الأخ عبدي أصيل
حياك الله وتسلم على المشاركة
وأقولك بيض الله وجهك لأنك ذكرتني في بعض الأمور وقمت بإضافتها ومنها بناخي شمر الملك عبدالله بن عبدالعزيز آل سعود أطال الله في عمره
ومثل ماتعرف بعض الأمور تكون موجودة بالذاكرة لكن سبحان الله مرات تروح وينساها الإنسان ولكن بعد ذلك إما يتذكرها أو يذكرونه إخوانه مثلك وشرواك
لاهنت وتسلم على المشاركة
على هلى الحيزا عريبين الأنساب * مثل الزمول مخزمات الخشومي
[align=center]
الاخ الفضيلي السلام عليكم ورحمة الله وبركاته تحيه طيبه وبعد
شكرا لك على الموضوع وبين انك تعب وعسى تعبك مخلوف ولكني ابي انشدك عن سالف مشخول ابا الميخ الحقيقيه لاني سمعته وتسولف على غير ما ذكرت وايضا قريته في كتاب لا اذكره ايضا غير .
اللي سمعته بالمجالس يقولون ان ولد ابا الميخ زعل على ابوه لان ابوه يقضي بين الناس والمتخاصمين وقاله الولد وشلون تحكم وانت ما عندك شهود ولا حضرت الدعوى قال ابا الميخ انا يا ولدي ما اظلم احد.المهم زعل الولد وخطر ناس قريبين حولهم رجل وعنده مرتين .فخرج الولد وابعد ويشوف البيت وشي ويشوف حدا الحريم اخذت الطفل الرضيع وحطته بالقدر المهم صارت اللجه والصيحه وجا الرجل واهل اللحريم قالوا نروح لابا الميخ هو يطلع اللي جدعت الولد بالقدر قال فرصه اشوف ابوي هو يعدل ولا لأ لانه يعرف المره ويشوفه يوم جدعت المولود.المهم قال ابا الميخ الحل عندي يرحن الحريم ورا هكالشجرمه او رضمه ويتمصلخن ويجن ياما يا قفن علي عند الرجال وينكسن وحده بثر الاخرى.اما الكبيره جدعت ثيابه وراحت يمهم مصلوخه قاله ابا الميخ انكسي خلاص خلوا الاخرى تجي .الاخرى يوم راحت تبي تجدع ثيابه الحيا ما خلاه وعيت وقالوله هله ترنا نذبحك قاله اذبحوني ولا اسوي هالسالفه قدام هالناس مصلوخه.علموا ابا الميخ فحكم عل الاولى انه هي اللي ذبحت المولود.قام ولده عقب ما هو زعلان عليه وحب راسه قال وشعندك قال انا اشوفه يوم تجدعه بالقدرلكني قلت ابشوف انت تحله ولا لأ.
اما اللي قريته عندي هي الراجحه .
وهي انه كانت امراه في بيته وحاطتن مولوده قدام البيت بيت الشعر بالمشراق وبعد شوي تبي ترضع مولوده والا هو ميت.علمت رجله واتهمه انه هي اللي ذابحته لخلاف بينه وبينه .المهم راحوا لابو الميخ المراه واخوانه وزوجه وعلموه بالسالف فسألأ الام مر عليك احد اليوم قلت لأ الا فلان مر خيال من قدام البيت على فرسه تهذب.قال جيبوه ويوم جاء قاله عليك ديه المولود قال وشلون حكمت علي.فقام وجاب حليب من نعجه والده وشخله(لبا) بماعون وحطه بمكان المولود يوم مات وقال للرجل اركب الفرس ومر من مكان مررورك هكايوم والفرس تهذب وفعلا يوم مر بالفرس تهذب والا اللي بالماعون اللبن او اللبا يتحرك .ورضوا بالحكم وهذا بعد غير السالف اللي انت اوردته .فارجوا منك التحقيق واستخراج ايهن سالفه المشخول مع ان اقربهن لنفسي هالسالفه .وممكن كلهن لابا الميخ .وعساك على القوه والسلام عليكم ورحمه الله
[/align]
مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح اف
هو بس يصفى لي مع حبل وفاس / اخير من دنيا تجاكر زروعه
ريفه بقلبي يحسده كل غراس / محد حصد مثله ولا شيف نوعه
اعيش فقير وما على كتفي لباس / وعيني من المجمول تفتش فروعه
الله يعطيك العافيه على الجهد المبذول
الأخ نايف حزوم
حياك الله
القصة التي ذكرتها أنا هي تعتبر أول قضية يقوم بحله الشيخ فنيخ أبا الميخ هذا ماهو معروف لدينا
كذلك القصص التي ذكرتها أنت قام بحلها الشيخ أخو حدوى ولكن سالفة الحريم في تعقيب بسيط عليه لو تتكرم وتسمحلي
أنا اللي أعرفه إنه يوم جوه قال انا احله لكم
واللي ذبحت الولد على حد علمي هي أمه تبي رجله يطلقه أو يقتله أهم شيء يصفيله الجو ويكون له المكان لحاله بدون جاره
المهم بعد ماجوه قال للأم الولد اسمعي انا أدريبك بريه من دم ولدك ولكن أبيك ترفيعن ثيابك وتفوتين من قدام الرجال , قالت : ارفع ثوبي بس علمن لوين تبي أرفعه الى فوق . قال لا الى سيقانك قالت الحين ارفعه قال اصبري ماهو الحين ياصوتت لك تعالي وارفعيه الحين فوتي يم الحريم
وهو يصوت للثانية قاله اسمعي انا أدري انك برية من دمه ولكن أبيك ترفعين ثوبك وتفوتين من قدام الرجال , قالت ياحيفك ياخو حدوى والله فلا أسويه قاله اجل الولد برقبتك قالت بسلامة اهلي يدونه بس الله يشهد اني برية من دمه
قاله فوتي يم الحريم
المهم الرجال جالسين ويسمعون كلامه للحريم أهلهن
قال أم الولد هي اللي ذبحت ولده اللي تبي ترفع ثوبه وتشله وتفوت من قدام الرجال فقاله ولده مثل ماذكرت
كذلك القصة الثانية من قصصه على حسب ماسمعت
والله أعلم وأحكم .
أشكرك على مشاركتك تسلم لاهنت .
على هلى الحيزا عريبين الأنساب * مثل الزمول مخزمات الخشومي
الذين يشاهدون الموضوع الآن: 4 (0 من الأعضاء و 4 زائر)
المفضلات