.. ذكريــات ..

[فارس الصحراء]

صارحيني ..
منهو أنا بدنيتك
جاوبيني ..
إن كنت فعلاً منيتك
ما كنت أرضى تزعلين .. و إنتي بتهديني الزعل
ما أطيق عني تبعدين .. في قربي حسيت بملل
محرومه عيني شوفتك .. لا تحرميني كلمتك
حتى الصراحة بيننا .. صارت صعيبه بدربنا
وإن كان ودّك تبعدين .. صعبة أنا أنسى حبنا
ما يعني هذا ترجعين .. في دنيتي بألقى الهنا

..

وحاط رجلي .. بالددسن .. بالليل ..

..

ومعي اخوي الصغير .. يصفق ويصفر ..

..

وكل شوين امغطه تسف .. ويضحك .. هبيله يا دافع البلا ..

..

ما عنده احساس .. ابدا .. وانا دااااخل جو .. مع الأغنيه ..

..

ورايح للبر .. ابي اودي اغرااااض للراعي .. وعندنا الغنم ..

..

مريضات يا حوووول فيهن ابو سعيبيل .. ما غير هالاخضر من عند خشومهم ..

..

وسعابيلهن تقاطر .. ولهن قحقحه .. >> قح قح قح .. هذي درعه تقح خخخخ

..

وهو ينقز اخوي .. الصغير .. تكفى طلبتك .. قلت امر وش تبي ..

..

لو تبي لبن العصفور .. انت وخشتك .. متشققه من قرد الحظ ..

..

قال ابي خالد عبدالرحمن .. الصديق وقت الضيق .. وانا اطالع له ..

..

اخس يالفصمه .. وينك ووين الصديق .. اركد العن الله ابو هالشارب .. اللي تو ما طلع

..

ويقعد يتحبحبني .. تكفى تكفى ..

..

وانا اقلب الشريط .. واحط له اغنية خالد ..

الصديق وقت الضيق قالها راعي الضيق
ويوم صرت بضيق جيت أدور للصديق

أنت الصديق اللي على ضيقي يضيق
وأنت الرفيق اللي يطاولني الطريق

تحمل هموم غير همك تسقي الناس من دمك
..

وهو ينااااااااااااااااااااام .. الطريق طويل شوي ..

..

وهي تاخذني الذكرى .. يوم اننا .. ساكنين بالبر .. ما نعرف الديره ..

..

الا وقت الدراسه .. يعني نروح للديره .. الساعه اربعه الفجر .. ونرجع الساعه ثلاث العصر ..

..

ومرات .. نصلي الجمعه .. بالديره ..

..

وأتذكر موقف .. .. كنا نتعلل .. بالليل ..

..

وقت الشتا .. والنار مشعلينها .. انا كنت صغير .. يعني عمري ثمان سنوات تقريبا ..

..

والشباب .. شغالين سامري .. كان جدي الله يرحمه .. مو موجود ..

..

اتذكر واحد منهم .. كان يعلم حدا النياق .. للدخان .. تصدقون انها .. ادمنت ..

..

وصارت تدور الزقاير .. مهبول .. وكان يحب رياضه ركب التيوووس .. يموت ..

..

على ركب التيوووس حييييييييل .. كان موظف .. بالشرطه .. الحين تقاعد ..

..

يجينا بالبر .. على الدوريه .. ويطرد اعزكم الله .. التسلاب .. وكان كل يوم ..

..

يجيب معه كيس نفيش .. لي انا واخووووي ..

..

الوكاد .. وهم قاعدين يلعبووون .. وحنا مستانسين ..

..

الا جدي الله يرحمه .. وحدى عمامي .. جايين من عشا معزومين .. عليه ..

..

والله وهم يكفون الطيران .. ويغدون خوش عيال ..

..

خلاص خلصت الساااالفه .. هههههههههههههههههههههه

..

ههههههههههههههههههه

,..






بقلم // فارس الصحراء 11


































..


لا اضحك عليكم ..

..

وهم يسرون .. الزقرت .. ويجي وقت النوم .. والله وحنا نطفي الفوانيس .. وننام ..

...

وبينما حنا نايمين .. الا .. رواق البيت له مخابط .. من الهوى .. ومطر .. يعني ..

..

جو .. يخوف من جد .. ما لكم بالطويله .. وهو يطيح علينا البيت .. بالليل .. وبالشتا ..

..

وحنا بردانين .. والله وهو يركض .. ابوي .. ويحطنا .. بالوانيت .. جمس احمر .. يا عزاه بس ..

..

انا واخوي وجدي الله يرحمه .. وحنا نطالع لهم .. ابوي وعمي .. وجدتي .. والحريم ..

..

يبنون البيت .. بالرغم .. من الهوا والمطر .. اللي يشد الطنب .. واللي .. يملا الخياش

..

حيشاكم ترااااب .. ويثبت بها الرووقات .. طبعا الرواق بالخلاال .. وهذي وظيفة جدتي الله ..يعافيها ..

..

ما غير بالخلال وتخلل .. مصرين .. الا يبنونه بالليل .. وحنا .. مع جدي .. بالجمس ..

..

خايفين .. وربي هوا مرات اان الجمس .. يتهزهز .. من الهوا ..

..

الوكاد قبل الفجر الا وهم بانين البيت .. ونزبن للبيت ..

..

ويشب جدي النار .. ويظبط القهوه .. الله اكبر كل ما اتذكر .. دنة نجره .. الله يرحمه ..

..

وا عزااااااااه .. بس ..

..

..


عاد اقولكم .. هذا راعي .. الشرطه .. طمر مره على بيت ..

..

وينشب ثوبه .. بحدايد الجدار .. وهو يغدي له فريخ .. وتجيه خويته ..

..

وتفكه .. وهو يحط رجله .. زعلان يقول تسيف مره فكتني .. خخخخخخخ

..


..

..


الوكاد .. وانا يوم وصلت للمحل .. واعطي الراعي .. الاغرااااض ..

..

وانا اديور .. للديره .. وانا بالطريق .. وانا اشوف رجال .. يشر ..

..

بس بدون رااااس .. وانا اموح عنه .. واحط رجلي وادعس .. الا ما تدعس ..

..

واقعد اخوي .. الصغير .. واقوله غن لي ..

..

اغنيه الصديق وقت الضيق .. وانا ما غير .. اطالع ورى ..

..

وما اشوف احد ..

..

والله وأنا اوصل للبيت بأمان ..

..

وانااااااااااااااااااااااااام ..



..

..

تلولسوا بتحيتي .. ليس بلحيتي ..

..

..

بقلم // فارس الصحراء11

[ابو ضاري]

^
^
^
ماتدري ان الاغاني حرام يملا البلش والفريفر اللي يفرفر دماغ واحد اعرفه

الله يرحم جدك واموات المسلمين يازين حياه البدو

تصدق مره من الطناخه تصادمنا بالبر فرحانيين

[فارس الصحراء]

^
^

من الظناخه والا من .................

[εïз خزامى εïз]

يالله مرهـ انسبطت بالساآلفه
احس أن كذآ ونآآآآآآآآآآآآآآآآآآآآآآسه
خنقتني العبره والله
ضحكني هاللي يعلم حدا النوق للدخآن ههههههههههههههههه
هههههههههههههههههههه
عآد هي بعد فآصله اللي ادمنت هههههههههههه
يافشيلة هاللي تعلق ثوبه رآعي التيوس ههههههههههههههههه
مرآ فشيييييله مسكييين
ههههههه
هااه يافارس هذآنآ انا وبآبآ درينآ عليك
وانت بتطخنآ بعد
شريري
سآلفتك أثرت فيني حيـــــل
مرآ شكــــــــــرآ

[ابو ضاري]

من الظناخه والا من .................

شكلك عزابي يابعد حيي ترا الايام يقومون يقطون خيط وخيط

[ريوف]

فآرس الصحرآ ..

يآه لك ذكريآت بـ البرآن وكنت سآكن البر << أحسّك قديم ..!!

هههههههههههههههههههه

لآهنت على هـ السوآلف الحلوه بس أنصحك لآتسمع أغآني ..

ريوف ..

:

[ابو ضاري]

أحسّك قديم ..!!

توه وغيد ماهو شويب هاذا هو يفتح عندي الفلفات بالمصنع بلشتبه الليد

فارس تعرف فلف سنق

[εïз خزامى εïз]

يؤ يؤ يؤ
فكرررته شآيب ؟؟؟
مايعطي صغير أبد حتسيه حتسي كبآر >> يعنني الكبآر لهم نمط

[أحمد]

الفارس

انا ابزعل عليك ثلاث ايام

الاول لاني مااداني خالد عبدالرحمن حتى وانا بعز مراهقتي
والثانيه لانك تقول لابوضاري ابو ..... << يموه خخخخخخخخ
والثالث والاهم لاني هالحين وصلت من حايل بعد ماطفى علي المكيف باول الطريق وقلت خله يولي وبعده قامت تولع علي لمبات غريبه بالسياره وطفت السياره بنص الطريق وبعده مشت .... وضرب معي كفر الجيب قبل الرياض مية كيلو وزينتوه ودخلت الرياض مندوش يوجعن راسي وبعد كل هذا القاك تقول طاح علينا البيت وهوا ومطر وشل ابوك حط ابوك قسم بالله اوجعن ضهري وانا اقراء ههههههههههههههههههههههههه







خلاص ترن هونت ماني زعلان عليك


تري مكاسيااااااااات يالفارس

[غالب]

بس بدون رااااس .. وانا اموح عنه .. واحط رجلي وادعس

ههههههههههههههههههههههههههههههههههه
وشلون ههههههههههههههههههههههههههههههههه عوذا هههههههههههههههههههههههههههههههههههههههه هههههه
هههههههههههههههههههههههههههههههههههههههه ههههههه آه إنفقع بطني ههههههههههههههههه

واستلم سلامي