العسكر كلهم ...................
السلام عليكم
تدرون ان العسكر كلهم كذوبين
و كلهم منافقين
و كلهم خسيسين
و كلهم نظامهم اهم شي انا و الباقي بقريح
و للمعلوميه ترى انا عسكري بعد
لا يجي و احد و يخربط على راسي
شوفو وش صار اليوم
اليوم الساعه 1 الظهر طلعت من عند ابن عموو يوسف و مريت مقهى و بعد ساعه طلعت كملت طريقي
رايح لحائل
و انا امشي تقريبا 190
الوكاد قبل اوصل الغاط بحولي 10 كيلو مرت من عندي بي ام دبليو حمرا
قطريه
كافخ
و انا امشي 190 و لا قدرت اجيبه
اجل هو كم يمشي !
الوكاد وصلت الغاط بالضبط نقطة التفتيش و قالي اصفط على اليمين
قلت من زميل لكم << بزعمي واسطه و امشي من عندهم دايم تمشي الا المره هذي
و صفطت
و اشوف البي ام دبليو صافطه بعد
و اروح عند الشبك و اشوف العالم يا كثرهم واقفين تقول خيريه يوزعون
و اشوف بطاقه واحد مصور و لابس البشت و اقز البطاقه
طلع الاسم ال شيخ خالد بن فلان ال ثاني
يوم قراه العسكري و هو يقول بالله عطن جوازك
و راح خالد يجيب الجواز
و يقمز جيزاني بحلق العسكري ما يبي المخالفه
و العسكري يحلف ما بيدي شي انه من فوق و من الضابط و الخربيط هذا
و يحول فيه و عجز عنه
قلت يا ابن الحلال لا تحول انا عسكري مثلهم و يبون يعطوني مخالفه شلون انت
و جاء خالد و معاه الجواز
و هو يقراه العسكري اسمه
و هو يقوم من الكرسي و يوقف على طوله
و هو يصوت يقول ال شيخ خالد ال ثاني
و يرد عليه خالد يقول نعم
و يقول العسكري يتكلم حياك الله بدولتك الثانيه و من الكلاام هذا
و قال يا اخون تسمحون لي امشي الشيخ خالد
و قال الجيزاني قال ايه مشه
و قال خالد يعطيك العافيه و انا بين اهلي و ناسي
و قمز الجيزاني و قال ونعم والله بالشيخ خالد و اتوقع انه ما يبي يتركن و يبي يتوسط لنا و يمشينى معاه
و قال خالد للعسكري وش رايك تمشيهم قال العسكري ابشر و لا يهمك طال عمرك
و مشى خالد
و جلس العسكري يسجل مخالفات
و قمز الجيزاني وش تسوي
قال العسكري اسجل مخالفاتكم
قال ليه و الشيخ خالد وش قال
رد العسكري قال الشيخ خاالد ضيف علينا
جاك المصري قال و انا ضيف بعد عليكم
رد العسكري قال انت معاك اقامه و مقيم يعني مننا و فينا
و جاك الجيزاني و قال انا بعد ضيف عليكم جاي من جيزان يعني ضيف بعد
رد العسكري قال وانا ابي اضيفك
الوكاد عطنا مخالفات سرعه الا الجيزاني و المصري سرعه جنونيه
للمعلوميه السرعه 150 ريال مخالفاتها
و السرعه الجنونيه 500 ريال و حجز 5 ايام
اهم شي ان العسكر ما فيهم النفر الكويس و كلهم منافقين
و ارجع اقول انا عسكري لا يجي واحد يخربط على راسي
رد مع اقتباس
المشاركة الأصلية كتبت بواسطة الضاري11
المفضلات