يالربع اليوم صكتن فهاوه ملعونة ابو مهسهس
قمت من النوم الفجريات مثل كل البشريات
وخذيت دش يهووووس
وصليت وعقبه تقهويت << هذا وهو متقهوي بعد
وانا ارتسب السياره واشغل وامشي
الله العالم اشتغل المفعول
واوصل اول اشاره
يالربع وهي تحكن اذني
على طول مثل اي مواطن حبيب منا حليلوه
وانا ادخل يدي بمخباي ابي اطلع المفتاح ابي احك اذني
ادور
يمين
يسار
مافيه
من القهر وانا اضرب الدرقسون العن اممممم القهر نسيت المفتاح بالبيت
وانا اديور من عند الاشاره ابي ارجع للبيت
واول ما ديورت
وانا اتذكر
وهن يطلعن لي اذان ياطوووووولهن
تذكرت اني مشغلن السياره والمفتاح به
عاد على طاري هالفهاوه طرت لي سالفه
الرجال مطول يبي يسولف
مرتن من المرات كنا بعرس
بمنطقه من مناطق هالبلد الحبيب
وكنا جالسين بالفندق عند العريس
وهو يدخل علي عمي
قال يا شبيثان بالله شف سيارتي الكابرس تحت شغاله
ورح يم اهلنا بالبيت خذهم ووصلهم القصر
بهالحتسي المغرب
وانا انزل وارتسب الكابرس واروح للبيت
واخذ الحريم واوديهن للقصر
وانا راجع للفندق ولا الشباب راتسبينن سياراتهم وماشين مسوين مسيره
وانا ادعس معهم
واخش بينهم
ومولع الفلشر وبواري وحالتنا حاله
انواع الرجه
ياحليل زولي بينهم
واصير قدامهم واوقف الشارع
وامشيه بمزاجي
لين وصلنا للقصر
وندخل للقصر
ونعين من الله خير
ويقلطون الرجال على العشاء
وهو يجيني عمي وانا جالس
قال شبيثان
قلت سم
قال وين سيارتي
قلت هذي برا وانا اعطيه المفتاح
وهو يطلع
شوي ويرجع لي قال وينهي
واطلع معوه قلت هذذذذذذي هي ماتشوفه
قال يابن الحلال مهي سيارتي
شلوووووووون
ونرتسب وللفندق
ونلقا سيارة عمي موجوده
يالربع من عين راعي هالسياره
قالوا الرجال بالقسم
ونفزع
ونجيه عندهم
متبهذل المسكين وبدون نعول وبدون شماغ ( انا اشوف شماغ مكوي معلق معي ونعول جدد )
يوم عرفوا السالفه وهم يحطوني بالحجز
قالوا تنازل
قال لا ماني متنازل
وعينك ماتشوف الا الجعير
ياهنووووووووووووووه ياعلك ماتربح انا لو ابي اسرق ماجيت هنااااااااااااااااا
ويالله يفكن المروح
عاد المصيبه بشريط الفيديو مصورينن المسيره
وطالعتن لقطاتي وانا مسوي زحمه
وفيه دوريه وراي
حلولات لهم عاجنينن وجهي بالشارع
وتقلدوا تحيتي
رد مع اقتباس
المفضلات