غبنـــــــــــــــــــــــــه
هيه ياراعي الشفر تله
اويل قلبي ياجمس عند جارنا اكا السنه
تسيف من زين حسوه ودك تنجضع تحت قزوزه
قسم بالله لو لاحقن عليه هتلر كان امداه مستحل العالم
ابد مايمديه يلقمه بثنين الا هو محضر ببطن موسكو
مدري وش بي لي اسبوع وانا اهيجن واشيل سامريات
هي شغله من ثنتين يا ان الظفيره اللي بمخي التمست وقمت اقط خيط وخيط
ولا اني عشقت هالعجيز اللي تدرسن
مره جيت الفصل مواصل وحالتي حاله مأمل اني اسدحه نومه على الطاوله
لكن من رداة الحظ عجيزنا ممسكه معه انه تفهمن شغله
عاد انا مشكلتي مثل اكا العبد اذا فكرت اموت
وصرت اتبع مبدأ دربج راسك وتمشي الدعوه سهالات
عاد وهي تشرح وخاشه جوه بالشرح
قمت اغمز له غديه تستحي وتقلب وجهه
اثري جاز له الوضع ملعونة الرقبه
وتاخذ شوي وتلفح بشعيراته عاد المشكله هن شعرتين وبازتا بهن قسم بالله اول مايطري عليك لو تشوفه العصفور تويتي
عاد انا من خباثتي انبسطت على الوضع وطار النوم
قلت خلن اقزر يومي عليه
وهي تشرح وادخل يدي داخل الفنيله واحط يدي عند قلبي واخليه يقرقع
هي الضعيفه صارت ماتشوف من القاع صمايل
تحس انه رجعت خمسين سنه ورى
ايام العربات والحانات وقلاصات الخشب اكا اللي عقب ماتشرب منه تمحش افمك بكمك
والله ويستمر المحارش بينا بين
زين ان مافي هيئه ولا كان جالديني عند سور المدينه << الهطف للحين عايش دور الفارس
والله وتنتهي الحصه ويجي البريك
وقلت خلن اتكي عنده اخثردز عليه شوين غديني اكسر خاطره وتعطيني باقي اليوم اوف
والله ونتكي وسوالف وطقة حنك وعلوم سفره وفنجال رايح وفنجال جاي << متكي بدكة حدى الربع مو بفصل
عاد مااتحلو الجلسه الا بقليل من الشعر والله وانا اترجم له قصيدة بندر بن سرور ياسخيف الذرعان ماني بمرجوج
عقبه قالت اثريك مانت بسيط يالحول
قلت له انتي وش معرفتس توتس ماشفتي شين بس خليني امخمخ لتس
وهاتك عقب ياقصيد وعلوم ا
قسم بالله لو داري بي الغسلان اكا الحزه انه يجيب مسجله معه ويجلس يسجل الدرر اللي تطلع من بؤي
لان ممكن سوالفي اكا اليوم تفيده في مجاله
مافطنت الا الزقرت مدرعمين علينا اثري انتهى البريك
واغمز له واقول له الوعد بريك الغداء ابعلمتس قصة الراعي والحسناء
قالت لي اوك الوعد قدام << مواليد الصبيخه ملعونة الرقبه
واروح اتكي على طاولتي واجلس ارسم قلوب ودببه واكتب حرفه داخل قلب
وعلى القلب سهم ينقط دم
واكتب تحته يضرب الحب شو بيذل
انتهت الحصه وجا بريك الغدا وطلعوا كل اللي بالفصل
واروح يمه ادربج راسي ومعي دفتري كاني معقب بالجوازات على هالدفتر
وقالت هاه وش عندك تراك ابلشتنا
قلت الحب اعمى يالطخمه
قالت انت من جدك ترن من اليوم اضحك معك وكاسرن خاطري لانك ذكرتن بجارن لنا سفيه
وحسيت ان عندك نفس المشاكل اللي عنده
هاللي اودعي معطيتك وجه
وجالسه اشرح لك لحالك لاني ادري انك تنكه ماتفهم الا بملعنة الجــدف
قلت بئى تسذا
قالت اقول تقلع لا والله يجيك مرفق ايسر يمشي مليون
انا وقته تحطمت
لا انا اللي طلعت بدري ولا انا اللي سحبته نومه على طاولتي وفوق كل هذا تهزئ
قبحتي ايتها العجوز الشمطاء
رد مع اقتباس
المفضلات