رحله الي طعس نعجه
السلام عليكم ورحمة الله وبركاته
الدله الي ما تبهر من الهيل ,,, متل العجوز الي خبيث نسمهااا
^
^
^
طرى علي بالي ها البيت
هكا السنه من السنين خططنا انا واخوياي اننا نطلع نخيم با النفود وكنا قاصدين طعس
معين ومعروف اسموه طعس نعجه
كنا جذعان بهكا الوقت وكان عندنا مخيم با الديره وها المخيم مابوه غير خيمه وحده
وكنا واجد الي با المخيم فوق العشرين عادي نصنا كان يجلس برااااا
وحنا الي نبي نطلع ثمانيه الباقين كانو قاصرين مايقدرون يطلعووون هههههههههههههه
المهم وحنا نتفق علي القطه ولابد من كل رحله ان يكون لها كبتن ومساعد كبتن
كان رئيس الطلعه ( ابو قعيميل) الله يذكروه با الخير
والمساعد الثاني (ابو سعيد) الله يذكروه با الخير
وزعو علينا المهام والمهام طبعااا كان كل واحد عليه عدة شغلات يجبه معوه من البيت
اسطوانة غاز قدور سكاكين ملح بهارات دلال.. الخ.. مثل ها الشغلات هاذي
بس كان فيه هناك مشكله وشلون ناخذ الخيمه من المخيم ؟
العيال واجد الي مهم رايحين تهقى يا بصري يبون يظحون با الخيمه علشاننا هاذا
ابو قعيميل يسالن ونا اقولوه نرسل عليهم ابو سعيد ابو سعيد اقشر ماعندوه تفهاهم ...
وحنا نرسلوه ابد ربع ساعه يمار جاي با الددسن والخيمه با الخوض وشلون جبته قال لحد يسالن
وحنا نجتمع كلنا ونركب الي مع ابو قعيميل والي مع ابو سعيد وبدت الرحله
مشينا الظهر والجو روعه والنفل والخزامى ويا بصري اضبط الدله
المهم وصلنا الطعوس قبل المغرب وعلي طول نغرس حلات الطلعه زي ما يقولون
لا طلعت النفود لازم تغرس ليه مادري لازم ننزل وندف ونحفر ونسم للكفرات لحوول
وسوينا ها الحركات المعتاده عشان نطلع سيارة ابو قعيميل وبعدين نروح نطلع سيارة ابو سعيد
غابت الشمس وحنا بس نطلع بها السيارات انهد حيلنا الوكاد طلعنا السيارات وتفقنا علي المكان الي نبي نحطبوه الخيمه
وحنا نفرش الخيمه نبي نبنيه يمار مابه العامود الي يجي بنص الي يثبت الخيمه
وعيونا كله علي ابوسعيدليه يا ابو سعيد
قال كله من العيال الي با المخيم شكلهم حقدو علي بعد ما دبيت واحد منهم انوه عياا با الخيمه
وخليتهم غصب يحملونه لي وانا كنت متكي اشرب شاي يما خلصو ومشيت بس انتم ليه ما تفقدتوه
الوكاد شلون الا ما شلون وهو يقترح علينا واحد من العيال اننا نروح انا وابو سعيد وابو قيميل لم الديره الي قريبه مننا يمكن نلقا لنا احد يعطينا ولا محل يبيع لنا
وحنا نروح وصلنا سبحان الله الا هكا الددسن تقل الله مصخروه لنا معوه ثنين جنبوه واحد منهم كبير عمر يراعون لنا وهم يتعدونا ويرجعون وحنا علي طول السلام عليكم مرحبا يا الربع حنا هلون وهلون صار علينا
ونبي عامود قال الرجال هلحين تعالو اقلطو وحنا نقلط يا الربع تسيف ثلاث دلات قهوه شربنا
والله غصب وحنا كل واحد يراعي لوجه الثاني يا رجل بس والله الدله مصلحتلكم يقولوه لي والعيال يغمزولي اصه
اشرب وانت ساكت هاذا سلمهم وهي تولع لمبه براسي يعني لكل واحد دله ولازم يشربه
خلصنا القهوه وجاء دور الشاهي يا حبيبي
قلت بعد اذا يبي يسويبنا با الشاهي زي القهوه انا ابي اهرب لم السياره
قالو لا بس القهوه الي لازم تخلصه ......اشوى
وحنا نقووم نبي نمشي بعد ها الوليمه هههههههههههه
قال اصبرو ابي اجيبلكم عامود خابروه بحوش الغنم وهو يجيبوه لنا وحنا نمشي ونروح يم اخويانا
يمارالي نيم والي يتدربا با الرمل وحنا نبني خيمتنا ونبي ننام بس ريح غنم با الخيمه قويه اكتشف
ابو قعيميل لان خشموه طويل بان الريحه من العامود الي صار لوه سنه مقطوط بحوش غنم الرجال
فا اضطرينا اننا نتاقلم مع الوضع
فا انا انصح اي ناس يبون يطلعون للبر يتاكدون من العامود الناصف حق الخيمه
تحياتي لكم
رد مع اقتباس
المشاركة الأصلية كتبت بواسطة واحد شقردي
المفضلات