[poem=font=",6,orange,bold,normal" bkcolor="black" bkimage="" border="double,7," type=2 line=0 align=center use=ex num="0,black""]
لاتلـــذذ بجــرحٍ للـضـــمـايـر تـجـيــبـه=قبل جرحك جروحي نازفاتٍ عطايـب
يسهل الجرح دامه من جـمـيـل الذويبه=عن جروحٍ تصيبك من طعون القرايـب
ذقت سهر الليالي لـيـن يـقـرى خطيبـه=من غـبـونٍ تجيني من ربوعـي وهـايـب
كنت احسب الحبايـب ماتخلـي حبيبـه=وما تبدل عـهـوده بالرخـى والـنـوايـب
لين سارت خـيــولـك لافحـات السبيبـه=وراح مظعون حبك فوق حمر النجايـب
ويل قلب الهواوي كـان هـذا نصيبـه=ماحسبنـا لـهـجـرك ياغناتـي حسايـب
جت جروحك وزادت لاهبي مـع لهيبـه=وجرح هجرك رماني بالغثى والمصايـب
طول عمري هـمـومي للضمايـر قريبـه=والفرح عن خفوقي طيلة العمر غايـب
لا بدت شمس يومي تـقـترب من مغيبـه=ذقت من سهر جفني بالظـلام العجايـب
يجـتـمـع جـرح قـلـبي مع غبـون الغليبـه=لا سرى الليل جـتـني مثل وبل السحايب
اسمع النصح لكن خاطري مارضي بـه=واثر الاريام تفخر في جروح الحبايـب
كل ربـعـي نـهـونـي عـن مـوارد قـلـيـبـه=مثل ناس(ن) رمتهم عاصفات الهبايـب
العـذارى طبوعـه بالنـشـامـى غـريـبـه=حدت الروح تمشي في دروبٍ صعايب
لاجل ريمٍ ذيورٍ فـي مسايـل شعيبـه=في فياضٍ مزونه هاملاتٍ سكايـب
الشغايا زبدهـا يطربـك فـي صبيبـه=ما علـيـهـا شبـوك ولا عليهـا طلايـب
مع نسيم الليالي يـنـتـشـر ريـح طيبـه=منوة اللي حـلالـه ماقـنــاهــا جـلايـب
حس سرحان الاسحم يرهبك في قنيبه=يشتكي جمر جوعه بالوقـوت القشايـب
مهرفٍ كن زوله مـثـل يـابـس عـسـيـبـه=طول ليله وقلبه عن مـسـاريـه هـايـب
من بنادق رجالٍ تطرده فـوق جـيـبـه=قشر سود البنادق عقب بيـض الجنايـب
الرعـايـد تـهـزه والعواصـف تـريــبـــه=والرصاصه شنيعه من عطيـب الضرايـب
وصف حـبـك بـقـلـبي صار ماينحكـي بـه=وهجر عينك جـرحـني في سلاح الكتايـب
كل جرحٍ بـقـلـبــي شوفـتـك هـي طبيبـه=كيف تـمنع علاجك عن غميق الصوايـب
ويل قـلـبٍ حـبـيـبــه بالحرايـب طـلـيبـه=راح قـلـبـه لـغـيـره بالـمــعـارك كسايـب
عن سلاح السريـه ذاق نـار الكـتـيـبـه=وعن سموم القوايل طاح وسط اللهايب
طول ليلي سـهـيــرٍ مثل عـيـن الرقـيـبـه=والعواذل هروجه تـودع القلـب ذايـب
الحواسد تـهـلل لا لـقـت بـك مـعـيـبـه=ويوم عيده وقوعك بالردى والنكايب
وسهر عـيـن الـهـواوي ياغناتـي ضريبـه=وليت قلب الهواوي يترك العشق تايب
يطرد اللي بـمـعـلـوق الضماير يـصـيـبـه=يسحره بالوعـايـد لـو زمـولـه زهـايـب
رحت غازي وطاحت نصف ساقي حطيبه=وضاعت عروق قلبي بالـمـحـبـه نهايب
كنت اراجــي غـرامٍ خـافـقـي يهتنـي بـه=وعن قراح المحبه صار شـربـي سرايـب
اشهد اني طـريـحٍ وان روحـي تـعـيـبـه=وان هجرك رماني حول عوج النصايـب
وان غـدرك بـقـلـبـي حكـم ربـي حسيبـه=وان صدقي جـزيـتــه بالردى والكذايـب
دام هذي طبوعـك دربكم وش نـبـي بـه=راحـلٍ مـع جـروحـك ياجـمـيـل الذوايب
واشـهـد ان الـمـوده ماتـجـي بالـغـصـيـبـه=وكل جرحٍ بقلبي من يديك السبايـب
[/poem]
رد مع اقتباس
المشاركة الأصلية كتبت بواسطة ((عبدالله بن غيث))
المفضلات