تقل صافقوه ابو وجه
وكان عندوه ماطور كهر
ليا جاء المغرب ولعوه وولع اللمبات ونور المنطقه
ومرتن من المرات
كنا طالعين عندوه
ومن حظي ان الزقرت محد جاء منهم
يعني خذ راحتك يا شبيثان وانذخ على كيفك
اول يغطون علي السملق بزينهم
انا الله لا يبلا تقل مخيول زولي
الوكاد قمنا نلعب كوره انا والوغدان الصغار
اللي هم اخوان البنيوات
وحنا نلعب واشوف البنات طلعن يبن يتمشن
الله يجيركم تقل بالمنتخب عام 84
احس بجنبي محسن الجمعان وشايع النفيسه وماجد
احس بصوت الله الله يامنتخبنا
وانا استزيل يالربع
واقوم اكرد على كراع من الفسقه
وانواع الدبل كيك وحركااات
ياشيخ لو جايبين رونالدو علي الحرام الا يلقم كبري الهيس لو بالقوه
شوين ولا هذا واحدن من الربع كلمة بعير شوي عليه
تسيف ذراعوه عرض رقبتي
ولا يجدع ثوبوه وهو يمشي ويصيح ابلللللللللللللعب
بيني وبين نفسي قلت يا لاعبتن التسلاب براسك وين جيتنا
وهو يطب
ومن الحظ الزين صار مع الفريق الثاني
اثريه طابن يبي يلعن شكلي غثيتوه بنذخي
وامسك الكوره واطير
واول ما مريت من عندوه
الله يجيركم وهو يشوتن بوز مع ورتسي
وانا اطير سماء
واقوم افتل << ملعون شايتن من قلب
واول ما يطب القاع راسي
وانا اتكوم بمحلي
وعلمي بروحي هكا الساعه
ويقوم ابو الشباب بزعموه يبي ينقذن
ويشيلن ويحطن على متنوه
وانا يابعد زولي اتدودل تقل ميدالية مفاتيح
تحسبونوه جاب ماء ورش علي
لاااااا
دخلبي لشبك الغنم
وهو يغرن بحوض الغنم
انا وعيت ولا ما اشوف الا ماء
واقوم ارفس
ابي اطلع
روبنهو بلش بتاليته
ياناااس
وهو يبي يقطع نفسي الخبيل
ويوم خلاني وانا اتكوم بالحوض
واخذلي شوين ارد النفس
واتربع بالحوض
وهو راح ولا كأنوه مسوين شين
واطلع
وارتسب سيارتي
وامشي
ولا وصلت البيت الا كلي ناشف
وهذاك علمي بهم
وتقلدوا تحيتي
[/align]
رد مع اقتباس
المفضلات