هات القلم واكتب حروفي على اش
واختم قوافيها من القاف في ايش
هاض الوداد وشوق روحي لها طاش
ارض النشامى بالكرم كلها طيش
هذيك حايل ياطرت يخفق الجاش
خفقة عديم بفزته ينفض الريش
يوم ٍ طرت لي كن هالراس منداش
في برشلونه والنفس صار بشويش
عفت الهوا عفت المطر مرقدي فراش
حال العشيق اللي كره لقمة العيش
يامن طرت يطري علي قولتي : عاش
من كثر ما قيلت ولاهم مداهيش
تلقى الفتى بمزارق الطيب مهتاش
كنه وحش في موقفه زاد توحيش
يطري علي ابيض ولا ابيض الشاش
حليب خلفات ٍ يسد المعاطيش
يطري علي شعبانها وذبح الاكباش
ضيوفهم كل غادي ٍ والدراويش
يطري علي قولة:بعد زيده قشاش
عزالله اني لو نسيته فلاعيش
كن السمر يامن طرت عطر بغراش
واللي يشبّه حامل المسك لو ايش
ياناس لو قلتوا حياتك على ماش
باسبانيا تذكرلي حايل على ويش
ياناس حبه داخلي بالحشا عاش
تسكن في وجداني نقا دون تخديش
ياسبانيا قلتي هلا مطمعك كاش
لوكنتي الجنه على الارض مابيش
الشاعر نافع بن طواله
برشلونه 17-2-2009
رد مع اقتباس
المشاركة الأصلية كتبت بواسطة عبدالله المهيني
المفضلات