السلآم عليــــكم
تعرفون ياجمآعه الاشياء اللي نسويها وعقبها نقول
ان راح يصير شئ لاننا سويناها < وصلت؟
صارت لي مواقف كثيره من هالاعتقادات او مدري شسمها
واعرف كثير ناس يصير لهم شغلات غريبه
و كلنا نؤمن ان شاء الله ان الرزق من الله وحده
والله العالم بكل شئ
مثلا
بتجيك فلوس / بتدفع فلوس
اذا حطيت يدك اليمنى من الكف بتجيك فلوس والله الرزاق
واذا حكيتها من الظهر بتدفع فلوس
واتذكر سالفه لهالاعتقاد او مدري وش يسمونه
المهم لي خاله كريييييمه حيييل ماشاء الله ماتقصر على احد
ولازم تصرف فلوسها ماتخليها عندها ..تطلع تاكل تتمشى تشتري حتى لو مافيه شغله مهمه
كل ابو شئ
وقاعدين وياها عالكورنيش
شوي وتحك يدها اليمنى من الكف بقووووووه
وضحكت وقلت لها خير ان شاء الله بتجيك فلوس
قالت صدز؟
وانبسسسطت
مررت ساعه
الا بنقوم خلاص
وتقوم تحك يدها وهي تناظر فيها من ظهر الكف
وبعدين قلت لها افااا ياخاله بتدفعين الفلوس اجل؟
قالت : "هااااو" غمييييضه ماراح تقوم عندي الفلوس لو ساعه !! < تسكن بالحسا يالربع ههههه
وحده من صاحباتي
اذا رفت عينها اليمنى بقوووووووه
تصير حتى اللي حولها يحسها ترجف العين
تقول بشوف احد ماشفته من زمااان
درست معاي باول ثانوي وعقبها نقلت لمدرسه ثانيه
وضليت معها على اتصال طول هالفتره
بعد ماتخرجنا من الثانويه
كنت اكلمها تلفون شوي وتقول عيني امس رفت بشوف احد ماشفته
عاد المشكله من وين بطلع اربعه وعشرين قاعده بالبيت
انا رديت بضحكه وقلت معقوله للحين فيك هالبسم الله ..!؟
بنفس اليوم بعد العشا رحت لصيدليه قرطبه بالدوحه
وانا تووي داخله واشوف زول اعررررررررررفه ياناااس
وهي اول ما شافتني نادتني على طووول
انا التفت وقلت هااااه داااااانه
من الوناسه والروعه قمت احرك يديني بالهوا وانا رافعتها< مدري ليه طرت لي هالحركه بذاك الوقت
واكتشفت انو سبحان الله يمكن جد اللي تحس به
هذي خاصه بالبنات ..!
اذا قلت انا واي وحده معآي
نفس الكلمه بنفس الوقت بروح نضرب اقرب خششب واذا مالقيت خشب نضرب شئ لونه احمررر
والنتيجه زوجي احلى من زوجكههههههههههههه
< عاد المشكله "اوب" مهم الجمال بس مدري ليه نتحمسهههههههه
كنا بسياره انا وبنت خالتي وماما وخالتي
ونقول اانا وبنت خالتي نفس الجمله حتى مو الكلمه
وانا ادور خشب ولا لقيت
وادور شئ احمر وقدام عند السواق
مشششكله يدي تحقرص
واتذكر ان ماما بلبسها فيه شئ احمر
واقول ارررررررفع عباتها
واضرب بقوه على المكان اللي اتذكر فيه احمر ههههههه
وهي تقول يااه وش فيتس وشووو
وقلت ماما زوجي احلى من زوجها !!!
قالت بسسس ؟ رعدتيني عشان يصير زوجتش احلى ؟؟؟
< اهم شئ فاز زوجي لو باقبح شئ بس فزت
وكثيير موآقف ومنها شئ خاص فيني اذا سويته يصير شئ ههههه
انو اذا جات لي حكه قوووووووووووويه برجلي اليمنى اكرمكم الله
واحركها بقوه على اي زل
وسبحان الله تجي فلوس للشخص اللي حطيت بزوليته
استغفر الله هههههه
مره كنت بيت عمو ورحت بسمع سوالفه هو وبآبآ
وانا بصب لهم القهوه وتجيني حكه قويه وضليت احك رجلي بطرف الزوليه بالنص عند الطاوله
وبعدين ضحك بابا وقال يجيب الله الرزق
قال عمو يجيب الله وشرحنا له السالفه
من ثاني يوم دقت عليه جريده
ربح جايزه هههههههههه
عشرة الااف ريال وطقم ذهب ههههههههه
دق علي بالصببح قال
يابنتي يامنيره كل ماجتس حكه والاش
دقي سلف وحكي عندي بارك الله فيتس هههههههههههههههههه
بسس
لكن الوارد بالسنه
انو اذا طنت او زنت الاذن
فيه احد يتكلم فيك
واذا صارت لك تقول
{ ذكر الله من ذكرني بخير }
اللهم اني اعوذ بك ان اشرك بك وانا اعلم واستغفرك لما لا اعلم
.gif)
.gif)
رد مع اقتباس
المشاركة الأصلية كتبت بواسطة الضاري11
المفضلات