[poem=font=",6,,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
قلب العنا رجلي على الرجم ساقه = اشرفت بالمرقاب والصدر مخنوق
الارض فيني يارجاجيل ضاقه = والدمع من عيني على الخد مدفوق
ياخضير همي مالنا فيه طاقه = امسي بهم واصبح الصبح مطبوق
مثل النجوم ليا انحدرت بأنشعاقه = يرجس على قلبي ثمانين طاروق
طاروق هم ماتهيا فراقه = اعيش بالحرمان والضنك والضوق
ياخضير قلبي غايته واشتياقه = شوفة عشير (ن) عاقني بالهوا عوق
اللي بعيني زاد حسنه ولاقه = ماخدنة بسن الجهل كل مطفوق
ماهي غليض(ن) حيل ولاهي دقاقه = متعزل(ن) خصره تقل طلع زملوق
وان هرجة نطق الذكاء واللباقه = عذاب قلبي فاتنه خير معشوق
والخد ضوء الصبح وقت انبهاقه = ولهفتي وكربتي منه محروق
ياخضير هجر الزين مر(ن) مذاقه = فيك استجير اجارك الله من العوق
احب ملة صاحبي واعتناقه = لو اتناسى يجذبن يمه الشوق
توثقة بيني وبينه علاقه = واثق من عهوده وانا فيه ما ابوق
ياخضير قلبي مدمج الساق شاقه = ياخضير ما اخبر يساويه مخلوق
ياخضير خلي وثقن في وثاقه = ياخضير والله صاحبي طوقن طوق
رهين سجن ماتيسر عتاقه = محكوم تـأبيده وبالشرع محقوق
محروم من شوف الاهل والرفاقه = عند الاجانب تهمة ارهاب ماسوق
وماضي عمره قاضيه مع نياقه = تخيل السجنه عقب خوة النوق
من عقب ماهي مشرعات(ن) شقاقه = في صيهد(ن) ماهو من ا**** مدقوق
اظلم عليه السجن ولا فيه فاقه = ماشاف نجم الليل ولا طالع شروق
عليه لوعاة الليالي اواقه = فجيعته جته التصاليط من فوق
ازعاج نوم الليل اذوة اوراقه = ليا غفى اتخيل الباب مطقوق
على عشير(ن) مخلص بالصداقه = متعذب(ن) مثلي سرقني ومسروق
[/poem]
رد مع اقتباس
المفضلات