البلد فيه مشاكل ... وتأثير الاعلام ... وراجو يالربع وينه فاقده حـــــيل ..

**فارس الصحراء** · 07-07-2009 23:42

...

والله البلد فيه مشااكل ..

يعني .. لو ان الموظف يقوم بعمله على اتم وجه ..

..

كان ما احد اشتكى والمعاملات تأخرت ..

..

بالله يعني الموظف .. يسهر طول الليل يلعب بلوت ..

وما ادري شنو .. والصبح يفطر بيض .. وفول .. وعدس ..

واذا جاه مراجع .. قام يزامر عليه حنا عندنا شغل مو فاضين لك ..

..

وهي الشغله كلها توقيع منه طول الله عمره ..

لا ومن زود الفهامه يحط المعامله بالدرج ويقول تعال بعد يومين ..

..

ليه ؟؟

على شان التوقيع ... توقيع .. منو يعني ... الله اكبر بس ..

والله يالربع .. ذيك المره ..

اراجع بالرياض .. في امارة الرياض ..

ونجي ندور الموظف اللي عنده المعامله ..

يالربيع والقاه منزل شماغه ..

وعلى الطاوله الاكل وناااااااااااااااااااااااااااااااااااااا ااااااايم

راااااااااااااقد بالعسل ...

ومعي واحد ملقوووف .. قال لحظه لحظه ..

قلت وش عندك ..

قال بنخرشه ..

قلت وشلون .. قال امش معي ..

وامشي .. وخلينا الرجال ناااايم .. ومكتبه كان بداعوس ..

يعني ما احد جايه ..

ونطلع برا الاماره ..

ونستاجر بشت .. >>> شخصيه هامه خخخخخخخخخخخ

ويلبسها خويي ..

وانا معه واركض قدامه ..

..

وندخل المكتب ..

..

بكل هدوء ..

وانا ازهمه ..

قم يا ولد ليه تنام .. قم !!!

طالع لي كذا هو شااااايب .. ما شاف خويي ..

قال وش عندك ..

قلت طويل العمر يبي منك شغله ..

وهو يفرك عيونه ..

الا اللي لابس البشت قدامه ..

وهو ينتفض ..

هلا يالله حي طويل العمر ..

استريح استريح ..

اعذرنا .. والله اللي ما يعرفك يجهلك ..

..

يا طويل العمر والله ام العيال .. امس تعبانه وموديها

للمستشفى ..

تفضل .. تفضل نقهويك ..

خويي ساكت ..

واذا تكلم يقول .. انجز معاملة هالرجال ..

وهو ما غير ابشر سم ..

..

والله وانا اخلص .. ونمشي من عنده ..

مسكين يا موظف ...

ما يدري ان البشت .. مأجرينه ..

وخويي كل ما شفته قلت التقدير والحشمه للبشت مو لك .. ههههههههههههه

وينقهر ...

..

طيب ندخل بالموضوع هالحين ..

..

بسم الله الرحمن الرحيم ..

//

السلام عليكم ورحمة الله وبركاته ..

..

..

ترانا محسودين يا اهل الفله ..

تصدقون مرات .. احس ان فيه صحفيين ..

وكتاب موجودين .. هنا ..

يمرون .. وياخذون افكار بعض الشباب ..

والله من جد فيه ناس هنا .. مبدعييييين حيييييييييييل ..

..

لذلك يا صحفي يا حبيبي ...

اذا بتكتب موضوع شغل مخك ..

وخل عنك ..

فضيحه شاعر .. او .. فضيحه .. ممثل ..

والله الصحافه .. مو مثل اول .. وبعد المجلات ..

ما عندهم الا الصحفي فلان .. معه علاقه بالشاعر فلان

ولولا الواسطه ما طلع فلااان ..

يخرب بيت كوشك ما عندك غير هالعلوم ..

ذاك اليوم .. مصورين حالهم ... باحدى المجلات ..

وناشرين صورهم ..

هذا فلان .. وهذا فلان .. وهذا فلان ..

ههههههههههههههههههههههههه

والله انهم يضحكون ..

وما غير مدح ببعضهم ..

..

فيه واحد منهو مصورينه .. وهو بين المجلات .. وماسك كاسه شاااااااي ..

ويضحك مستانس ..<< هههههههههههه والله شكله يضحك تصدقون ماسك كاسه هههههههه

هذي قصه قصيره ..

..

يقولكم كان فيه قلم .. يمشي ..

يدور .. من ينصره وياخذ بحقه ..

فأجأه ..

الا والفارس الملثم ..

..

جايه .. الا وهو الصحفي النظيف ..

الذي لا يقبل الرشوه .. ولا يقبل .. الواسطه ..

وياخذ القلم ..

والقلم مستانس ..

مصدق

ما يدري انه عااااايش كذبه مسكين يا قلم ..

مسكين يا قلم ..

مسكين يا قلم ..

..

هذا واحد من اخواني .. اسمه عايد ... عمره اربع سنوات ..

شاف دعاية العلف .. اكرمكم الله اللي هي وافي وحده كافي ..

فأعجبته الجمله .. ويقول عايد وحده كافي ..

..

ومره جيته يا مار يفحط بالصاله .. ويغني ..

اتخيلوا وش الاغنيه ..

..

لا مو يا طيبه ..

..

ولا آه يا سنوني ..

تصدقون يغني ..

الصديق وقت الضيق .. قالها راع الضيق .. ويوم صرت بضيق .. جيت ادور للصديق ..

..

وانا امسكه .. عايد سلامات وش فيك ..

..

عسى ما شر انا اخوك.. اقرب من صديقك >> حنون حيل صح

متضايق من شي ..

قال لا يا خبيل ..

بس كذا افحط واغني ..

فانا اخيرا اقتنعت ان الاعلام مؤثر ..

..

ومره من المرات ..

جالس عن العجوز ..

ونتابع مسلسل ..

وكان من ضمن اللقطات ..

ان اخو البطل ..

مذبوح واللي ذابحه حاطه بدبة السياره ..

وله يومين ما احد درى عنه ..

شوي ويجي بلاغ .. من احد المواطنين الصالحين ..

عن وجود .. سياره بمكان غريب .. وتصدر منها ريحه ..

..

جات الدوريات .. وحنا مندمجيييييييييييييييييين

خصوصا العجوز .. جدتي ..

ويفتحون الدبه .. طبعا هم .. زادت عليهم الريحه وامسكوا خشومهم ..

اطالع للعجوز الا ماسكه خشمها ...

ما تبي تشم الريحه ..

..

والله اعلامنا مؤثر حيييييييييييييييل ..

..

شرهه ... شوفي ترى انا مو هندي الهندي راااجو ..

..

صحيح يالربع ما احد عين راجو ما ادري راجا ...

والله اني فاقده ... بالله ... طمنونا عليه ... له فقده والله ...

:
:
:

تلولسوا بتحيتي ليس بلحيتي ..

بقلم // فارس الصحراء11

**%%ذيب شمر%%** · 07-07-2009 23:51

فااارس انت تستهبل راااجو موجود وهو اسمه فهد خخخخخخخخخخخخخخخخخخخ

**ابو ضاري** · 07-07-2009 23:51

راجو

يقراء موضوعك وشبلاك متخترش اخر عمرك

**فارس الصحراء** · 07-07-2009 23:54

راااااااااااااااااااجو مغير اسمه وصار فهد ...

افا ...

انا منصدم الحين !!!!!!!!!!!!!!!!!!!!!!!!

خلوني اعيش الصدمه

**فهد الجنيدي** · 07-07-2009 23:54

فارس الصحراء
وش تبي براجو

أنا راجو
و الله كرطي
ألحين صرت سعودي و موظف بالحرس
و عندي بعارين و معزا
و الحين مقدم معروض على الامارة بحط لي ختم
و أصير عمدة
و أنت لهلحين وين راجو
رج الله دماغك

**%%ذيب شمر%%** · 07-07-2009 23:55

فااارس انت اكثر من مبدع وانا ياخوي لو اتكلم من هنا لبووكره ماراح اوفي بحقك يالسنافي

الا صحيح انت لييييييييه ماتكتب بالمجلات ولا الجرااايد وربي اني صادق

ماشالله عليك قلمك اكثر من رائع

لاعدمناك يالغالي

يابعد فرتي