جتني من اشباه الرجال المناعه
اللي عن علوم الرجوله مقفين
..............الى ان قال
بعض الرجال ان ما غسلتي شراعه
ما تبرد حرتك فيه سكين ^_^
يالربع الهياط وش علاجوووه ؟
يا ويلي يا فلتي ابشكي لتس
فيه واحدن حولنا وحوالينا
مهايطي نمره واستماره
تهقينه يدري إنه مهايطي ؟
والا يحسب انه وين راسه؟
إذا مايدري و انا ابنصحه
وغاد قسم بالله وغاد
و يامن شفت زوله بالشارع توجعن تسبدي
وه بس ياصبر الأرض
تخيلوا ياجماعة الربع
كل واحد يمسك له سرى و يتخيل
ناشبن لي بهذا و شكلي ابنقل من الديره عشانوه
مسوي لي فيها رجالن طحطوح عزيز نفس و طيب و شجاع و متسامح وشهم ومزيون و هولتن زينه ومافيه أحد ازين منه قصدي ارجل منه و هو بالأساس طخطوخن مطخطخ
بإختصار ط....امسح ^_^
وش نسوي بوه لهدنا ياجماعه لهدنا
و ياحبه للشر حباه
ومتولمن للتعزيز
ما يفرح على الله يلقى لوه ثنين بينهم سوء تفاهم
يجيك مطبدز ماتشوف الا غبرته
كش عليه
الله يكفينا الشر
_ _ _ _ _ _ _ _ _ _ _
ما اطول عليكم و ابدخل بالموضوع
وابقول لكم سالفتن لي يوم أنا بنت
فطنت علي مشوين
وأنا امشي ومعي كتاب القراعه والمحفوظات ومعي لي عسيب نخله مسكته و شلدزتوووه وغدا لك عصائن منا زينه
وكنت جالستن عند الغنم
وكان دوري انا واخوي اليوم
العامل مسافر بإجازه شهرين
وكل يوم على ثنين
وكنا طفشانين وزهقانين ومندبلتن تسبودنا بها الخليان لحالنا
وأذكر كنت أحفظ انشودة
يقال كان تسلبا ذات يومن
بين الرياض غارقن بالنوم
وجاء من وراءه الثعبان
منتفخن كأنه الشيطان
وجت من فوقه الحمامه
تقول له انحش جاك الثعبان
يمار هو بسابع نومه
و هي تنقره مع خشمه
و هو يقوم و هو يهج.....إلخ
الوكاد يمار ابوي موصينا وصايا مالهن تالي
وأنا أقرط كتابي وانا اتوسد لي رضمتين حطيتهن فوق بعض وانا اخمد
وأخوي جالسن بأقصى الروض يذاكر رياضيات ولاهو يمي
وانا آعي على شينن عند اذني يخرفش
وانا افتح عيوني كذا الا المعزا متجمعاتن حولي
وأنا اقمز
يمار يتقاطعن كتابي امام ناظري
و أنا اقوم عليهن
وأنا امسك التيس هذا اللي كلا نص الصفحات
وأنا ابرك عليه واجيب لي رضمه وادقه وادقه ادقه
و هو يجيني اخوي و يدق معي
يوم فطنا يمار نسمع طنيب يمار والله هذا أبوي
و أنا اقمز من فوقه و أنا اقعد احب راس التيس من الذله و هو يهج اخوي
وأنا اهج وراه
يمار هيهات وين تبون تهجون يا اولاد الابالسه
و ينزل ابوي و يراعي للتيس يمار ملعون الجدف حي ولابوه بلا بس طلع دمه
و هو يمسكنا و يجلدنا و يجلدنا و يجلدنا
اويحي ياوجع ضربه
عاد من ضمن هواشه يقول حيوان هذا كيف تسوون فيه كذا يالصهاينه ^_^
بس بعذري قسم بالله ياجماعه انهن لاهداتن جايبينهن ومتعنين نسرح بهن نبيهن يطفحن من هالعشب
ولاكلن الا كتابي !!
ياملا الآكله
اللهابوكن يالمروحات
عاد مدرستنا القراعه ابلا سناء المصريه
ماعنده تفاهم الا بالطراقات
و يوم درست من بكرا قلت له السالفه
و ذبحه الضحك تقول يا متخلفه انتي ليه ما بتحافضي على كتبك
وجتن المديره و جلدتن وبعدين عطتن كتاب جديد
والله ماتسوى علي
وشكرآ ....
رد مع اقتباس
المشاركة الأصلية كتبت بواسطة واحد شقردي
المفضلات