عسى المزون الرخم تسقي جبل طي
...........ياما تسيل .. شعابها .. والشغايا
ــ
حايل بعد حيي وحيي لها حي
............لعلها بالعز .. دار .. الطنايا
ــ
دار الكرم يوم الملاء رزقه شوي
............واليوم به كل المخازن ملايا
ــ
الي بنوا برزان ماهمهم شي
.............غير العلوم الطيبه والحمايا
ــ
ضياغمٍ زين المحازم لهم زي
...........حطوا على روس المعالي بنايا
ــ
كم ابلجٍ بأركان حايل ربى عي
...........صنديد والله مايهاب المنايا
ــ
راحة بهم دنيا عقب عزها لي
...........مثل السراب ليابسين الشفايا
ــ
دنياك يالجاهل كما سايح الفي
................ساعات مايبقى لشوفه بقايا
ــ
كم واحدٍ اركت على ضامره كي
............ياماحصله من كبار البلايا
ــ
دنياك مادامت لصدام وعدي
.........قـوّد نهار العيد مع الضحايا
للشاعر : عواد البداح
0
0
0
0
اتمنى تحوز على رضاكم
رد مع اقتباس
المشاركة الأصلية كتبت بواسطة al-shmaly
المفضلات