.. // .. حلم ما أدري كابوس .. // .. الوكاد .. ياحلو حلم(ن) حلمته .. // ..

**فارس الصحراء** · 15-07-2009 07:55

بسم الله الرحمن الرحيم ..

..

//

..

السلام عليكم ورحمة الله وبركاته ..

..

يالربع .. جايكم وانا منخرش ..

..

حلمت لي حلم ..

..

ما ادري مزعج والا مو مزعج ..

..

الوكاد انه ازعجني حيييييييييييل ..

..

هذا يا طويلين العمر ..

..

حلمت اني خوي .. لحدى التجار ..

..

المعرووووفين بالبلد .. وله كلمته ..

..

ومسلمني .. سياره ددسن .. 2009 .. ليه ما ادري .. ؟؟؟؟

..

اخوياه الثانيين .. على مرسيدسات .. وبي امات .. وانا ددسن .. >> حتى بالحلم .. مامن حظ

..

الوكاد ..

..

انه قال .. يبي يزور واحد من شيبانا ..

..

الشايب ذا متوفي الله يرحمه .. له سنتين ..

..

وانا أشغل الموتر ..

..

وعاد الربع يتمصلحون معي .. على شان اتوسط ..

..
لهم عند التاجر .. بزعمهم اني اسوي شي .. خرطي .. يا خرطي ..

..

وانا اجي الشايب الصبح ..يا مار عنده ضيوف .. ومسوي لهم فطور ..

..

والفطور مليحيه ..

..

والله وانا اقعده من النوم .. قم يا ابو فلان .. والضيوف مجدعين بهالديوان ..

..

قال .. فلان .. يا هلا يا مرحبا .. تسيف هالشايب يوم شافني ..

..

نقز نقزه .. مو طبيعيه ..

..

وانا اخبره ما يمشي الا بمعكاز ويلزمه حدى عياله ..

..

قلت يا عمي .. ترى يبي يجيك معزبي ..

..

قال متى .. قلت ما ادم عندك فطور .. بأخليه يجيك على فطورك ..

..

الحتسي هذا وحنا بعد صلاة الفجر .. ما طلعت الشمس ..

..

قال حياك الله انت واياهـ ..

..

قلت انت لا تتعب نفسك ..

..

ريح وانا ابي اضبط القهوه واضبط كل شي .. انت ريح بس ..

..

قال العيال قلت .. لا خلهم متى ما قعدوا ..

..

والله وانا اجيب المحماسه .. وخيشة القهوه ..

..

واشعل النار .. واحط من القهوه بالمحماسه ..

..
واشوفه قليل .. ما ادري وين تروح القهوه ..
..

واحط .. الا وقليل ..

..

واتعوذ من الشيطان ..

..

واحط من جديد .. ..

..

الا ونفس الحكايه .. قليل ..

..

ما لكم بالطويله الوكاد ..

..

حطيت الخيشه كله .. ..

..

وما سويت شي .. القهوه ما ادري وين تروح .. ما بقا الا اللي يسوي نص دله ..

..

قلت والله حامس حامس ..
..

وأقعد اقلب .. بالقهوه ..

..

لين بش العرق منها .. وصارت .. شقراء داكنه ..

..
ريحته .. تقعد الراس ..

..

شوي الا .. والناس قعدت .. وبدوا الضيوف يجون ..

..

وانا انتظر .. معزبي .. كلمته وقال جاي .. .>> طبعا مو هو لاني بالحلم زلابه عنده .. كلمت سكرتيره

..

والله وانا جالس بالديوان ..

..

والكل ينتظر معزبي ..

..

الا جورج قرداحي داخل علينا .. ولابس بدله ..

..

مكتوب عليها .. جامعه الملك سعود ..

..

انا انهبلت .. ..

..

صدق كذب الا والله هذا هو .. قلت يا فلان وش جابك ..

..

قال ابي اواجه معزبك ..

..

قلت حياك ..

..

الوكاد جا معزبي ..

..

وما ادري وش صاربالضبط ..

..

لان معزبي مو معتبرني شي عنده ..

..

الوكاد يوم جا يبي يمشي .. قال يا فلان .. خذ معك هالرجال ذا .. والحقوني نبي الرياض ..

..

قلت يالله ..

..

الرجال وجهه مو غريب علي ..

..

قلت ما عليه .. والله ونركب انا واياه ..

..

وحنا نمشي ورى الموكب حق المعزب .. >> مو تاجر ذا امير الفلوس وما تسوي

طبعا بينا مسافه لان سيارتهم .. تمشي .. اسرع ..

..

بس ددسني خارشها .. مخروووشه ..

..
نويات اشوفهم .. قدامي ونوبات لا ..
..

..

الوكاد .. بنص الطريق ..

..

وهو يلتفت لي خويي اللي معي ..

..

ويمد لي ورقه صفراء ..

..

..

..

..

..

ويقول لي .. تعرف احد بالمرور ..

..

انا صابني اكتئاب .. صراحه حتى بالحلم وااااسطه .. لييييييييييييييييييه ..

..

قلت لا ما اعرف ..

..

بصوت .. عالي عليه والله هو يهجد ..

..

وحنا نمشي .. الا الطريق تسكر .. فجأه ..

..

ناس وزحمه ...

..

والله ونخلي الددسن ..

..

وانتبارا انا وخويي بهالسهله ركض ... على رجلينا نبي نلحق معزبنا ..

..

سبوق ملعون هالتسديد ..

..

بس ما عليكم ..

..

سبقته .. وصار هو الثاني .. العجيب بالسالفه اننا سبقنا معزبنا ..

..

ووصلنا قبله ..
..

يوم جلست شوي ويمد .. لي خويي الورقه الصفرا ويقول .. تعرف احد بالمرور ..

وانا اعصب وأقعد .. من الحلم ..

..

..

حتى بالحلم ندور واسطه .. هذا ليه هاللون ..

..

خويي بالحلم .. الا اعرفك من انت ..

..

وجهك مألوف ..

..

بس شكلك من القديمين فيدين ايام الثانوي ..

..

بس والله لاجيب راسك ..

..

لا ولا بس نظارات .. بس هين خلني اعرفك بس ..

..
..

سبحان الله بالحلم يصير كل شي ..

..

..

..

..

..

يا ليل يا جامع وسط حلمي اثنين .. // .. خوي مقرود(ن) وشايب توفى

..

لا حوووووووووووووووووووووووووووووووووول

..

..

تلولسوا بتحيتي ليس بلحيتي ..

..

..

..

..

..

..

..

بقلم // فارس الصحراء11

**غالب العنزي** · 15-07-2009 08:13

والكل ينظر معزبي ..

..

الا جورج قرداحي داخل علينا .. ولابس بدله ..

..

مكتوب عليها .. جامعه الملك سعود ..

..

انا انهبلت .. ..
ـ ـ ـ ـ

هههههههههههههههههههههههههههههههه مهو كابوس يالذيب مهنا زين حلمك

احسن من الي ابد مايحلم شاااشه سوده دايم

جعلنا ان شالله نحلم بالرسول عليه الصلاة والسلام
قل آمين ....

الا ماعينت الورع دحام

لاهنت ياذيبان عالسولافه

الف تحيه لك يالذيب

**فارس الصحراء** · 15-07-2009 08:19

احسن من الي ابد مايحلم شاااشه سوده دايم

ارررررخو ابوي .. تسيف شاشه سودا ..

جعلنا ان شالله نحلم بالرسول عليه الصلاة والسلام

قل آمين ....

أمين .. لا هنت على هالدعوى يالذيب ..

الا ماعينت الورع دحام

أمس شفته .. لاح لي .. بس اليوم والله ما ادري عنه ..

..

هكا الليد مربث الله يصلحه بس ..

لاهنت ياذيبان عالسولافه

الف تحيه لك يالذيب

ولك الطف وارق .. نسمة ربيع ..

..

**شرهه** · 15-07-2009 08:59

هههههههههههه

هالددسن وقرداحي فال خير انشاالله

هالددسن عروس >_<

وقرداحي رزقن من الله يبي يجيك وتدفع مهر العروس منه

يالله انك تصبغ السلوك

الف الف الف مبروك مقدمآ ^_^

‏>‏>>>>تبي تنكبوه

ياقردك من حرمتك
خخخخخخخخخ

اللهم اجعله خير يا فلان

مع التحيه

**فارس الصحراء** · 15-07-2009 09:15

هالددسن عروس >_<

هذا تسيف .. وش هالتفسير .. ددسن تصير عرووووس

وقرداحي رزقن من الله يبي يجيك وتدفع مهر العروس منه

والله ما ادري ابن قرداحي وجهه يقطع الرزق ..

..

ماظنتي ورى هكاالخشه رزق..

الف الف الف مبروك مقدمآ ^_^

ما فيه شي .. لا تطلعين اشاعات ..

‏>‏>>>>تبي تنكبوه

ياقردك من حرمتك
خخخخخخخخخ

عوووذه منك .. محراث الشر ..

اللهم اجعله خير يا فلان

امين ..

مع التحيه

.. شكرا لك ..

**حمـود** · 15-07-2009 12:17

هذا انا ابو النظارات

هههههههههههه

فارس حلم غريب وخرافي

**ســـعود** · 15-07-2009 15:50

هههههههههههههههههههههههههههههههههههههههه هههههههههههههههههههههههههههه
الا يا البناخي حتى با الحلم القراده مرتسيه جنبك ددسن بس اشوى انه 2009

تحياتي لك