دن حجيله دن حجيله
السلام عليكم ورحمة الله وبركاته
يالربع وش هالعيشة القشـرا صم الله على الفضل
والله معاناة وبهذله يعـذر بي أهاجر لأمريتسا وآخذ لي حمـرا ويجون وغداني حمران وعيونهم زرق اققققققققققققققققعد أجي اكشخ على العيال اللي هنا اقول روحو لو بكم خير وغدانكم ماهم شهبان
لا لا عاد صحيح الوضع ماهو باللي تبون
قبل نبـدا عندي سؤال
شنوح بعضهم يشد حيله أول مايسجل بالمضايف وبعد مايوصل 200 مشاركه يهجـد وماتشوفه له رد الا بالسنه حسنه<_ صورة واحد يتفنكر بأمور الدنيا
يقول ولد شيخ يقول ههههههههههههههههه
كلنــا عيال شيوخ وندقم خشم العـدو
لا لا لا لا الوضــع ماينكست عنه يالربع
عمركم سمعتو بــ صمـل عزوبي وهو متزوج ؟؟
شنقل ابو غازي ابو ضاري الشبث
وقفو بالله خلو الشباب يراعون لكم شوين ههههههههههههههه
هذولا عينه من اللي متزوج ولا هو متـزوج يعني صمــل مع وقف التنفيذ يعني
متزوج ولا هو متزوج بس يقلب روحه بالحوش ويراعي للجوال يتحرآ آحد يدق يقول تعال خذنا نبيك هههههههههههههههههههههههههههههههههه
روحو بس سآفرو معي لمصـر أزين لكم <_ يبي يفسد خلق الله
يالربع أنــا أخوكم بالآسلام / يوسف بن فهيد العطـأوي العبدي الشمري
قدر علي الله وصرت من عائله ماشاء الله تف تف تف تف الله لا يضرنا ويكثرنا ,,,
ايه صرت من ضمن آفــراد هالعيله وأعيش متبهذل ووأنكرف وحمــار مكده لهم والله حاله لو يبي حديهم علك قال يوسف يوسف عندكم خلوه يروح
يالربع والله البارح جالسن لحالي وأقوم أعد كم مخـده موجوده بالمجالس اللي داخل اللي ينامون بهن العيال بسسسسسسسسس
وطلع العـدد 47 مخـده
هذولا غيـر اللي ماجو مداومين ولا حريمهم فارماتهم وعيين يجن هههههههههههههه
المهم مالكم بسوالفنا العائليه <_ تكفىىىىىىى هههههههههههههه
طلعنا للبـر البارح وضيعنا وبغينا نهفي هذي سالفتن لحاله يعلمكم به خالي ابو ضاري
البارح نام جنبي لي مجنون يالربع
هو انا ناقص يعني
المهم قدر الله علي ونام بالفراش اللي جنبي سفيه بوه جنيه يالربع قسمن بالله
يوم جت الساعه حول الــ2 وهو يقوم يرفس وكل شوي حركه وهو يوقف ويتكلم ويخربط وانا مطلعن عيوني بس ذالن منه وبالعن العافية
وقمت اتخيل انوه يبي يذبحن وينشر مصراني على الدرايش ويلعب بعيوني تيل ويبيع سنوني لشايب وبمشرط يقطع جلدة راسي ويحطه على المركىا
وانا اتشجع واقوم وامسكه ابي ارجعه لفراشه
وهو يصفقن على خشمي ويقول اقتلو الكيفران اقتلو الجن الكافر هههههههههههههههههههههه
اقتلوهم ياربيييييييييي يالله ساعدني لكي اقتل الجن ولا اترك ابن امه وابوه <_ قام يخبص الأخو وانا موقف اللطم لحالي ووخذت ههههههههه
وهو ينكس لفراشه وانا اسمي وانجضع وأقوم اراعي لوه الا ابو الشباب ينافخ وله نهيت وشوين وهو يستقعد يعني راكب فرس ويقوم يهذب
وانا اقوم اقصد ميل عقاله ولد شمر عاشو عاشو عاشو وعاضن البطانية منفضخ قلبي مادري وش اسوي
وهو يتحمس ويميل راسه وتسن معه سيف ويقوم يذبح من هالمجرمين <_ خشيت جو معه
وهو يرجع ينام وانا خلاص انفضخ قلبي سلمت امري لله
وادق على اخوه قلت فلان وش بوه يعاني من خلل براسه خابره طيب
قال توك ماشفت شي ههههههههههه
ماخذيت شوي الا ابو الشباب موقف وفاصخن فنيلته وينقز ويسوي زي الجمهور الأوربي هههههههههههههههههههههههههههههههههههههههه هههههههههههههههه
دبل تسبدي وانا اقوم وارضخ بوه على الأرض وهو يفتح ويراعي لي ويحك شوشته
ويرجع لفراشه وبسرعه وهو يقمز الا هو فوقي ويقولي انت منهم صح اعترف والله لا أطلع عينك
ونغدي قش صلبه بالمقلط ولا حولنا احد ماتسمع الا رزيز الجـدارن
وعقب ماصارت علوم وجو العيال وأدق على امي قلت يايمه مامن فراش حولتس
قالت يوسف جنيني بك شين هههههههه
قلت لا بس منخرع وش اللي مابي مجنن وزحمه ولا أقدر ادخل بالبيت من الحرما وش هالعيشه
قالت انت شاربن شي<_ عليهن افكار غير شكل هالعجز هههههههههههههه
قلت يالله ابي ادخل قالت ولعنه الحريم وقامت تعد اسمائهن قلت ماعليتس ماني ماكلهن افتحي لي باب السطح ابروح انام بوه ازين لي ولا تريني ابمشي الحين للدمام
ولا زوجوني
قفلت بوجهي زي العاده
وانا الحين ابيكم تقطون لي ابشري لي بيت واعرس
رد مع اقتباس
المفضلات