القهــــــــــــــــــــــــــــــــوهــ ياعيـــــــــــــــــــــــــــــــــاد
يالربع يوم اصبح الصبح وجت حزة نومتي >> عسس مايرقدون لاا الصبح
الا اسمع صوت طحانه وهي تقفل اخلاقي قفلتين
وانا امسك عقال ابوي ( اللي مايبيه عطانياه)
وانا ادخل المطبخ
الا يااامار مابوه طحانه تشتغل
واويق مع الدريشه
الا هذا صوبر ضيف
وانا امسك الرشاش الأتماتيكي واشغله على نمره
وامسكه بيمناي وألبس باليسري برقعي
الا ياذا اللي لا شفته
عرفت معنى
( ولله في خلقه شؤون )
سبحان الله ياعرب
اثري البشر انواع(ن) شتى
يااعرب ماحلفتوني .. بالله
انه مودمي له رجلين ويدين .. وله عيون براسه
ياسبحان الله
وانا اقفل الرشاش ( يوم شفته تحسفت على الفشق )
قلت وش انت ياااولد ؟
قال : ساير من طرف الجثري
قلت وش الجثري ( ابي الفكه ولا انا اعرف الجثري )
قال : اللي من طرف بصري
قلت : وش بصريوه
قال : اللي جايكم مع عقب حمود
قلت : حمود المسلمين وااجد
قال : ربع يوسف والشبث وشقردي
(يعني مافي امل)
قلت : اييييييييييييه عرفتهم شلة عقايب الزمان
وانت وشو ؟
قال : انا عقوبه جديده
يافرقينن يااناااه
يعنبو بليسكم
نبي شاعر جديد نبي مصمم نبي فني كمبيوتر نبي مطوع يعاون الواكد
استراحتكم ماتخرج الا طقم .. عينات متشابهه
ابد صوابره صوابر بصري
وخشم يوسف وعوينات شقردي حتى التحليقه .. مثل تحليقة الجثري
لا اله الا الله
قل بعد مااحب البساسه مثل شبثان
وهو يقلط .. ونكرمه واقوم اجيب له ماء مقري بوه
عسى ربي يطرح فيه البركه مع أنه ماهقوتي
قلت : عسى مافي الاستراحه عينات بعد مافقست ؟
قال : الخير وااااجد
ساعتها ودي اني اشتغلت بالدفاع واجرب على استراحتهم
الحريق التجريبي والاخلاء السكاني .. علشان اخليهم يحترقون
ماتوا بسبب تجربه أخلاء فاشله تتحمل مسؤليتها وزارة الدفاع
وطحياتي ..........
رد مع اقتباس
المشاركة الأصلية كتبت بواسطة الجثري
المفضلات