.. ابو يمن .. وبير مراغه .. وساركوزي .. وخويه .. واحب الليل والسهره ..

**فارس الصحراء** · 07-07-2009 01:50

..

يا حلو .. ايام الطفوله .. والبراءه ..

تحس اننا حيل بريئين .. تصدق ..

الواحد من كثر البراءه .. ما يدري ..

وين يروح الظهر .. يطلع بالشارع ..

بهالشموس .. ويلعب .. مع الاطفال البريئين ..

..

لا ووش اساميهم ..

هالبريئين ..

..

خليف .. صعفق .. دغفق ..

واحد منهم .. اسمه عيد .. بس ينادونه (( قعيس )) >> ما سلم ,,

..

عوذه .. والله ما ادري وش اقووول ,, احس .. اننا .. مضحوك علينا ..

يقلون لنا اطفال ..

ههههههههههههههههههههه

..

والواحد .. مثل ما يقول الشاعر ..

لي صاحب ن يومن تبسم قبل امس **** يالله يجمع كشرته عقب باكر

..

صح السانك ..

..

صح بدنك ..

..

خشمك ..

..

يا ملا العافيه ..

والله انك شارع ..

..

لا شاعر .. ايه صح اسف غلطت ..

بدليه يا رجال ..

...
..
..
..
..
..
..
..
..
..
..
..
..
..

...
..
..
..
..

ندخل بالموضوع ..

..

بسم الله الرحمن الرحيم ..

..

السلام عليكم ورحمة الله وبركاته ..

..

ابو يمن ,, وما ادراك ما ابو يمن ,,

يالربع هاليمنيين غزوا المجتمع السعودي .. كله ..

..

يعني .. اليمني .. غطى على المصري ,,

تلقاه بنشري ..

وشوي بمطعم..

وشوي بمحل ملابس ..

وشوي خياااط ..

..

..

تصدقون ذاك اليوم ..

صار ابو يمن راعي نيااااق ..

يسرح ابو قات بالابل .. والله حاااله ..

رايحين نروي .. الوايت .. من بير (( قليب )) اسمها مرااااغه .. >> لا احد يعلق

والله ونجي .. يا مار زحمه ..

الناس طابور ..

..

والله ونصفط الوايت ..

..

واروح انزل الجاعد .. من الددسن المرافقه .. للوايت ..

..

وانزل القهوه والشاي ..

..

واسوي جلسه على الكيف ..

..

شوي ..

يا مار ابو يمن .. يوايق ..

بالبير ..

..

واللي ..

عنده يصيحون عليه ..

..

وهو يتفلت يبي يطب بالبير ..

..

المشكله البير داعمه ذاك اليوم .. هندي ..

وجايب فيه العيد ..

والله يالهنود .. انكم قضيه .. انتم ..

عليكم غباء .. حتى البير .. بالبر ..

ما سلمت منكم .. يومين .. خلا الحلال بدون ماء ..

..

ابو هنود جاك مطفي الليت .. واكمخ مراااغه ..

الا مراغه من صيد امس ..

الوكاد نرجع لليمني .. (( القني)) الجني ..

والله وانا اجي ..

وش فيه وش السالفه ..

..

قالوا .. الرجال طايح جواله ..

ويبي يطب يجيبه ..

..

والمشكله ان جواله .. الكشاف ابو خمسين ريال ..

وليته شغال ..

واليمنى كل ما شاف الليت .. انقهر,,

..

الوكاد.. ونجيب حبل ..

ونربطه .. واتذكر .. مسلسل .. درويش البدوي ..

الله يا زمن ..

وندخله ..

ويجيب الجوال ..

..

طلع بالجوا .. رصيد .. 500 ريال .. اخس يا ابو يمن ..

..

يوم دريت ..

عذرته .. والله يا انه بغى يبكي ..

..

..

..
..

..

..

.............

ذاك اليوم .. شفت صوره ..

لساركوزي .. مستقبل احد الاشخاص .. من اصحاب الملااايين الواجده ..

والشخص هذا سعودي مسلم ..

,,,

ويضحون ومستانسين .. وهذاك يسولف استثمار وما ادري شنو ..

ونااااسي .. ان ساركوزي يسب المسلمات .. ويتهمهن بالتخلف ..

..

اقوله .. فلوسك ذي ما تنفعك .. وساركوزي ذا ما ينفعك ..

والله ان .. تولوكم .. بعض الربع .. والله ما تمسون الا بالقبر ..

..

على العموم يا حبيب ساركوزي ..

ترى ساركوزي .. خبزوا بوجهه احلى كيكه انتبه لا تجيك

وحده مثل خويك ساركوزي .. اهب اهب على شان الفلوس ..

تضحك مع عدوك عوذه منك .. طحت من عيني ..

:
:
:
:

بقلم // فارس الصحراء 11

**%%ذيب شمر%%** · 07-07-2009 02:26

يشرفني اني اووووول من يرد على موضوعك واننت كذا فارس

اما هاليمنييين اقسم بكل محل نلقاااهم؟؟؟؟؟؟؟؟؟؟؟؟؟؟

امي هاتي المرقووووقه خخخخخخخخخخخخخخخخخخخخخ

يعطيك العاااااافيه

فارس انت للك علاقه بعضويين مشفرين

حبر وورق ودفتر واجبات؟؟

يسلمووو فارس الصحراء

**فارس الصحراء** · 07-07-2009 04:16

8
8
8

يا اخوي هالايام ذي ما اسمع زين ..

انت وش قلت

**شامان** · 07-07-2009 08:25

فارس الصحراء

مرحبا ملايين

موضوع ابو يمن الرجال طلع معذور وهذا حال الدنيا

جوال ب 50 رصيد ب 500

افضل من جوال ب1000 طفرااان .

--------------------------

ساركوزي والمليونير المسلم

للأسف تمنيت لو حاط الموضوع في العام

تكشفت لي امور عن نسب زوجة المليونير المسلم ، راح تكتشف انها بدوية

وابوها امير هجرة - ابحث في جوجل وانت تعرف ما هو نسب زوجة المليونير المسلم

حتى اسم ابوها مثل اسماء الاطفال الصغار اللي انت ذكرت ....!!!

عسى الله يهديهم ويرحمنا برحمتوه ..

**شرهه** · 07-07-2009 08:36

هههههههههههههه

لاتنكت على الهنود

أنا ما ارضى عليك خخخخخ

فارس قلمك خطيييير
يارجال

قسم بالله من ابداع لإبداع

تحيتي لك

**الشبث** · 07-07-2009 11:33

ياهلا باخوي فارس وهلا بسوالفوه

بالله عاد انت تلوم ابو يمن لو طبق

هههههههههههههه

الدعوى فيها 500 ريال

هو مستعد يطبق علشان 5 ريال ههههههههههههه

وساركوزي هذا

احب اقوله كلمه وحده بس

العن ابوك يا ساركوزي

لاهنت يالفارس

وتقلد تحيتي

**ابو ضاري** · 07-07-2009 11:40

ساركوزي

اللهابو العلابي

فارس الحين انت وشسمك

تدور البراءه

يالربع اسمه ماشي عرعر مصبح طريف

وين ابو غازي يشوف الاسامي هههههههههههههه

**ابو ضاري** · 07-07-2009 11:43

الله يبيض وجيهكم خلونا من حركات الشات

واحد وده يعرس لو سمحت لو تمر على قوانيين الفله احسن وتقراه وتفهم

تراني احسن من اللي عندكم ههههههههههههههههههههه

اسمع يافارس انا اجيك الليله واتفاهم معك

يابو عرعر

**ابو راكــــــــان** · 07-07-2009 16:23

فــارس
ما اضن انت وخشتــــــــك

من الاطــــــــــــفال البريئين

البرائـــــه بيره وانت ووجهك بديره

تخبر سالفــــــه الملح

وين برائتك بغيت تخلي الهرش يذبحن

اش

تع تع تع

ضحكتي الجديده