السلام عليكم ورحمة الله بركاتـه ...
متواضعـه آتمنى ترتقي لذائقتكم ...
..
أمانه يا بعد هالكون .. لا تنسين ماضينا
..................................... ترى اللي بيننا .. حاجه كبيره لو حقرناها
ترانا صعب ننسى اللي مضى .. مهما تناسينا
..................................... دخيل احلامنا واشواقنا .. وشلون ننساها
دخيل دموعنا .. لا هلّت و صارت تواسينا
..................................... دخيل الضحكه اللي في ملامحنا رسمناها
دخيل الحبّ .. يوم انّا مشيناه و تمادينا
..................................... مشينا دربنا .. ما نستمع للناس وحكاها
ولكنّا تفارقنا .. قبل لحظة تلاقينا
..................................... و زعلتي وفرحت عذّالنا .. اللي كم قهرناها
وسبّينا الزمان .. اللي على كيفه يمشّينا
..................................... ولكن الزمن قاسي .. ياكم به عين بكّاها
يا عمري لا تضايق .. والغلا مستوطنٍ فينا
..................................... ولا تزعل .. ودنيانا .. صعب تغيير مجراها
ترى حكم القدر .. لو كان يزعلنا ويبكينا
..................................... غصب نرضى به و نرضى .. بالاحكام و سواياها
رد مع اقتباس
المفضلات