جلسه مع شاعر (( الحلقه الرابعه ))

**رحيل الوهبي** · 13-08-2009 02:34

يا عبدالمجيد

انا اشكرك من القلب لو انها متأخره

لكن بامانه هنا القصيد الشريف من نبع العذوبه لشمريه

فعلا" البيت الاحمر هو القصيد امنى ان تسجل اعجابي بها للامانه

و سؤالي لها هل انتي تكتبين من باب المجامله في بعض الاحيان خصوصا" في هذا الوقت الكئيب

بصرااااااااحه الرد

**لطيفه الشمري** · 13-08-2009 05:01

بسم الله الرحمن الرحيم

صعوه فسفوريه

والله نكتس رهيب

الله يسلمتس يالغاليه

شاكره مرورك

**لطيفه الشمري** · 13-08-2009 05:05

بسم الله الرحمن الرحيم

سيف الدوله

اولا ... امتلئ متصفحي بهجه وازدان بـ حضوورك البهي

اخي .. سيف الدوله وخالقي انت بالذات اجلّك واحترمك

ولك في نفسي من القدر والهيبه ما الله به عليم

لاتسالني ليش ..... كذا من ربي

مرورك واطرائك شرف

وثق انك من القلائل الذين انتظر ردهم على قصائدي وافخر به

لاعدمت وجودك وحضووورك

وشكرااااا من القلب استاذي الكريم

ودي

**لطيفه الشمري** · 13-08-2009 05:07

بسم الله الرحمن الرحيم

ريوف يالله حيه

وهلابتس مليون ومشكووووره يالغلا على الاطراء

وعلى الكلام الحلو زيتس ياعسل

تسلمين حبيبتي

ودي

**لطيفه الشمري** · 13-08-2009 05:18

بسم الله الرحمن الرحيم

اخوي عبدالمجيد ... اهلا بـ عودتك مجداا

وابشر طال عمرك

قصيدتي بـ والدي

[poem=font=",5,white,bold,italic" bkcolor="transparent" bkimage="" border="inset,2,white" type=2 line=1 align=center use=ex num="0,black""]
قابلت بيض اوراقي بحزن وسكات = ودموع حزنً بين الاهداب طاحت
تخالطن جروح دمي بدمعات =دمعات عينً من عنا الشوق ناحت
بغيت اهدي ثورة القهر مرات = وعجزت اهدي ثورة جروح ساحت
من ستة اعوامً والاحزان مرسات = مرساة لايامً تعرت وباحت
من ستة اعوامً ابقصد ولا جات = حتى حروفي لاتطرتك صاحت
عجزت انا يابوي لا ارثيك بابيات = وحروفي اللي لابغيت استراحت
ياللي خذا هالطيب منك علامات =عساك لجنانً بالاطياب فاحت
لو المكان يحس للوقت ميلات =ضلعان حايل والمشاكيل ناحت
ترثيك فيني عبرة الياس باهات = وذكراك في بالي للاوجاع زاحت
ماني على خبرك صغيره ببّكلات = كبرت وهمومي بالاوجان لاحت
عقبك طفا وقت الصفا والمسرات =وعقبك جروح الوقت فيني استباحت
يابوي وقت اليوم يحتاج فزعات =فزعات قهر وذل وسنين شاحت
والمجلس بلياك مافيه مشهات =حتيش لو بدلالها الصفر فاحت
عزاه ياوقتً به تذل هامات = عزاه ياوقتً مراجله راحت

[/poem]

وقصيدتي بـ والدتي اضعها بين ايديكم وقد كتبتها منذُ وقت طويل

ولكنها الاقرب الى نفسي بـ سبب ظروووف كتابتها واسبابها

[poem=font=",5,white,bold,italic" bkcolor="transparent" bkimage="" border="inset,2,white" type=2 line=1 align=center use=ex num="0,black""]
يمه ولامـن قلـت يمـه يجينـي=احساس انثى خالطتـه الطفولـه
كل البشر اصله ترابـن وطينـي=والعين عقبـك ياغناتـي ملولـه
متى اشوفك واقتل احساس فينـي=يتيمـن وصكـات بقعـا تعولـه
وابياتـي اللـي كاتبتهـا يدينـي=استنسخت لك عز عيـت تطولـه
عيت تطوله هم جـرد السنينـي=ورد يتحرا طـش حبـك هطولـه
ادري بغلاك العـف دايـم يبينـي=بدرب الصلاح امشي واجنب ميوله
وبصدري المهموم شيـن دفينـي=يستافي الخطوه ولو هي عجولـه
والبر فينـي كـن بينـه وبينـي=شعيب ضلعن سايلاتـن سيولـه
همساتك اللي بيحت بـي كنينـي=وسجداتك اللي يـم ربـي قبولـه
خلت ظلام الكـون ينـور بعينـي=ووضح النقا امشيه وافهم اصوله
ليت العمر يعطى بقولـة عطينـي=من قبل لا لسانك عطيني يقولـه
اعطيك عمري ولا تحسف ترينـي=الا على تقصيـر بـري ونحولـه

[/poem]

**لطيفه الشمري** · 13-08-2009 05:30

بسم الله الرحمن الرحيم

1)بمن تأثرت الشاعره الشمريه؟

اذا تقصدني على المستوى الشخصي عمومااا

فـ تاثري كان بـ والدي رحمه الله

اما اذا تقصدين على المستوى الشعري

فـ بوالدتي اطال الله بـ عمرها لـ كونها شاعره جميله جدااا

2)من اكتشف موهبه الشعر لديكـ؟

رحيل والدي

5)هل يمثل الشعر دائمآ احاسيس الشاعر؟

في الغالب نعم

6) مارأيك في الشعر بالوقت الحاضر؟

الشعر يبقى شعر

الكلام على الاشخاص

7) مارأيك بمن ينفي حضور القلم النسائي في ساحات الشعر؟

وجهة نظر

8)اول قصيده لكـ واخر قصيده مالفرق بينهما؟

احس مافيه فرق

لاني الى الان ماوصلت الى مسمى شاعره

ولم اصل الى حد التمكن

مشكوووره على المرور يالغاليه

**لطيفه الشمري** · 13-08-2009 05:43

بسم الله الرحمن الرحيم

اغلى قصيده لقلبك؟

كل قصائدي << مركزه

كم تاخذ الكتابات من وقتك..؟

على حسب النص

هل جرحت يوماً // ومازال الجرح ينزف..؟

كل شخص انجرح بـ وقت ما

وانا ولله الحمد التئمت حروووحي جميعها

بـ استثناء جرحي بـ رحيل والدي رحمه الله

سـ يضل ينزف الى ان اتوقف انا عن النزف والنبض

تعبير لهذه الانواع من الاقلام وباختصار:
قلم الرصاص

يملك خط الرجعه دائمااا

قلم ناشف
قلبي

قلم حبر
الدنيا

قلم الالوان

طفولتي

شاكره لك مرورك

**لطيفه الشمري** · 13-08-2009 05:55

بسم الله الرحمن الرحيم

- تواجدك قليل .. مالسبب؟

والله ظرووف وارتباطات يعني << تقل توهقت

- تسجيلك بالمضايف كيف كان ومن السبب؟

عادي سجلت كون انه منتدى يضم شمر تسجيلي فيه طبيعي

- مارايك بشعراء يسجلون باسماء نسائيه لمتابعة قصائدهم فقط
- ومارايك بالشاعرات اللي يكتب لهن شاعر !! هل يستحقن الاحترام ؟

والله شوفي انا جمعت السؤالين مع بعض لان جوابهم واحد

ودتس اللي يحشر هالشعار وهالشاعرات اللي قصدتيهم بـ اسألتك

وعلى طول لـ شهار

لانهم بـ جد مرضى نفسيين وحالتهم مزمنه

-ما الذي يزعجك بالشعراء والشاعرات ؟

والله شوفي الشعراء والشاعرات بـ النهايه بشر

واذا كان اكثر شي يزعج المجاملات والنفاق

لكن عزائنا الوحيد اناا بشر

واللي يقول ابد مااجامل بالشعر

مع احترامي له ماقال الصدق

واللي عنده اعتراض على كلامي يشوف له اقرب مدينه فاضله ويحجز لها

عطرنا مشكورره يالغلا على الترحيب والمرور

لاخلا ولا عدم يالغاليه

**عبدالمجيد الشمري** · 13-08-2009 05:57

اما اذا تقصدين على المستوى الشعري

فـ بوالدتي اطال الله بـ عمرها لـ كونها شاعره جميله جدااا

هل بامكاني طلب قصيده او قصيدتين او قصائد
لوالدتك حفظها الله واطال بعمرها على طاعته ..؟!

انتظرك وسأعود باذن الله

تحاياي