00,,00لحظه بوادعك00,,00

**بعد ملي** · 02-07-2009 21:10

لحظه .. بوادعك قبل إنـك توادعنـي
ماني من اللي تروح ويمشـي خلافك

لـي عـزة ٍ ياوليـد النـاس تمنعنـي
لوقلت .. مابيك تمزح .. خاطري عافك

قد قلتها لك قبـل ماكنـت تسمعنـي
واليوم فعلك هو اللي حطم أهدافـك

يابن الأوادم نصيحه واخذهـا طعنـي
ماكل شخص ٍ يذل النفس لا شافـك

صحيح زينك بعض أحيان شجعنـي
لكن زود الكـرم زودت بـسرافـك

ماهوب أنـا اللـي تنزلنـي وترفعنـي
لو درت في نيتك كسـرت مجدافـك

تبي الصراحـه .. تصـدد لا تطالعنـي
أخاف من دمعتك ولا أنـت ماخافـك

ماغير واحـد .. ولا مخلـوق ولعنـي
الحـب يجـرف ولا تختـار جرافـك

لو قلت لحدٍ تحب.. وقال لـك يعنـي
خله وبعد مـادام الوقـت ماطافـك

أصـارع النفـس والدنيـا تصارعنـي
والفرق واضـح بمغرافـي ومغرافـك

ياخي ترى القلـب عيـا لا يطاوعنـي
يابن الأوادم توكـل خاطـري عافـك

عبدالكريم الجباري

**قمر اللــيل** · 02-07-2009 23:48

الله الله عليه عبدالكريم الجباري صح لسانك ولسانه يالغلا

رائعه يابعد ملي

ودي

**شام** · 03-07-2009 00:32

قصيدة جميلة
صح لسان قائلها
وسلمت يد ناقلتها لنا
بعد ملللللللللللللي
روعة عندك ذوق خيال
لك الود

**صلفيق** · 03-07-2009 00:45

يابن الأوادم نصيحه واخذهـا طعنـي
ماكل شخص ٍ يذل النفس لا شافـك

تسلم يمينك بعد ملي

وصح لسانك .... وصح لسان الشاعر

اختيار رائع ،، وعبد الكريم الجباري من الشعراء البارزين

تسلمين ويسلم ذوقك الرفيع.

شكرا بعد ملي لهذا الأختيار

لاهنتي،،،

احترامي لك

**ناصر الخبر** · 03-07-2009 01:46

أصـارع النفـس والدنيـا تصارعنـي
والفرق واضـح بمغرافـي ومغرافـك

ياخي ترى القلـب عيـا لا يطاوعنـي
يابن الأوادم توكـل خاطـري عافـك
صح لسانك ولسان الشاعر نقله رائعه احترامي لك