دمعة الرجال

[رحيل الوهبي]

كل الصور كانت و ما زالت تكون == هي اول احلام الشعور الحقيقي

و اليوم مات اليوم و القلب ممنون == تعبت ادوّر حضرتك يا صديقي

بدون صوره

[رحيل الوهبي]

لا تقول ابيك احيان و احيان ما ابيك==اما تجي كلك او تروح كلّك

اما تجيني غاسلاً منّك ايديك==او ان صدّك يمكن انه احسلّك

لنّي احبك موت من كثر ما اغليك==و من كثر ما احبك اعزك و اجلّك

هذا غلاي اللي من القلب معطيك==اما كذا و الا انت ريّح و خلّك

[رحيل الوهبي]

حتى صباح الخير ما ودّك تقول == يا اخي وش القسوه على اللي يبونك

ماني مصدّقها و لا هوب معقول == انك تخلى با الزمن عن عيونك


العبره با المعنى ودي

[رحيل الوهبي]

موتي معك صبري و صبري معك موت==مع كل هذا قلت بصبر عشانك

لكن تجازيني مع صدك سكوت==و تضيّق الدنيا و تقطع حنانك

يبي يفوت الفوت وان فات لك فوت==يا كثر من منهم يسد بمكانك

تحياتي

[رحيل الوهبي]

تعالي انتي شوفي اشلون الاحوال==من عقب ما رحتي و لا عاد جيتي

وشلون صار الحال مما برا الحال==يا اللي بخلتي بي كثر ما خذيتي

اصعب شعور يموت بعيون رجال==لا طحتي انتي من عيونه و جيتي

[رحيل الوهبي]

اكبر من اني اعشقك موت ما فيه == لكن ّ يمكن با الغلا يشبهوني

و الحب ما ادري وين احطّه و اودّيه == خايف يشوفوني عقب يحسدوني

قرّرت اشيله في يديني و اخليه == من كثر ماني اعشقك في عيوني

[رحيل الوهبي]

كنت اتأمّل فيك حاجه كبيره==لكن خساره بس ماهي خساره

سبحان من خلاك حاجه صغيره==و انت اللبيب و تفتهم با الاشاره

؟؟؟؟؟

[رحيل الوهبي]

القلب له ميزه مع الناس لا ارتاح ..................... و انا قسم با الله من طيبك ارتحت؟؟؟؟؟؟

[رحيل الوهبي]

احيا و اموت ان طال بعدك و لا جيت

و اضيع من حر المشاعر و الاشواق


هذا انا مجنــــون لا مــنّ حبيت


وشلون اجل لا قلت ناويك بفراق

[رحيل الوهبي]

باقي ثلاث ايام و يجيني العيد

و مشاعري با العيد ماهي جديده

لنّك بعيني عيد و مقابلك عيد

و كل الليالي في وصالك سعيده

و فرصة غلاي اقول مبروك يا عيد

عدت و مشاعرنا من الله وطيده

هذا هو اصل العيد لا قلت لك عيد

حتى يا لو ان المسافه بعيده