.. // .. عندما تغرد البعارين .. // ..

**فارس الصحراء** · 19-07-2009 20:22

..

يا بنت انا لشمس في جلدي حروق
وعلى سموم القيض تزهر حياتي
اطرد سراب اللال في مرتع النـــوق
ومن الضماء يجرح لساني لهاتي
عاري جسد واليل هتان وبــــروق
دفاي انا والبر سمل العباتـــي
ان عذروني بعض خلاني بــــدوق
يابنت انا عشق الخلا من صفاتي
وشم على رمال المتاية مدقــوق
ولا شك منهو يسوي سواتـي
انا بدوي وثوبي على المتن مشقوق
ومثل الجبال السمر صبري ثبــاتي
ومثل النخيل خلقت انا وهامتي فوق
وماعدت احني قامتي إلا في صلاتي
ولاافتخر بافعال يمناة مخـــــلوق
يابنت انا فعلي شهودة عداتــــي
اللة خلقني وكلمت الحق بوفــــوق
وملكت انا الارض وراس مالي عصاتي

..

والله انك شنب يا بدر بن عبدالمحسن ..

..

يالربع تسيف اني احب قصايد هالرجال ..

..

هذا يالربع ..

..

يوم اني صغير انا واخوي ..

..

تونا .. يعني .. انا عمري اربع سنوات .. واخوي على حدي .. ثلاث سنوات ..

بهالمحاري ..

..

الوكاد .. وراع الوكاد صاااااامل ..

..

دخل ابووي الابل .. بالشبك ..

..

ويقوم يطرح منهن ويوسم وحنا .. نعاونه .. على قدر المستطاع ..

..

ويوووم خلص ..

..

ما بقا الا بكرتين .. صغار .. اصغر البكار الموجودات ..

..

قال يالله اطرحوهن ..

..

حنا عيوننا غورقن .. جتنا البتسوه ..

..

نحسب انه يمزح ..

..

اطالع لاخوي الا انتفخ .. هو لا زعل ينتفخ .. يكتم الله يخليه ..

..

يا مار ما يشجع ..

..

صرنا بموقف محرج ..

..

الوكاد .. عطانا الحبل .. قال هذا الحبل ..

..

انتم ما وراكم .. قضب ذيل ومناشط هالبكار ..

..

والله وانا اجدع الحبل قلت لا نطرحهن .. زعلت وطنيت انا واخوي .. تسيف يهزبنا

..

والله ..

..

ونقعد نقلبهن بهالشبك ..

..

نركض وراهن والا قربنا .. تراخينا ..

..

تسنهن اسرع منا ..

..

وناخذ شوي على هالحال ..

..
وابوي يراقب بأستياء تام ..

..

والله وحنا .. نجلس تسننا تعبنا ..

..

والله وهو .. ينشدنا ..

..

وش علمكم جلستوا ..

..

قلنا يبه سريعات ما قدرنا لهن ..

..

قال زين ..

..

انا جاي ..

..

وهو يفتح الباب ويدخل علينا ..

..

ولسب بالعقال ..

..

والله العظيم يا انه ..

..

يمسط واحدنا يا ما يغدي له رغا .. تقل حدا هالبكار ..

..

وحنا .. ما غير لنا فريخ ..

..

قال يالله يا تسلب انت واياه ..

..

هذا الحبل ..

..

وسووا حباله ..

..

والله وانا اجود راس الحبل واسوي حباله ..

..

واخوي يمسك طرف الحبل ..

.

ونحطه .. بحدا زوايا الشبك ..

..

ونجيب البكار عليه ولا وحده جت يدها يم الحباله ..

..

وابوي .. يزقر علينا ..

..

وحنا ذاااالين ..

..

قال اجدعوا الحبل ..

..

واطرحوهن طرح لا والله اخلي عيشتكم كسيفه ..

..

والله ونخلي الحبل ونتشاور .. انا واخوي ..

..

ونقرر على وحده منهن ..

..

ونهجم عليها .. تشجعنا شوي ..

..

والله ونتلولس بذيلها .. ونميل به يمن يسار ..

..

الوكاد وحنا وراها .. نبي منها ..

..

يا مار فرت بنا الشبك ..

..

والله وانا اقول لاخوي .. اقضب يدها ..

..

اغدينا نوقفه .. والله وهو .. يضب يدها ..

..

وانا اشد ذيلها .. وهي تثبت .. ويغدي لها ارغا ..

..

الحين نبي نطرحها على شان نوسمها ..

..

نبي ابوي يفزع ..

..

يا مار يشر بيده لا لا لا لا ..

..

الوكاد..

..

وانا واخوي .. مجودين بهالبكره .. والله يا حالتها تكسر الخاطر ..

..

ونتعاون عليها ..

..

والله وحنا ,, نطرحها .. ويجي ابوي بالميسم ..

..

حامي من النار قالب احمر ..

..

وهو يوسمه على الرقبه من اليمين ..

..

والله .. وحنا نفكه ..

..

ونغدي خوش عيال عقبها ..

..

وطرح الابل .. عندنا ولا شي ..

..

لا هذي مره من المرات ..

..

مسوين غدا ..

..

بالبر ..

..

والراعي هو اللي يطبخ الغداء ..

..

والغنم الجلد ..

..

روت على الوايت ..

..

وما مد بها الراعي .. لانه يطبخ الغدا ..

..

قال ابوي لحدا عيال عمي الصغار ..

..

خذ .. حيشاكم .. الحــمـــار .. ومد بالغنم ..

..

ابي ارمز له ابو زنيهير اللي هو الحمــــــار ..

..

الوكاد ابو زنيهير هذا .. اقشر .. كم مره ..

..

يعض من البهم .. والغنم ..

..

والله وياخذ ابو زنيهير ..

..

ويمشي به وتتبعه الغنم ..

..

شوي الا جاينا حاط(ن) رجله .. يمشي ست الاف ..

..

وينطحه ابوووي وش بلاك ..

..

قال ابو زيهير .. قام يطردني .. بوسط الغنم ..

..

قال اجلس .. ويزهم واحد .. اكبر منه شوي من عيال عمي ..

..

قال رح طق وتاد .. ابو زنيهير ..

..

قال زين .. هذا قلبه يرف ..

..

توه شاف .. اللي قبله .. مطرود ..

..

وعاد الحين هذا الكل قاعد يرقب وش بيسوي ..

..

يوم وصل يم ابو زنيهير .. ماخذ له عصا ..

..

وهو يمشي به .. وحاط العصا بينه وبين ابو زنيهير ..

..

ويوم انه .. بغا يطق وتاد ابو زنيهر .. ويعطيه نظره حنونه ..

..

انت يا ابو زنيهير .. يوم شاف النظره خوينا ..

..

وهو يذل .. وهو يفرك له .. وابو زنيهير .. ورااه .. بوسط الغنم ..

..

..

مساكين عيال البدو ..

..

..

ابو زنيهر .. هذا .. اخذناه .. من عند واحد .. حابس عياله اثنين ..

..

بشبك الغنم .. من العصر للمغرب يا ما جاهم ..

..
وابو زنيهر يحوم على الشبك .. ملعون هالتسديد ..

..

..

..

..

..

..

تلولسوا بتحيتي .. ليس بلحيتي ..

..

بقلم // فارس الصحراء11

**هلآ الآسلميهـ** · 19-07-2009 20:25

هههههههههههههههههههههههههههههههههههههههه هه

مع اني مافهمت سالفة ابو زنيهير الا ان صح السانك وفالك البيرق .....

وابداع فلاوي نمبر ون ...

واشوا اني سبقت جماعة الربعات شرشر وشقردي...

أكووووووووووووووووووي أكوووووووووووويهم كوي<<< على قولة حويل...

تقلب تحياتي .... القلبيه والقبليه لك بدوام الصحه والعافيه مع تحيات حليب نجديه بالموز ....

ههههههههه

**فارس الصحراء** · 19-07-2009 20:29

لي باتسو

بالانتظااااااااااار ..

..

منوره ..

**هلآ الآسلميهـ** · 19-07-2009 20:34

ابو صحراء...

فيه شي مميز بالصفحه ...

مشاركاتك 455

وانا 733

هههههههههههههههههههههههه

الآحاد والعشرات عددين فرديين مكررين ههههههههههههههه

سبحان الله صدف..

**فارس الصحراء** · 19-07-2009 20:42

^
^
^

لا اله الا الله .. سبحان الله ..

ههههههههههههههههههههههه

..

عليك قوة ملاحظه ...

..

تصدقين ما انتبهت لعدد المشاركات الا الحين ..

..

ما ادري عن عددهن .. خخخخخخخخخخخخخخ

..

مع اني مافهمت سالفة ابو زنيهير الا ان صح السانك وفالك البيرق .....

صح بدنك .. واهلا بك .. اما مافهمتيها .. عادي .. اهم شي السالفه اللي قبل ابو زنيهير ..

.. خلي ابو زنيهير يولي .. خخخخخخخخخخخ

تقلب تحياتي .... القلبيه والقبليه لك بدوام الصحه والعافيه مع تحيات حليب نجديه بالموز ....

مقلوبه وخالصه يا بيرل الصغيره .. واهلا بك ..

**هلآ الآسلميهـ** · 19-07-2009 20:53

^^^^

اسمناالله النحمن النحيم ؛؛<<< مثل سالفة خويتنا فيدات صعوبات النطق

اذكر الله يابن الاجواد ترا شوفي شجر... ووراي دراسه ومصالح

وترا سالفة البعارين حفظتهن صم تبي اسمع

**فارس الصحراء** · 19-07-2009 21:12

اسمناالله النحمن النحيم ؛؛<<< مثل سالفة خويتنا فيدات صعوبات النطق

هههههههههههههههه لا يكون انتي حديهن .. خخخخخ

اذكر الله يابن الاجواد ترا شوفي شجر... ووراي دراسه ومصالح

ايه ماشاء .. الله .. عسى هنا مابه خطا مطبعي ما ادري مصبعي .. ههههههه
والله من جد ما شااااء الله ..

وترا سالفة البعارين حفظتهن صم تبي اسمع

لا لا لا تسمعين دخيلكـ.. هههههههههههههههههههه

اهلا مره اخرى ... تقلبي احترامي

**يـــوسف** · 20-07-2009 00:23

[align=center]
اياخبيبي ياراعي الشلفا مكسفينن بك هههههههههههه

أمحق من ذكريات والله يالعشيـر لو انا متسانك لا أقـدم خريطة شكوى عند حقوق الأنسان

عقب الدبه غديت خوش ولد

فآرس الصحـراء لاهنت يالغالي
[/align]