رحله الي طعس نعجه

**ابو ضاري** · 25-06-2009 08:10

بصري تاقلمتوا مع الريحه
بعد قعيميل هذا خوي الشبث

الطلعات لازم الواحد ينسى له حاجه

حلاته الطلعات كذا

لاهنت يابصرى

**عبدالله الجعيثن** · 25-06-2009 17:37

لو يوسف معكم.........كان مادين خرطومه...واسط للخيمه

عشان تعرفون ان يوسف ينفع بالطلعات

**واحد شقردي** · 25-06-2009 17:55

^
^
^

مشروع فيل ماهو ادمي يوسف هههههههههههههههه

انشدو الشقردي ويعلمكم وش سويت بدلتوه بجاكرتا خخخخخخخخخخخخخخخخخخ

لا احد ينشدن ماضى وكبرت ونسيته هههههههههههههه
و الماضي كله مشاكل ومطبات

ولد عمي اوريك الليله

**عبدالله الجعيثن** · 25-06-2009 18:02

^
^

اشي ارفع الشماغ....ابشوف جبهتك

تعرف ابو غثيث؟

**واحد شقردي** · 25-06-2009 18:07

جالس احك جبهتي

عجست اتذكره بس الله يستر منك يابو غازي

من هذا يا وجه الخير ؟؟؟

**واحد شقردي** · 25-06-2009 18:41

تعرف ابو غثيث؟

هذا لي يقول بالفم

طيب يا غالي

ما بيني وبينك

**ســـعود** · 25-06-2009 20:24

المشاركة الأصلية كتبت بواسطة عجايب بنت الشايب

لي نكسه بالموضوع

بس دبل تسبدي الجثري يوم يحتسي عن الصحه وعصير البرتقان

اقول ياااراعي الصحه وجهك مورد من الصحه

بالحييل

ننكس ونتنكس شوي

هلا بعجايب اتحى رجعتك
تحياتي لك

**ســـعود** · 25-06-2009 20:30

المشاركة الأصلية كتبت بواسطة فتى البيداء

بصري هيضتن ياخوك ..

مرة طلعنا نصيد .. وقفنا لنا بمحطة نبي نعبي بنزين ..

أثاري هالمحطة به له توبيسات ( نقل جماعي ) وبهن شغالات .. وسساتر ((ممرضات)) ..

وهو ينقرد واحد من العيال يبي ينذخ عند هالممرضات .. يجيك طاير ويطمر على كبوت السيارة ..

يبي يتشقلب .. لكن حيل الله أقوى ..

طاح على ظهره مار عجز يتنفس .. ونوديه يم المستشفى ونبلش به يوم عدل ..

وباليوم الثاني تلاقطوا أثنين من العيال (تذابحوا) ألا أشوين ..

وحنا نفرق بينهم .. ويعدي اليوم على خير ..

ويوم جينا نرجع .. وهم يتلاقطون مرة ثانية .. ويقوم حديهم يرمي الثاني بأم صتمه ..

لكن ستر ربك .. صارت برجله .. وماسوت به ين كايد ..

وياروحت الشر والشرير .. ماصدقت على الله أننا نرجع ..

نسيت :

وواحد من العيال أخذ شماغ الثاني وطيره وحنا نمشي 160 .. ويقوم الثاني يقرط طاقيته ..

ويالله رجعنا ياشين ذيك الروحه ..

بصري .. أظنك اللحين أول ماتطلعون تولم عمود الخيمة ..

هههههههههههههههههههههههههههه
فتى البيدى هلحين اهم شي عندي العامووود اهم من مفتاح السياره

ياخي لما تتذكر الماضي فله

فتى البيداء شكراا علي مرورك
تحياتي لك

**ســـعود** · 25-06-2009 20:34

المشاركة الأصلية كتبت بواسطة راجو

بصري

بالله فيه ناس يطلعون لطعس اسمه نعجه

أنا من أهل رفحا و لا عمري طلعت يمه

راجو شكلي راح انهي الصداقه الي بيننا ههههههههه

هلحينانت من اهل رفحا وطعس نعجه مهو بعيد عنكم ولا رحتلوه

يا ليتن هلحين با الديره ثاني يوم تلقاني مخيم بها الحر

راجو تحياتي لك