بسم الله الرحمن الرحيم


اهدي هذي القصيده على ذوقي المتواضع للشخص عزيز علي بمنطقه الرابيه بالكويت يستاهل الغالي ...!


أشتاق لك وان قلت ماأشتاق كذاب
مع أني أدري قلبك الصلب قاسـي
حبك في قلبي غير عن كل الأحباب
مركب وقلبـي ياحبيبـي مراسـي
كن القمر في ليلـة فراقكـم غـاب
والليل مظلم ميـر حيّـه يواسـي
أحاول أنسى وأرقد الليـل لاطـاب
مير أن طيفك غالب(ن) لي نعاسي
حبك يشل القلب ويشل الأعصـاب
حبك بدال المخ في وسـط راسـي
حبك بنيته صرح وأضلوعي أطناب
أطلق شنـب ماهـده بقـو باسـي
كله علشانك يـا أبوطـرف جـذاب
يلي غدا حالي من أجلـك مآسـي
مرن على كبدي من الهجر صبـاب
والهم بأسبـاب المفـارق لباسـي
والشوق كوّن له على قلبي أحزاب
تجرح فقلبـي طامعـه بإفتراسـي
أذكر أنا قالوا ترا (الشوق غـلاب)
حكمه من عصور الحجر والنحاسي
واليوم عاصرته وفالجوف ينسـاب
والحـال منـه زايـده بإنتكاسـي
وان كان تجهل يالغلا أسم الأرهاب
تبـي تعرفـه او مشكـك وناسـي
بعطيك نبذه أو كمـا درس بكتـاب
وان كان ودك عام كامـل دراسـي
بأم عينه هجر محبـوب منصـاب
واللي يزين لـي عذابـي بكاسـي
واللي رصاصه داخل القلب شبـاب
مايدري أنه وسط قلبـي أساسـي
تبي الصراحه..صدق أنا خافقي ذاب
لكن..(أحبك) لو ملا الشيب راسـي