حلاوة المهيني عندها مشكله..........

[حلاوة المهيني]

مرحبا
أنا مشكلتي تضحك من كثر ماقعدت أحاول احلها يئست الصراحه
اليوم كنت حابه أبدى أكتب اول موضوع لي بهذا المنتدى الجميل واشارككم بموضعي بس للأسف أقعد ساعه اكتب فية ولما اوصل اني اسويله الرتوش الأخيره ينمسح عندي بالغلط
وتصدقون صارت فيني مرتين قولولي اذا انتو بمكاني شيصير فيكم

[حيل حليل]

أنا من ناحيتي أنجلط

ترى الدنيا تجارب وأنا أخوتس
حاولي مرة اخرى

[شموخ شمالية]

الله يعينك ....

انا اللي يقهرني اني اضبط الموضوع واكشخه واحط عليه الوان
وزخارف

؟
؟
؟
؟
؟
وبعده ينقطع عندي الاتصاااااااااااااااال .....قسم بالله مره بكيت ونمت من القهر

بس وش نسوي اللي يريد الحلو يصبر على مــــــّره

بس اهم شي حطي عندك شاهي نعناع عشان الروقان ...
لان النعناع يريح النفس ....
عن تجربه


هلابك يالغلا بيننا واللي تامرين فيه حنا بالخدمه




تحياتي

[الحيمري]

اسمعي ونا اخوك/ حلاوه

اذا جيتي تكتبين موضوع واخذتي وقت طويل اكيد الاتصال انقطع قبل تنزيل الموضوع على المنتدى

حطي الماوس على مني مايز ونزلي الموضوع بالاسفل بعدين ابدي بتشغيل خط الاتصال من جديد اذا انقطع واذا اشتغل ارجعي للموضوعك اللي منزل تحت وضغطي عليه ونزليه في المضيف المختار

اذا كان ماتعرفين المني مايز انا اقولك فيه صليب مكانه باعلى الشاشه يمين او يسار وجنبه مربع تكبير الشاشه وبعده مربع فيه علامه سالب هذا هو

واذا هذا الشرح مافهمتيه قبل تنزيل الموضوع خذيه كبي


ســــــــــــــلام

[ريوف]

*
*

أنآ مع نسخ الموضوع قبل تأكيد إضآفة الرد عشآن
لو صآر مآصآر إنتي عندك نسخه منه ..
وترجعين تلصقينهآ بس ..

ريوفـ ..

:

[غالب]

هههههه عزا الله إنه تضحك
أنا دايم تصير معي إذا بغيت أرد
يختي انقهر
خصوصا ليا صار الرد منظم ومزين هاللون
وألا المواضيع أنا قليل حيل اكتب مواضيع

واستلموا سلامي

[صلفيق]

حلاوة المهيني
حيل حليل
شموخ شمالية
الحيمري
ريوف
سناعيسو

الله يمسيكم بالخير..
الموضوع ازعجني كثييييير ، وفعلا ممكن الواحد يوصل انه يكسّر اللاب أو يفصل الكهرباء ، ويمشي.
ويمكن بعض الأخوات [مثل شموخ] تقعد له بواكي ،، لأن الموضوع راح عليها بعد جهد جهيد من الزخارف
وتعب بتجميع الموضوع من عدة أماكن. وبضغطة زر يروح عليكم بسبب انقطاع النت أو ماشابه.

الحل عندي ، مع اني قليل الخبرة ... لكن هناك طريقة:
عندما تكتب موضوع ، وتخاف من مشاكل عند الرفع أو الأدراج ، عليك بنسخ الموضوع قبل ادراجه. علشان
لو حصلت مشكلة ،،، ترجع وتلصقه من جديد ، والمحاولة مرة أخرى.
وما يمنع انك تعمل نسخ كلما أضفت ، وانت شغال بالموضوع ، حتى لو غلطت وانمسح .. ترجع تجيبه.
وللنسخ اتبع الطريقة التالية:
ضع الماوس على الموضوع نفسه وأضغطctrl ، ومع بقاءك ضاغط أضغط A ، لاحظ ان الموضوع تم تضليله.
اضغط ctrl مرة ثانيه (مع بقاء الماوس على الموضوع) واضغط C ، هنا تم النسخ.
وعند الألصاق لو حصل الخطأ.. ضع الماوس في مكان الكتابة ، ابقي ضاغطا على ctrl واضغط V .
هنا يتم لصق الموضوع.

وياليت تجربون هذا بأي رد على موضوع.

ارجو ان يكون هذا مريح لكم.


احترامات

[ليلى بنت عبدالعزيز]

انا عني اكتب الرد بورقه وورد واريح
كذا مره تجي هالحركه
والله مره انزل موضوع ومروقه عليه اخر تمام
وهو يطردني
واتصبر وانزله من جديد
ويفصل الاتصال
واقوم وارمي الجهاز من فوق السرير وانام
وبعدها صار مودب معي

حياتس بينا

[حلاوة المهيني]

مرااااااااااااااااااااااحب
انا قررت اني قبل لاأكتب الموضوع اكتبه بمايكروسوفت وورد بعدين اسويله كوبي
لأن امس صج النفسيه تعبت
شكر اعلأفادة
تقبلو تحياتي:حلاوة المهيني

[أحمد]

نا لو صارت عندي




ابروح اشتكي ابو سلطان عند هيئة حقوق الانسان




تري مكاسي