% مسيار مشبوه %

**شرهه** · 29-06-2009 04:13

8

شبيثان يا مغضور العود

وليه

ما تقرطتهم يوم جيت تبي تطلع

والا على الاقل مغبرن عليهم ..

وه يا تسبد العربان

بالله لقمت من هالسح

ولا حصل تكنح من قهوتهم

اوريهم

عطن عنوان استراحتهم وازهله

الا اخليك تذوق قهوتهم

سالفه ممتعه لحد الامتاع >>بالله

يا عل حالتك تطول

مع التحييييييييييييييييييييه

**غالب** · 29-06-2009 04:42

المشاركة الأصلية كتبت بواسطة فتى البيداء

لزل المزح .. هذي أشياء مقدره رب العالمين .. فلا تشائم ولا طيره ..

إيه الطيره هي التشاؤم بمرئي أو مسموع من الطيور وغيرها
----------------------------
أبوماجد
ماأقول غير
ياسالفة الشر والشرير
اللهم لا شماته

واستلم سلامي

**فتى البيداء** · 29-06-2009 05:25

8

أقول أنفهدز .. رح تحت فيه برامج مواهب وافكار ..

قال طيور الوغد ..

**واحد شقردي** · 29-06-2009 05:35

ابو ماجد احس لك دخل بالهوشه هههههههههههههههههههههههههه

يمكن انت السبب

بس ليتك ناكس عليهم ومحرق استراحتهم تالي الليل

الجثري
وش فيها قمشة نواف والله حليل ويشجع نصر

وبس يتضوحك ذكرني بنفسي هههههههههههههه

لبى القمشات لي مثلوه

**ابو فارس** · 29-06-2009 06:06

حجز 25
يسمع بهيك شغلات

---------------
يامال العافية وش لك بهم؟
انت ضيف خلك بمكانك وتقهو لين يخلصون هوشتهم

واضح انهم وحسب مرئيات مستشارة الامن القومي للهوشات
بنت الشايب انهم اطفال

بس على فكرة سؤال يطرح نفسه

رحت لهم مرة ثانية بعد السالفة هذه او لا؟

دمت بخير

**فواز الغسلان** · 29-06-2009 07:10

حسافة خشيشتك ياشبثوووووه 0

عاد اخبرك وسيم يوم اسير عليك سنة السفره 00

واكيد انهم حاسوا فرتك لما صارت تقل زبيل رفلا 00

شيبثان على طاري الرفلا ماتدري وين عجوزنا عجايب؟؟ مالها حس

تسلم شيبثان والمهم انك طلعت في اقل الخساير

**ابو ضاري** · 29-06-2009 08:28

ابو ماجد يابعد فرتي انت

اهم شي انك قمت تقدع وتركتهم يتهاوشون

نصيحه اذا شفتهم يتهاوشون لا تجيهم خلهم يتراقعون لين يتعبون

والخميس ان شاء الله عندكم نبي نروح نكمخ اللي كمخك وطيح شماغك