سياسة قمر لي و أقمر لك

**شرهه** · 13-07-2009 10:35

سياسة قمر لي وأقمر لك

تدرون ليه الرياض مابها الا المملكه والفيصليه
ومدينة شنغهاي الصينيه يوجد بها 4500ناطحةسحاب!!

تدرون وش سبب رجعيتنا !

المحسوبيات أهم سبب ياجاك الواحد و رزقه الله و توظف بله منصب عالي
تلقى السنه الجايه كل عيال الديره بالقطاع اللي هو مستلمه !

والا القماره و هي السبب الأخطر

ياجاك خويك والازميلك بالعمل و هبب لوه شينن مثل وجهه وقال لك وشرايك قلت الله يازينه وش هالإبداع يارجال
وتقوم تطنخ فيه يما يصقع السقف
ثم ن عاد يتحمس و ثم ن يجيب العيد و يصدق عمره

وقفه للتأمل ...
هذولي خوياتن لي ايام الثانوي جت وحده وكانت لابسه كنادر لهم ريحه مقرفه آخذت المنديل وفركته بالكنادر كرمكم الله من داخل وطلعت بالمنديل ريحه مروحه
و جتن انا وصديقتي
قسم بالله ياجماعه انها قالت لخويتي اللي بجنبي وشرايك بعطري وآخذته وشمته قالت حليل منا حليله وعلامات وجهه تقول غير هالحتسي
وجتن وقالتلي نفس السوعال و يوم شميته قلت يععع وش ذا العطر
وفطست من الضحك وقالت لنا السالفه
وافتشلت خويتنا هذيك
_

عدنا

صحيح ان المجامله من حسن الخلق بس عاد مهو لها الدرجه !
تظلم ناس على حساب ناس

(قمر لي و أقمر لك)
سياسه يتبعها كثيرا من الناس ..

و هذي حال العرب ككل
بالواقع وحتى بالنت
ياخي هالمجامله ساري مفعوله وبشكل عجيب

نضرب لكم مثال على الشعر !
زمان اول مهو أي أحد يقصد
والشعراء كانوا كلهم رهيبين وقليلين مو بها الكثره
وشعرهم كان احسن من اغلب شعراء هالوقت
لإن أول الواحد ياقصد وقصيدته باسدزه يسكته اللي مراتسيه

وهالحين اعوذ بالله
مامن احدن يقول باطل !

يالربع تهقون فيه أمل اننا راح نتسنع و نواكب التقدم و نصير من الدول الصناعيه الكبرى وحنا هلون ؟>>امرحي امرحي

مع التحيه..

**عبدالله الجعيثن** · 13-07-2009 12:23

^
^

ذكرتيني ببرنامج..."فش غلّك" اللي كان بـــLBC

شرهه

المحسوبيات والواسطات كانت موجوده قبل بس بالدس ومن تحت الطاوله

لكن من كم سنه

صارت عيني عينك

الله يصلح الحال

الا وش جاب الطاري!!!

لايكون ابو السنعوسيه سرقته وحده غيرتس,,,,والله اني شاك ان عجايب له يد بالسالفه

**شامان** · 13-07-2009 12:37

^

عبد الله بالله وخر الفيس بوك مالك شوين

ما قدرت اشوف الموضوع من كبرك صاير بيني وبين الموضوع

تصدق : ما عرفت وش معنى قمر لي وأقمر لك

من قرائتي عرفت انها المجاملات

هالشي موجود .. واحيان مضطر اخاك لا بطل

لابد من هالمجاملة .

شرهــهـ السالفة جت على الشعراء يا كثر ما قمر لي وأقمرلك في كل شي
ودائما ما تكون مع اصحاب الدماء الزرقاء وحاشيتهم

على قصيدة والا على فعل والا على سالفة والا على وإلا على

الاكيد ما نخلص من هالسالفة .

الجعيثن على فكرة : تراك متنان

**شرهه** · 13-07-2009 12:43

لالا ابو السنعوسيه مبلشن ابوي ليا البارح و هو يخطب وأنا لي شهرين وأنا اقول افكر ..

السالفه اكبر من هيك
السالفه ان اخت صديقتي مدرسه له خمس طعش ننه ولاتهيا ينقلونه لديرته
السالفه ان فيه واحد اعرفه امس قايل لأخوي الغبي الكسول عطني ملفك وادخلك القسم اللي تبي

السالفه ان الدنيا كلها خربانه

ماقول الا الله يخرجنا منها مسلمين بس
‏>‏>>>> من هالمخالفه وانا غاديتن خوش بنت ^_^

ابو غازي مشكور ع المرور يا امير

**شرهه** · 13-07-2009 13:00

المشاركة الأصلية كتبت بواسطة شامان

^

عبد الله بالله وخر الفيس بوك مالك شوين

ما قدرت اشوف الموضوع من كبرك صاير بيني وبين الموضوع

تصدق : ما عرفت وش معنى قمر لي وأقمر لك

من قرائتي عرفت انها المجاملات

هالشي موجود .. واحيان مضطر اخاك لا بطل

لابد من هالمجاملة .

شرهــهـ السالفة جت على الشعراء يا كثر ما قمر لي وأقمرلك في كل شي
ودائما ما تكون مع اصحاب الدماء الزرقاء وحاشيتهم

على قصيدة والا على فعل والا على سالفة والا على وإلا على

الاكيد ما نخلص من هالسالفة .

الجعيثن على فكرة : تراك متنان

شامان من خلقته وهو متين وراسه يادافع البلا تقل يقطينه

قمر بشد الميم واصلها قماريا ^_^

من معانيها المجامله ومعانيها وااااجده

‏ خل ابو غازي يشرح لك

الله يجزاك خير على هالمرور الرايق يابرنس

**عبدالله الجعيثن** · 13-07-2009 13:13

المشاركة الأصلية كتبت بواسطة شرهــه

لالا ابو السنعوسيه مبلشن ابوي ليا البارح و هو يخطب وأنا لي شهرين وأنا اقول افكر ..

لا يروح من يدتس...تريه مقرقش!!قسم ترجعين الدرامين اللي راحن منّتس

السالفه اكبر من هيك
السالفه ان اخت صديقتي مدرسه له خمس طعش سنه ولاتهيا ينقلونه لديرته

مايحتاج ينقلونه...

السالفه ان فيه واحد اعرفه امس قايل لأخوي الغبي الكسول عطني ملفك وادخلك القسم اللي تبي

السالفه ان الدنيا كلها خربانه

ماقول الا الله يخرجنا منها مسلمين بس
‏>‏>>>> من هالمخالفه وانا غاديتن خوش بنت ^_^

ابو غازي مشكور ع المرور يا امير

الذله بنت حلال...ياشين المداحم...وخر ياشامان

**نايف التومي** · 13-07-2009 13:23

تصدق : ما عرفت وش معنى قمر لي وأقمر لك

هههههههههه
اظاهر انه نفاق بنفاق ههههه

الى تعال هين قمر لي وقمر لك ابي اسالك وش ذا

على قصيدة والا على فعل والا على سالفة والا على وإلا على

هههههههههه

غير معلوم ؟؟

شرههــــــ

اضحك الله سنك

ياهلا والله بشرهه وش سالفتك تعالي وش يبي اخوك اذا يبي بمؤسسة يبشر

الى على الواسطه الله يستر علينا بس تدرين عاد اذا جت على الوظيفه ومالوظيفه بسيطه ...... البلا ان جت على الموت والحيات ... معكم انا الاعمار بيد الله بس يجي واحد يصيبه انفلونزا عاديه يرسلونه لالمانيا

واخونا بالله يصيبه جلطات وملطات وتحصله بمستودع مو مستشفى هههههه

الله يكون بالعون

فتحتي جروح ياشرهه

الوكاد الله لايورينا مكروه

هالحين اصبحت الواسطه سائده بكل مجال وبكل مكان يعني معك واسطه تمشي امورك مامعك رددد ياليل مطوووووووولك

تقبلي فائق تحيتي